تاكل دركسوون الاكورد السبشل

**فهد الشمري** · 07-11-2007, 08:30 AM

السلام عليكم ورحمة الله
اليوم رحت للوكاله بالدمام عشان حجز موعد للصيانه 30 الف

كلمتهم عن المشاكل ومنها المساعدات والصوت الخلفي

والقمشات والهوبات ومن ضمن هذي المشاكل مشكلة تاكل الدركسون

ما ابي اطول عليكم

المهم قلت للمهندس حق الصيانه ان الدركسون قام يتاكل على طول طمر بوجهي وقال من فوق جهة اليسار قلت ايه

قال لا جيت تشيك قلهم يغيرووون الدركسووون لك لانها هذي مشكله في اغلب الاكوردات السبيشل

المهم انا بدخلها السبت وان شاء الله بعلمكم وش راح يصير معي

**قوه أكورد** · 07-11-2007, 08:37 AM

يسلمو على الموضوع المقود

قوه أكورد

**accord 006** · 07-11-2007, 03:58 PM

بالتوفيق ^_^

**تايه** · 08-11-2007, 01:17 AM

ياخي انا مثلك ... بس مشكلتي اني من طلعت موتري من الوكالة ماسويتله صيانة وراح الظمان << طبعا ركبت جنوط عليه وغيرت الكفر

بس احسن حل لمشكلتي اني اخشبه

**tariq91** · 08-11-2007, 10:04 AM

تكفى علمنا وش صار معك لانها مشكلة عاااااااااااااامة:(

**الـمـسـافـر** · 08-11-2007, 10:44 AM

بالتوفيق

**فهد الشمري** · 08-11-2007, 12:30 PM

موعدي معهم يوم السبت وان شاء الله حسب ماقلو بيغيرون الدركسون

من اليوم الى ذاك اليوم يصير خير
بس هي مشكله في الصناعه

**و ى ل السعوديه 8 5 5** · 08-11-2007, 01:11 PM

انا عندي المشكله هذي...وانا فل اربعه سلندر...

من فوق يسار...

قلت لهم على المشكله...

قالي جبها قبل ينتهي الضمان والى الان ماسويت ولا شيء...

ولا رحت لهم...

وانا باقي ما انتهى الضمان عندي...

بس قريب بروح لهم...

المهم بلغنا ايش يسو معاك...

**ابو سارة** · 09-11-2007, 02:44 PM

والله ياشباب نفس المشكلة بالظبط عندي وفي الجهة اليسار ياريت
تفيدوني

**البيبسي** · 09-11-2007, 02:52 PM

الله يكون في عونك بس والله الهوند يبيلها عنايه ارجو اخبارنا بالخرابات التي تصير لأني جديد في هونا

**هـــوندا وبـــس** · 09-11-2007, 09:33 PM

المشكلة هذي عند أخوي معاة اكورد فل كامل مخمل

**أبو درب** · 09-11-2007, 11:24 PM

أنا عنــــــــــــــــــــــــدي نفس المشكله

لكن غريبه اللي يقول عند أخوه فلر وفيها أذكر الفل جلد يجي

**ل م س 3 3 4** · 10-11-2007, 12:07 AM

المشاركة الأصلية كتبت بواسطة أبو درب

أنا عنــــــــــــــــــــــــدي نفس المشكله

لكن غريبه اللي يقول عند أخوه فلر وفيها أذكر الفل جلد يجي

ايه فل مخمل يقصد (الدركسون يجي بدون تلبيسه جلد)

**أكورداوي 999** · 10-11-2007, 12:39 AM

حتى أنا نفس الهرجه
إن شاء الله مع صيانه 20 أسويها

**و د ا السعوديـة 1 5 5** · 10-11-2007, 02:29 AM

ياخوي المفروض اول ماطلعتها على طول رحت وفصلت تلبيسه جلد لدركسون ورتحت

**عاشق الأكورد2008** · 10-11-2007, 01:46 PM

سبحان الله عانيت من نفس المشكلة مع الاكورد حقتي سبشل 2004 لكن طنشت قلت اكيد الشمس والحرارة هي السبب

لو دريت انه ممكن يغيروها على الضمان كان كلمتهم من زمان بس خلاص راحت علينا الله يعوض

تحياتي لصاحب الموضوع

**:": ACCORD :":** · 10-11-2007, 02:14 PM

انا صايره معاي عندي فل مخمل بس مو متاكل بس متغير لونه من فوق جهة اليسار

**فهد الشمري** · 10-11-2007, 03:42 PM

عــــــــاد اليوم دخلت السياره ويقلون ان بكرى ولا بعده تخلص

وبنشوف وش يصير

**فهد الشمري** · 11-11-2007, 03:14 PM

السلام عليكم

المهم طلعت السياره وغيرو الدركسووون لي مشاء الله يلق لق

يعني الي عنده متاكل يروح يوديه للضمان

**B Useful** · 11-11-2007, 04:54 PM

عجيب ... غيروا الدركسون !!!

حتى الفل كامل مخمل نفس المشكلة فية ...

المشكلة ياعزيزي لامن الشمس ولا من الصناعة ولا من البطيخ ...

المشكلة اتوقع والله اعلم .. ان معظم اللي يسوقون الاكوردات ( مثلي ) بيد وحدة يمسكون الدركسون من نفس منطقة التآآآكل ..
والسبب الظاهر انة من الحرارة + افرازات اليد العرقية ... ولا .... ليش ما تآآآكل كل الدركسون ؟؟؟؟

**الهادف** · 11-11-2007, 05:54 PM

المشاركة الأصلية كتبت بواسطة كوكو كورد

+ افرازات اليد العرقية

حمض اليوريك من مكونات العرق

**B Useful** · 11-11-2007, 06:08 PM

المشاركة الأصلية كتبت بواسطة الهادف

حمض اليوريك من مكونات العرق

يعني ان شاء الله كلامي صح شوي

والدليل انة منطقة وحدة اللي تتآآآآآكل ..

**Accord-2005** · 11-11-2007, 06:25 PM

نفس المشكله حقت الدركسون :(

**فهد الشمري** · 12-11-2007, 07:05 AM

بس يا مصعب ليش يوم قلتلهم عندي تأكل بالدركسووون طمر علي المهندس وقال انه من الجهة اليسار فوووووق ؟؟؟؟

**المباشر** · 12-11-2007, 03:03 PM

انا سيارتي ماشيه 5200 وشوي والدركسون بدأ يتآكل من اليسار نفس المنطقة المذكورة

طيب الدركسون نفس اللي مركب على السيارة الأصلي ولا فيه أختلاف

بصراحة انا ماني قادر أثق في عبدالله هاشم وأكره شي عندي وقت التشييك والسبب في تشييك الــ 1000 ركب سيارتي واحد سعودي من المواقف وبدخلها داخل الصيانة ومايدري اني واقف بره وأشوفه المهم طلع من الموقف وداس على البنزين وانا اشوف وأسمع صوت التواير

بصراحة قهرني وماقدرت أقول شي قلت يمكن يناشبني ويلعب بالسيارة ولا شي من القهر..