سبب خراب الطرمبه الأصليه :
1) إستخدام زيت أحمر أو زيت غير مناسب لدركسون الأكورد ( الأكورد لها زيت خاص موجود بالوكاله ومحلات قطع غيار هوندا ) .
يختلف عن زيت القير الأوتوماتيك الأحمر .. لون زيت الدركسون ذهبي شفاف تقريبا
الزيت الأحمر يعدم الطرمبه والدوده والخ...
غير مناسب للدركسون + يسبب تهريبات + أخف بكثير من زيت دركسون هوندا+ يسبب رغوه بالزيت + الخ...
2) نقص الزيت عن الحد الأدنى أو زيادة الزيت عن الحد الأعلى .
المستوى الصحيح .. يكون زيت الدركسون بين الحد الأدنى والأعلى ( يعني بالوسط بينهن ) .. والسياره بارده
ومع الحراره والقياده لمده معينه .. يتمدد الزيت شوي ويوصل الحد الأعلى أو يكون قريب منه
3) كسر الطاره للأخير وإطفاءها وتشغيلها على هالوضع ( مكتوب بالكتالوج ) .. أو كسر الطاره للأخير الين تطق وتستمر ماسك الطاره ومثبتها وهي مكسوره لآخر شيء .
4) ممكن عيب مصنعي
سبب خراب الطرمبه الصينيه :
من أسمها صينيه .. يعني أكيد جودتها بتكون سيئه وعمرها قصير
+ نفس الأسباب السابقه
اذا عندك الطرمبه الأصليه .. تقدر تركب لها قطع إصلاح وتضبط ان شاء الله
قطع الإصلاح اتوقع سعرها 150 أو 200 بالكثير
وشغل اليد ما أدري كم بالضبط
ولازم لازم تعبي زيت دركسون هوندا .. وحاول تفضي الزيت الأحمر
وإلا راح تخرب عليك بعد فتره
وش نوع الخراب اللي عندك ؟
تهريب تزيت - تندي زيت - ثقل بالدركسون - ونه - الخ... ؟؟
الأكورد 2013
دركسونها كهرب .. يعني انسى شيء اسمه زيت دركسون
مواقع النشر (المفضلة)