رد مع اقتباس
وعليكم السلام ورحمة الله وبركاته
الانتيك فيه نوعين طويل وقصير
القصير Short يكون داخل الكبوت ؛ والطويل Long يكون نازل تحت
فيه ناس تقول أن القصير أفضل .. وفيه ناس تقول ان الطويل افضل ويسحب هواء أبرد ( لأنه بعيد عن حرارة المكينه ) لكن ممكن يجيه ماء ويدخل للمكينه .. والماء معروف اذا دخل للمكينه مع فلتر الهواء .. يضرها و ممكن تخبط
لكن حتى القصير تقدر تركب له عازل عن حرارة المكينه
لأنه اذا سحب هواء حار ممكن ما تستفيد من الفلتر
معروف أن الهواء كل ما كان أبرد يكون العزم أفضل
وأيضا لو تلاحظ الانتيكات تكون مصنوعه من مادة معدنيه ملساء وناعمه .. عشان تقلل مقاومه الهواء .. ويكون دخول الهواء اسهل وأسرع
الإيجابيات :
1) زيادة العزم والتسارع .. اذا كان الانتيك والفلتر أصلي ومعزول عن حرارة المكينه .
2) صوت يطرب على الـ RPM العالي .
3) يحسن سرعة إستجابة المكينه .
السلبيات :
1) ممكن يضر المكينه والشنابر .. خصوصا اذا كنت غير مهتم بتنظيف وتزييت الفلتر ( له سوائل خاصة بالتنظيف )
لأنه ممكن يسمح بدخول الغبار للمكينه ؛ ثم يؤثر على الشنابر والسلندرات والخ...
2) يحتاج اهتمام
3) سعره أغلى من فلتر الوكاله
4) ممكن يؤثر على حساسات السياره خصوصا اذا كنت مهمل بالتزييت والتنظيف .. و زيت الفلتر ممكن يؤثر على حساسات السياره خصوصا اذا كانت كمية الزيت اكثر من الازم .. والغبار أيضا يؤثر على الحساسات
و احذروا من الفلاتر التجاريه والانتيكات التجاريه
----------------------
وتنظيف الفلتر يحتاج أهتمام وحرص ورفق شديد .. عشان ما يخرب
ولازم ما تستخدم إلا السوائل الخاصة بالانتيك .. يعني لا أحد يجيب زيت مكينه ويصبه على الفلتر !
والإرشادات وطريقة التنظيف مكتوبه على كرتون الفلتر
للمعلوميه فيه جراب أو مثل الشرّاب للفلتر عشان يقلل دخول الغبار .. ممكن يقلل العزم شوووي لكن حمايه المكينه من الغبار .. راح تكون أفضل
مواقع النشر (المفضلة)