شاركني برايك اكورد 13

**طلال الشمراني** · 19-02-2013, 11:18 PM

السلام عليكم ورحمة الله وبركاته

كيف حالكم جميعاً ... بصراحه انا بطلع لي هوندا اكورد 2013 وبصراحه السياره روعه مع صاحبي ماخذ لون ابيض طبعاً ... وانا بصراحه ماني مقتنع كثير بالابيض رغم اني بالحجز طلبت ابيض ع العموم كلمتهم قالولي مو مشكله نقدر نغيرلك اللون اللي تبي .. بصراحه متبهذل من ناحية اللون شاركوني بأأي لون اخذ لاهنتو الألوان الغامقه مشكلتها تتوسخ ووتخدش بسرعه رغم انو حلو اللون العنابي ... انا محتار صراحه ..؟ الأبيض أم الفضي أم الذهبي ... يا شباب اذا في احد شاف الفضي عليها يقولي كيف الموتر لان اخوياي يمدحونه كثير الفضي

**معشوق هوندا** · 19-02-2013, 11:32 PM

الفضي شفته على الطبيعه ماعجبني عندك العنابي و الذهبي ولون جديد
لو فيه اللون البني خذه افضل

**ابو عبدالله1417** · 20-02-2013, 12:21 AM

خذ اللون الذهبي او الابيض او الرمادي او البني او الاحمر

**2013** · 20-02-2013, 12:44 AM

من ناحيتي ثلاث الالوان وبحدد اي واحد منهم الابيض ثمن الفيراني اللي هو الرمادي ثمن العنابي

مع اني افضل الالوان الغامقه ع الابيض ، بس الابيض ماتمل منه عكس الالوان الثانيه وغير كذا احس الالوان الغامقه مع شمس الرياض مع الوقت بتشهب اما الابيض يبقى زي ماهو

وهذا وجهةةة نظررري

**م ل ك 2008** · 20-02-2013, 12:53 AM

مبروووك مقدما

الله يعطيك من خيره ويكفيك شره

نصيحتي لك خذ اللون الابيض لك وللزمن

وش النوع الى اخذت

**al_mo7taar** · 20-02-2013, 02:51 AM

اولا الف مبرووك مقدما .. يعطيك خيرها ويكفيك شرها ... من وجهة نظري ! اللون الابيض راحت موضته .. تحس نفسك تاااااكسي ... انا كنت محتار زيك بين لونين ( العنابي - والفراني ) وبعد تفكير عميق واستشارات اخترت العنااابي .. مع العلم اني كنت ناوي على الفيراني ... واذا تبي شورتي ( الفراني مرره حلو وكشخة ويبين جمال السيارة خاصة مع الانوار ( led ) الامامية ..واذا ودك في لون جديد (الذهبي ) صراحة مميز ولمعة رهيبة يعني الخيارات اللي اقترحها لك ( العنابي - الفراني - الذهبي ) ما انصحك بالالوان الفاتحة .. لان السيارة فخامتها كلاسيكية مااشوفها اوكي ع الاكورد ..