مدري ال 6 سلندر العاديه الى الان محد جربها
تم تجربة فقط ال 4 سلندر وال 6 سبورت
مدري ال 6 سلندر العاديه الى الان محد جربها
تم تجربة فقط ال 4 سلندر وال 6 سبورت
يالغالي بعتبر نفسي ما افهم في السيارات , ترى الهيكل والتصميم واحد وطبقات العزل وحده ، نظام الاربعه والسته واحد
بس يفرق ف المكينه والمواصفات الداخليه مثل كاميرا جنط 18 وانت ماشي
ماله اي علاقه في العزل وهذا كلام حق الصيانه
موب معقوله سياره تصميم واحد : واحد يكون فيها عزل اوكيه وثاني عزله مش اوكيه ..
اسف ما اكذبك يالغالي بس ما دخلت مخي
مادخلت مخك هاذا شي راجعلك الله لايهينك رح لوكالة هوندا خريص وجرب ال 4 سلندر فوق ال 140 ورد لي خبر
والله يا اخوان اذا عزل الهواء والعزل الارضي في الاكورد الجديدة سيئ اعتقد اني بتجه للكامري الجديدة رغم عدم اعجابي بشكلها الخلفي
ولكني ركبتها في خط وبصراحة عزلها الارضي جيد جداً وأفضل من الجيل السابق وعزل الهواء إلى 160 جيد جداً وافضل من الجيل السابق ايضاً
اذا ماكانت الاكورد عزلها الارضي مثل السابق فاعتقد انها خيار مستبعد بالنسبة لي
انا شفت المقطع اللي سواه حسن كتبي ع الهوندا سبورت 6 سلندر وبصراحة واضح جداً إن عزل الهواء اسوأ من السيئ
اجل الهوندا 4 سلندر وش بتصير !!
أتمنى انك ما تزعل اخوي
انا يوم قلت لك ، الكلام ما دخل مخي ، لسبب هو ان الهيكل والتصميم واحد وهي الاستاندر لكل الفئات
تختلف طال عمرك بالمواصفات فقط قوة السياره الانظمه الداخليه ، المواصفات فتحه في سقف ونوع الجنط ........ والخ
معنى كلامي ي الغالي ان لو العزل سيء ف الاربعه سلندر بيكون هوا هوا ف السته سلندر
انا ما اتكلم ان الاربعه عزلها كويس مع العلم اني جربتها وكويسه ، بس مثل ما قلت ف المواضيع اللي قبل ما تقدر تحكم الا اذا مسكت خط ..
، ولكن بما انك ي الغالي مقتنع ان ( السته ) عزلها فيه فرق بينها وبين ( الاربعه ) اذكر لنا الاسباب عشأن انا استفيد منك وبرضو الشباب يستفدون من تجربتك
---------------------------------------------------------------------------------
أخوي انا مثلك مقدم ع هوندا اكورد ولا زلت صامل على حجزي لها لانه بكل بساطه مافي سياره تنافسها بفئتها بدون مبالغه
انا اتكلم بحكم اني جربت سوناتا 2011 وسوناتا 2012 وهذا موب ب استنقاص لراعين السوسو ولكن بوجهه نظري سياره ندمت اني شريتها
طبعا الكامري مقدر اذكر فيه شيء لان ما جربته ولا اعرف احد جربه
والماليبو تصنيع كوري يعني الموضوع يخوف شوي وغير ان واحد اعرفه ف صيانه الجميح قالي السياره مش كويسه يشتكون منها كثير ع ذمت اللي قالها
اما الفيوجن فورد سألت الوكاله قالو بتجي بعد 5 أشهر وهي اللي أحس بتنافس الأكورد بكل شيء شكل مواصفات اداء بس باقي ما وصلت
خلك على الاكورد وتؤكل ع الله واهم شيء استخاره وخذ نصحيتي جربها وبعدها قرر
انا عزمت عليها بعد ما جربتها ف الوكاله ******
وهالكلام بقوله لك بتسمع ناس تمدح وتسب حتى لو ان السياره مرسيدس خذ اللي انت مقتنع فيه وسلامتك
واسف ع الاطاله حبايبي
لا ياحبيب يختلف السبورت 6 سلندر عن ال 4 سلندر العادية
انا اقولك تجربتي واللي لاحظتها في السيارة مع ابن خالي ماجبت شي من راسي
انا كنت ناوي اشتري ال 4 سلندر لاكن بعد تجربة ال 4 سلندر السيارة عزلها سيئ
مااقدر اقولك ايش الفرق لانك انت تتكلم عن عزل السيارة السبورت افضل من ناحية العزل ليه والله ماادري
اتمنى تسال الاخوان اللي شرو هوندا 4 سلندر عشان تكون الصورة باينه لك من قريب وتتاكد بنفسك
