اخوي انا عندي نفس مشكلتك صفير خفييييييييف جداً عند الفرامل (لكن عادي تجاهله وبالطقاق تسمعه اصلاً)

المشكلة الحقيقية عندي هي صوت قوي وواضح بقوة اذا فكيت الفرامل بعد الضغط والجير على الدي

يعني واقف عند اشارة وفكيت الفرامل علشان امشي فيه صوت وااااضح (فحص الالف بشوف وش سالفته)

خاصة اذا كانت السيارة بمنحدر للاسفل يعني نازله على وجهها وماسك فرامل وفكيته شوي شوي الصوت يطلع بقوووووووة (صوت احتكاك)

الصوت متاكد من وصفي خرعت العالم لكنه موجود باغلب السيارات وطبيعي لكن كسيارة جديدة بصراحة علامة استفهام

وفحص الالف قريب بشوف وش سالفته


طيب بتكلم عن الموضوع اللي كل الناس يتسائلون عنه

العزل + الراحة

العزل اذا شغلت المسجل تمااااااااام ، بدونه؟ مثله مثل الاكورد السابقة بالضبط (اذا العزل مهم عندك ما انصحك في الاكورد)

اما الراحة فحدث ولا حرج الاكورد معروفة

التعليق الرياضي يخليك تحس معك جي تي ار!!!!

المراتب فررررررررق شاسع عن الموديلات اللي قبل كلها اللي كانت تكسر الظهر كسر

صارت مرييييحة وحلوة واقول انها افضل مراتب بفئة الاكورد كلها وانا مغمض

لكن التعليق الرياضي والاحساس بالطريق يعني اهتزاز السيارة واضح جدا

لو فيه حفرة 2 سنتي تحس فيها (بلا مبالغة)

جدا جدا غير مريحة ومع شوارعنا تحس انك ملاهي بالاخص بعض الشوارع

وعيون القطط ايضا مزعجة وقوية


طبعا بعد كل هالسلبيات والتقطيع والتحطيم ما ندمت لحظة على شراء السيارة بالعكس

العزل والراحة والامور اللي فوق كلها معروفة عن الاكورد وماخذها عن قناعة

باليد الاخرى السيارة قيادتها جدا ممتعة

تصميمها مجنون الناس تحسبها لكزس (لون سيارتي ابيض وبدون تحيز اشوفه الاجمل بلا اي منافسة - ذوق - )

تماسك السيارة كأي اكورد ، تماسك رهيييييييب تحس معك الماني (تبي تفهم قصدي شف سوناتا ولا كامري تنزل من رصيف قصير اللي يكون عند بعض المطاعم وشف الاكورد والمرسيدس)

جودة الديكور الداخلي عااااالية فرق عن الموديل اللي قبله كانوا الناس يشتكون من هالنقطة

البنزين حسبتها الفل يمشيك +600 وطالع داخل المدينة (قيادتي هااادئة)

رساوة طبعا اكورد غنية عن التعريف

واذا تبي جودة وكررررررف ورساوة مجنونة وآمنة خذ اكورد

تبي راحة ودلع وعزم وعزل شف غيرها نصيحة (الشباب الصغار انصحهم يبعدون عنها لان قلة المواصفات والعزم المتواضع بتخليهم يكرهونها)


(من سنة جدي وحنا نردد هالكلام سيارة الاكورد وهوندا كلها شركة عملية شعارها الجودة + الأمان فقط)


مختصر ردي : (عزل السيارة تغير بدرجة طفيفة للأفضل عن الموديلات السابقة ، المراتب اكثر راحة بفرق كبير ، اهتزاز السيارة مع الطريق تعليق رياضي مثلها مثل الموديلات السابقة جداً مزعج وتحس بالطريق بقوة ، فرق الموصفات والتصميم) .

كتبت الرد رغبة مني افيد اخواني فلا تبخلوا علي بدعوة .