السلام عليكم ورحمة الله وبركاته
اخواني الاعضاء الكرام اسعد الله مسائكم
السؤال كما هو في العنوان كيف احمي عجلات السيارة من السرقة ؟
وفيه شي ثاني بعد غير جهاز الانذار تحط مسامير يسمونه حقت حميه من السرقه تحطه بدل المسامير الوكاله لو يجي الحرامي يبي يفكه المسامير مايقدر ولا يمديه يسرق الكفرات
ايوه وصلت خير، ايش اسم هالصواميل ووين يبيعونها ؟ سبق وسمعت عنها بس مااعرف عنها شي.
بيني وبينكم الرياض الامن فيها صفر. هالسرابيت ( يكرم قارئ تعليقي والسامع ) الله يكفينا شرهم يسرق كفر عشان يفحط، لو بيستخدمها استخدام طبيعي والله اعطيه الكفر مع ابتسامه تشق الوجه.
والله ماعرف لو اعرف قلت لك وين بس هي موجوده اظن :o
تنباع هالصواميل في محلات العليان << متخصصين بزينة السيارات ..
انصح جميع من شرا 2013 بتركيبها ..
اول مانزلت جنوط 2006 انتشرت سرقتها وقيمة الواحد بالوكالة فوق 1700
ونفس الشي لمانزلت جنوط 2008 وجنوط 2011 والحين جنوط 2013
افعلوا الاسباب واشتروا هالصواميل وتوكلوا على الله ..
اسال مجرب وانا اخوك .....اااااااااااااه حسبي الله عليهم ولايوفقهم ولايسامحهم سيارتي جديده وسرقو كفراتي قسم بالله اللي يقهرك والله حتى الصواميل اول مره تتفك انغبنت من جد لكن ماتضيع عند ربك .... لكن كل دقه بتعليمه اشتريت صواميل قفل الكفرات من نفس اليوم وركبتها ع الاربع كفرات من الوكاله اصليه سعرها تقريبا 240وانتبه لا تاخذ الا اصلي لو اخذت صيني يدمر عليك المسامير اللي في الفلنجه وتقبل تحياتي والله يحميك ويحمي جميع الناس من هذولي الشرذمه ولا تنسى الاهم اللي هو انك تقول (( استودعتك الله اللذي لا تضيع ودائعه ))
والله انا مااثق بالمحلات ابد كله تقليد ترى خطيرر تحط صواميل ذي ممع مرور الوقت ينكسر ويطير الكفر وانت بالخط هذا خطير انتبه انت شوف الوكاله بس غيرها لا او شوف بعض الوكالات توويوتا نيسان يمكن يركب عليهاا
مواقع النشر (المفضلة)