ومثل ماقلت لك ابن خالي ساكن في الشرقية مطلع هوندا 4 سلندر من وكالة هوندا بالرياض
ومشى فيها الى الشرقية كلامه ان العزل سيئ بعد مااتصلت عليه وفيه اصوات من فوق باب الراكب على يمين وباب السواق على يمين
بعد مايتعدى 140
اخوي بما انك من سكان الرياض رح لوكالة هوندا اللي في خريص وقلهم باخذ هوندا اكورد تجربة
جربها انت بنفسك اذا اقتنعت فيها انت ومرتاح لها خذها اذا مااقتنعت زد فلوسك شوي وخذ السبورت
انا شخصيا ماارتحت لل 4 سلندر العاديه عزم ضعيف صوت المكينة يختلف عن ال 6
السلام عليكم
ياشباب بدون حماس
ترا نظره كل شخص تختلف عن الثاني
يمكن شخص يشوف العزل سيئ والثاني يشوفه مناسب
الي بيشتري لايعتمد على الكلام فقط
يروح الله لايهينه ويجرب السياره ترا التجربه بالوكاله بلاش مو بفلوس جرب الله لايهينك واستخير وقرر
اما تسمع من فلان وفلان ماراح تشتري شيء
مااخفيكم انه معي 2009
ومقدمين على 2013
بشكل عام وبكل صراحة عزل السيارة مو قد كذا خصوصا الارضي اتكلم مقارنة بمنافسينها>>اتكلم عن موديل 009لاني مجربه
بس هالشئ مستحيل يخليني مااشتري السيارة
بالنسبة للاخ باشواق فانا مدري وش وضعه بالضبط بس جاته فترة يمدح الهايلكس ويقول انه اريح من الاكورد بالمطبات طيب شي طبيعي سيارة تحميل اكيد راح يكون مطبها لين وش تتوقع انت بينما الاكورد قاسية بس ثابته وراسية بالخط وعلى العكس هايلكس بااشواق 2007:dمافي اي ثبات او رساوة وهذه هي الضريبة الراحة
عموما الي يبي اكورد من بدري اقوله توكل على الله السيارة 5سنوات قدام ماراح تتطلب منك غير قطع استهلاكية فقط اذا سلمت من القيادة المتهورة والحوادث لاقدر الله
سلام عليكم ..
بنسبة للي محتارين و مترددين في اخذ اكورد 2013
إذا كان العزل سيء.. في مواصفات و مميزات اخرى تشفع للموتر
و بكل صراحه شي مضحك ان تقارن الكامري 2013 و سوناتا 2013 بــ الأكورد 2013
الكامري الجديد شكلها سيء للغاية اسوء موديل مر على الكامري و غير كذا وكيلها ابو جميل
و سوناتا فيها مواصفات نعم لا انكر ذلك... لكنها مجرد شكل و صناعتها كورية غير مضمونة تستمر معك
انا لم اجرب الأكورد 2013
لكن بحكم تجربتي للـ اكورد 2012 لي اكثر من 6 شهور من شريتها و الى الآن لم اشتكي منها في شي ولا تحسفت
لا اصوات ديكور ولا طرمبة بنزين ولا شي من هذا القبيل...
الي متردد.. اقوله توكل على الله و اخذها.. و إذا كنت تبغى موتر افضل من الأكورد لا تفكر في تويوتا ولا الهيونداي فكر بموتر اعلى من فئتها مثل : الأفالون او الكزس
ما أختلف معك ي الغالي ..
لكن اذا جتك معلومات عن الفرق بين السته والأربعه من ناحيه العزل .. اذكرها لنا وقت ما توفرت لك المعلومات
ومن ناحية التجربه ( انا قبل لا اشتري السياره جربتها واثنين جربوها من العيال معهم اكوردات ) .. الكل مدحها موب مجاملين الوكيل الهاشم على حساب خويهم .. قالو السياره مبدائياً
عزلها وصوت الارض جداً ممتازه افضل من سابقتها ~~~ اما من ناحيه صوت الهواء وضجيج ، هذا يبيله خط ما أقدر احكم فيها الان .. بس انا اللي لفت انتباهي هو انك قلت السته
عزلها أفضل من الأربعه ( مع العلم التصميم واحد ) انا ما ودي آطير ب العجه ف الاكورد ... لها سلبيات وإيجابيات كلن ايجابيتها اكثر من سلبياتها
ومثل ما قالو الشباب لحد يتردد على الهوندا .. انا مثلكم كان مخي بينفجر من اللحسه ~ بعد اسئله + استشارات + ونشبت للوكاله بشكل غير طبيعي وجربتها مرتين ف الوكاله اقتنعت
بشكل تااااااااااااااااااااااااااااااااااااااااااااااااا م .. للأكورد
والأختلاف ف الراي ( شيء إيجابي ) وموب سلبي ..
