انا سيارتي أكورد 2006 اربعه سلندر قير عادي
لاحظت أن 95 أفضل من ناحية العزم وهدوء المكينه
الصرفيه كلها نفس الشيء ؛ ما تفرق
لكن الإختلاف بكمية الأوكتين والسعر
بنزين 95 .. اللتر الواحد بـ 60 هلله
بنزين 91 .. اللتر الواحد بـ 45 هلله
اذا بتعبي بنزين فل مافيه فرق بصرفية البنزين بين 95 و 91 .. لكن الفرق بالأداء وهدوء المكينه ( بعض السيارات 95 يفرق معها .. وبعض السيارات ما تحس بفرق ملحوظ )
لكن اذا بتعبي 95 .. 15 لتر بـ 9 ريال
واذا بتعبي 91 .. 22 لتر بـ 8.8 ريال
يعني تعبي بنزين 91 كميه أكثر وبسعر أرخص .. عشان كذا بعض الأعضاء يقولون 91 أقل صرفيه للبنزين
لأنك اذا بتعبي 95 مثلا بـ 10 ريال بتكون كمية البنزين أقل من 91 بـ 10 ريال
وأنا أنصحك بـ 95 خصوصا اذا انت راعي سرعه و rpm عالي أو مقاومات
اذا سواقتك هادئه يمكن ما تحس بفرق بين 91 و 95
واذا جيت تعبي بنزين .. طف السياره
لأنك اذا جيت تعبي بنزين الأوساخ اللي بقاع التانكي تتحرك والخ... واذا السياره شغاله ممكن تسحب الأوساخ هذي وتؤثر شوي على البخاخات أو الخ...
وحاول تعبي من محطات جديده و ممتازه ومعروفه .. مثل الدريس ونفط والخ...
محطة التسهيلات قرأت بالإنترنت أنهم سبق غشوا ببنزين 95 خلطو معه ديزل اذا ماني غلطان وسبب أعطال ببعض السيارات .. ولا أدري عن صحة هذه المعلومه
اذا بغيت تغير نوع البنزين .. يفضل انك تصبر الين تولع لمبة البنزين ثم تعبي بنزين فل
و بتحس بفرق اكثر بالتفليله الثانيه من بنزين 95 .. لأن السياره تصير تعودت على 95 + مافيه بقايا من 91
ملاحظه :
مب شرط أنك تعبي 95 ؛ اذا كنت مطفر عادي عب 91
مكتوب بكتالوج سيارتي
91 ( حد أدنى )
رد مع اقتباس
مواقع النشر (المفضلة)