الموضوع: كلام الناس، نقص في زيت المكينة.

وعليكم السلام ورحمه الله وبركاته

ما خرب علينا إلا كلام الناس الهونداء عموماً تعتبر مكائنها من أفضل المكائن وما تنقص وهذا مو من عندي ولا من عند الناس هذا من تصنيف الشركات الكبرى إلا إذا الواحد يهمل سيارته و ما يهتم فــ هنا اللووم كله عليه والكلام هذا ينطبق على جميع السيارات هوندا و التويوتا والنيسان وووو

وأنت جربت الموتر يعني ما يحتاج عندك خلفيه عن السيارة

مكاين هوندا من أفضل المكاين وما تنقص زيت

فيه نقص طبيعي ببعض السيارات وفيه نقص عالي جدا
مثل الكامري مشهوره ومعروفه بنقص زيت المكينه

نوع الزيت ( بعض الزيوت سريعة النقص ) + لزوجة الزيت ( كل ما كان الزيت أثقل يقل النقص ) + أسلوب القياده + حالة المكينه و ممشى السياره وعدد السلندرات + تغيير الزيت كل 5 آلاف والسيفون كل 10 آلاف " يحافظ على المكينه " .. الأشياء هذي لها دور بالنقص

أنا بصراحه أستغرب من اللي يقولون قير عادي وقير أوتو .. المكينه وحده
وش دخل القير ؟

يعني انا مثلا معي أكورد 4 سلندر 2006 قير عادي .. ولا تنقص

ومجرب أكورد 4 سلندر 2006 أوتوماتيك .. ولا تنقص

المكينه وحده ؛ لكن الإختلاف بالقير ؛ والقير ماله علاقة بزيت المكينه


قبل سنوات طويله

ارتفعت حرارة سيارتي على الـ h و اظطريت امشي عليها للبيت .. و لا خبطت الحمد لله .. و سبب ارتفاع الحراره (( لأني غيرت ماء الراديتر بنفسي وكنت عليمي ولا عبيته زين .. يعني المشكله أو السبب مني )) ويوم وصلت البيت خليتها تبرد وشفت الخزان الاحتياطي فاضي و فكيت غطاء الراديتر ولا أشوف ماء .. المهم عبيتها ماء وصارت الحرارة تمام ومن أحلى ما يكون

طريقتي لتغيير ماء الراديتر كانت خاطئه .. فكيت صرة الراديتر ثم سكرت الصره وعبيت الراديتر ماء وعبيت الخزان الاحتياطي شوي و سكرت الغطاء ومشيت وهذا غلط

الطريقه الصحيحه موجوده بكتالوج السياره .. والبعض يشغل السياره والغطاء مفتوح وكل ما نقص يزيده .. الين يحس ان النقص وقف و الراديتر أمتلئ

المشاركة الأصلية كتبت بواسطة THE SILVER ACCORD

أنا بصراحه أستغرب من اللي يقولون قير عادي وقير أوتو .. المكينه وحده
وش دخل القير ؟

يعني انا مثلا معي أكورد 4 سلندر 2006 قير عادي .. ولا تنقص

ومجرب أكورد 4 سلندر 2006 أوتوماتيك .. ولا تنقص

المكينه وحده ؛ لكن الإختلاف بالقير ؛ والقير ماله علاقة بزيت المكينه

مكاين الهوندا ماينقص زيتها سواء قير عادي أو أوتو
الكلام عن مكائن الكامري من 2003 وانت طالع فيه فرق بين القير العادي والاوتوماتيك
والسبب والله اعلم أن أصحاب القير العادي يضغطون المكينة عكس القير الاوتوماتيك خفيفي على المكينة

أي سيـاره قيـــر عادي ينقصص زيت بعد 2000 كيلو السبب ان الضغط يكون مرتفع مثلا تمشي 160 الضغط يكون على 4 والاتو يكون الضغط 3 ولا راح ينقص فرق كبير بين عادي والاتو مافيه لا عيب مصنعي ولا شي المفروض يمنعون القير عادي