وشكراً لكم
أشكرك أخوي هوندا 2013
اكيد يالغالي مانختلف لاكن هاذي وجهات نظر انا نفسي القى جواب لللي سالتني فيه لماذا ال 4 سلندر عزلها موب مثل ال 6 سبورت
مع ان التصميم واحد لاكن انا مثل ماقلت لك شفت تجربتين لناس قريبين لي لاكن للامانه الهوندا اكورد 2013 مراتبها افضل من الموديل السابق بمليون مرة
والنظام الصوتي فيها السيارة مرييحة لاكن يعيبها العزل مثل ماقلت لك اذا انت من الرياض وحاب تجرب ال 4 سلندر تعال معي للوكالة انا اخليك تجربها بنفسك
صراحه كنت اتمنى هوندا ماينزلون محرك 4 سلندر لاكن للاسف مقارنة بسعرها والله ماتستاهل اتكلم شخصيا بالنسبة لي لاني راعي خطوط وان شاء الله
راح اخذ الاكورد سبورت باذن الله
ترى مب كل شي الشكل
نتكلم عن الرساوة والراحة في الخط والمقصد من الراحة هو عزل الهواء
اللي راعي خطوط مثل حالتي ما يفكر بشي اسمه شكل
شكل الهوندا الجديد محد يختلف عليه
لكن وش الفايدة اخذ سيارة شكل واذا مسكت فيها خط راسي صدع من صوت الهواء
ع العموم عن نفسي انا بنتظر 5 شهور الين اشوف تجارب الي بيشترونها والعيوب ان كان هناك عيوب مصنعية او غيره وبعدها باخذها اجار لمدة يومين ع الاقل واشوف وضعها
واعيد واكرر السيارة مب ديكور وبس
وفيت وكفيت يا اكورد2013
السيارة مو عالشكل والديكور وبس
للاسف ناس تشتري عالشكل والديكور والمواصفات على حساب الراحة والعزم
والا ياشباب سيارات شركة فورد من اقبح السيارات شكلا واقلها مواصفات وبالذات السيارات اللي تحت موديل 2009 ووفوق ذلك تلاقيها ماليه الشوراع من كثرها والسبب بسيط ياشباب
لان صاحبها شاري السيارة يبحث عن الراحة والعزم وليس المواصفات والشكل
عموما لولا اختلاف الاراء لبارت السلع
وانا كتبت نصيحتي عن واقع تجربه مو كره في الاكورد او تعصب لشركة ثانية
وللامانه انا ماشريت الاكورد 2009 الا عن قناعة بعد تجربة الاكورد 2007 وللاسف كنت اتوقع 2009 افضل من 2007 ولكن كانت النتيجة العكس
استغرب من اللي يقول عزل الاكورد تعبان
صح عزلها الارضي سيء بس الجانبي جيد جدا وانا راعي خطوط ورجلي على 170 و180 والحمد لله راضي بالعزل تماما
ايه نعم وتاكدت منها بعد يوم سالت قريب لي العزل مااقدر اقولك ضعيف لاكن مقبول
من عند الباب الايمين والايسر للراكب وللسواق هنا المصيبة بعد ماتمشي فوق 140
بعدين انت معك السيارة ليش بكرا الصبح تطلع وتمشي فوق 140 وتعطينا رايك عشان تتاكد ويتاكدون اللي هنا
خذ اي جوال صديقك ابوك عمك وصور لنا تجربتك انا بالانتظار
بعدين شباب انا عندي سؤال ، انا حاجز فل مخمل ، بدون نفقيشن .. يعني اقدر ف المستقبل اركبها ع نفس شاشه الوكاله
اللي عنده خبر يردني الله لا يهينكم
واي واحد ، عنده اكورد وجربها يذكر لنا الايجابيات وسلبيات / لأنك بتسوي خير ف كثير من شباب
اما عني انا / مأخذها مأخذها ب أذن الله
انا سجلت بس عشان ارد على الاخ الي يقول ان عزل السته سلندر يختلف عن الاربعه وقول له ماعندك سالفة مع احترامي لك لاكن حاله نفسيه شعورك ان السته سلندر اقوى خلاك تتوهم ان كل شي تمام فيه...
انا جربت قيادة الهوندا الجديدة ونص فل بعد ممتازه وهادئيه وعزلها الارضي ممتاز لدرجة اني لم اسمع او اشعر بالكفرات واخذها للمطبات هادئي ولاكن لان تجربة القيادة محدوده بمنطقه محدده لم استطع تجاوز السرعة فوق الـ 140 اما تقول العزل مختلف غلط منك الهيكل نفسه والمواد نفسها فقط يفرق بعض المواصفات الترفيهيه في السته سلندر اما العزل واليهكل وماراح تغامر شركة هوندا بشي مثل هذا لانه ضروري...
وشكرا