هوندا اكورد 2007 تطفي فجائة وهل من حل
رد مع اقتباسوعليكم السلام
اذا انت مغير او فاصل البطاريه أو منظف الثروتل بودي ؟
ممكن تحتاج برمجه ؛ رح عليها مشوار ثم افتح غطاء تعبئة البنزين
بيطلع هواء مع فتحة تعبئة البنزين وبتضبط السياره
وحاول تمسك بها خط شوي عشان تتبرمج
انا من نظفت الثروتل بودي ؛ صارت السياره اذا فصلت البطاريه ثم شبكتها .. تطفى السياره اذا هديت وجيت اوقف عند الإشاره أو المطب
يعني
اذا صرت امشي وجيت أهدي عند مطب أو إشاره .. تطفى أو ينزل الـ rpm بشكل كبير
لكن عرفت لها الحل
امشي عليها مشوار ( بعيد عن الزحمه ) عشان اذا هديت وجيت توقف اذا طفت عادي ؛ ثم افتح غطاء تانكي البنزين < جربها أكثر من مره ألين تحس ان الهواء اللي بالتانكي طلع
ثم أمسك بها خط أو الدائري عشان تتبرمج وتصير تمام
وتصير السياره من أحلى ما يكون
وترى المشكله هذي بسيارات ثانيه يعني مو بس الهوندا أو الأكورد .. السيارات الجديده فيها إلكترونيات كثيره
واذا فصلت البطاريه عشان تغيرها .. تفقد المعطيات .. وبعد فتره قصيره بتبرمج نفسها على المعطيات المناسبه
شد زين على أصابع البطاريه ؛ واذا تحتاج تنظيف نظفها بمحلول بيكربونات الصوديوم ( ماء دافي أو حار شوي + بيكربونات الصوديوم ) مع استخدام فرشه قديمه ولا تحتاجها
بيكربونات الصوديوم تلقاها في بنده وسعر العلبه 1.5 ريال
بيكربونات الصوديوم Sodium bicarbonateبعض الأجانب يسمونها Baking soda
وهي ممتازه جدا لتنظيف أصابع البطاريه ومكتوب بكتالوج السياره
فيديوهات على اليوتيوب - للتوضيح - اضغط هنا
مواقع النشر (المفضلة)