اذا ركبت سيارتك وين تحط جوالك ؟

**ياسر الشمراني** · 07-11-2007, 01:35 PM

السلام عليكم

ياحبايبي لي فتره ادّور لي قطعه او اي شي عشان احط جوالي اذا ركبت السياره عليها

رحت محلات الزينه وشريت اكثر من نوع "حامل جوال" لكن للأسف مره واحد (لزق) ويميع مع الشمس ويطيح ؟!! ومره ينكسر ؟؟ ! ومره واحد مايصلح !!؟؟!

الحين ابغا كل واحد يقول لي تجربته وين يحط جواله في الساره او تدلوني على قطعه معينه ؟

لأني ابغا احط جوالي وانا اسوق مثلاً فوق المسجل او على الطبلون او اي مكان يكون ممتاز

دلوني على قطعه او شي محدد او اي شي جربتوه ، يكون ممتاز

بانتظار تجاربكم :d

**أبو سارا** · 07-11-2007, 01:45 PM

الحين ابغا كل واحد يقول لي تجربته وين يحط جواله في الساره

هلا بالانس

انا احط جوالي على مسكه باب السائق ( عرفتها ؟ )

من يوم شريت الاكورد وهو هذا المكان

**ميدو مشاكل** · 07-11-2007, 01:46 PM

.
.
.
وعليكم السلام ورحمة الله وبركاته

انا عن نفسي من يوم شريت الاكورد
وانا احط الجوال في " فتحه " الباب ,,
اللي بعد مفاتيح الشبابيك

اعتقد عرفتها ,,,صح ؟

هذا المكان اللي احط فيه جوالي ....

واضمن انه لو دق محد يشوف الرقم غيري انا :d

**aliean222** · 07-11-2007, 01:49 PM

انا عن نفسي
احط الجوال في حاملة الاكواب
وش تبي احسن من كذا تحس كأنه محفظة اقلام!!!!!

**و ص و 330** · 07-11-2007, 01:50 PM

^^^^^^^^^^^^^^^^^^^^^^^^

نفس الشباب الي فوووق على الفتحه الي بعد ازراار القفل والدرايش ,,,

احسن مكااان والله ...

وسلااام

**كافو2** · 07-11-2007, 01:52 PM

وانا والله زي عليان في فتحة كأس الشاي تصدق يطلع شكله حلو ولو دق احد تشوف الرقم او تشوف مين اتصل عليك بدون ماتمسك الجوال :d

**أبو سارا** · 07-11-2007, 01:57 PM

مكان فتحة الشاي
حلو بس المشكله ممكن تنزل من السيارة وتنساهـ
عاد النتيجة معروفه
سرقة الجوال و كسر قزازة !!!

مكان فتحة باب السائق
نادر جدا تنساهـ لانك اذا نزلت تمن السيارة تحط يدك على الفتحه وتذكر الجوال
حتى لو فرضنا انك نسيته ماراح يكون واضح مثل مكان فتحة الشاي

**الهادف** · 07-11-2007, 01:59 PM

نفس باقي الشباب .. محل مسكة الباب ..

احسن مكان واحفظ مكان للجوال بدل الزحمة الي في حاملات الأكواب .. ومثل ما قالوا الشباب ان صعبة يبين بتبعد احتمالية السرقة

**o-k-r** · 07-11-2007, 02:05 PM

اكثر شي

حط الجوال

في مكان الاكواب حق الشاهي

اللي في الوسط

ويسلموا خيوا على الموضوع

**يامطنش** · 07-11-2007, 02:09 PM

محل حكلت الاكواب اشوفه افضل مكان وسهل تشيله لنه بيكون علي يمينك

**أبو سليمان** · 07-11-2007, 02:22 PM

بالفتحه اللي بالباب

واحيانا مكان الأكواب

**محمد بن عبد العزيز** · 07-11-2007, 02:45 PM

في اي سياره ماعاد اللي مساكت الابواب مو موجوده

انا عن نفسي احطه مثل الشباب
في مساكت الابواب الداخلي <<تحت ازرار التحكم بالابواب والنوافذ

ار يو اندر ستاند

**[ أبو سلمان ]** · 07-11-2007, 03:04 PM

وعليكم السلام والرحمه ..

أحيانا احطه في مسكة الباب أو على الطبلون أو في الدرج حتى أشبكه على الشاحن :D

فيه قطعه على شكل شبكة تحطه فوق فتحات المكيف الي بنصف السياره .. القطعه هذي خشنه بحيث تمسك لك الأغراض ، جوال ، مفاتيح ، نظارات ، لعلي اصور هالقطعه إذا لقيته طبعا ..

**accord 006** · 07-11-2007, 03:49 PM

زي ماقالوا الشباب

او انا دايم احطهـ فوق الدرج حق طفاية الزقاير طبعا وهو مقفل ..

بس طبعا هذا المكان معرض للنسيان .. الا اذا تعودتـ عليهـ ..

وبالتوفيق

**ACCORD 764** · 07-11-2007, 04:05 PM

أنا أحط الجوال في النص محل الأكواب
وأحيانا في مسكة الباب

**just 4 u** · 07-11-2007, 04:29 PM

أنا احـطه في الباب وهو أفضل مـكان بالنسبة لي ..
وأحيان أحطه في الدركسون ( الطارة ) ويثبت بين الحافة اللي فوق وبين البوري
وافتح السبيكر واسولف وأنا اناظر قدامي ورابط الحزام علشان ما ينزعج اللي قاعد يكلمني

طبعاً الطريقة ما تصلح إلا في الدائري علشان ما تلف الطارة وينقلب رأس خويـك ..

**اكورد لؤلؤي** · 07-11-2007, 05:30 PM

علشان ما تلف الطارة وينقلب رأس خويـك

ههههههههههههههههههه الله يقطع بليسك

وانا بالنسبة لي مثل الاخواان احط الجوال في مسكة الباب

منها مكان حلو ومنها ماتنساه اذا جيت تنزل

والله يعين...

**B Useful** · 07-11-2007, 06:12 PM

مرات احطة وهي الدائمة في محل الكوبين اللي بالوسط ..
وقت السفر احظة في مسكةالباب حقت السائق .. لأن مكان الاكواب يصير زحمة ..
احيانا يضيع علي .. واكتشف اني حطيتة بالدرج اللي قدام القير

**The Godfather** · 07-11-2007, 07:07 PM

احسن مكان
مساكة الباب بعد ازرار النوافذ
حتى قبل ما يرن تعرف انه راح يرن ... لانك تشوف اللمبات حق التلفون اشتغلت
و طبعا و انت نازل مستحيل تنساه
و التلفون هني ثابت و لا يتحرك
الا اذا عزمت تسوي شقلبه بالسياره و حركات الباليه .. هذا موضوع ثاني
و طبعا بعد الشقلبه تروح السياره و التلفون تشلييييييييييييييييح :d

**B Useful** · 07-11-2007, 08:03 PM

الا اذا عزمت تسوي شقلبه بالسياره و حركات الباليه .. هذا موضوع ثاني
و طبعا بعد الشقلبه تروح السياره و التلفون تشلييييييييييييييييح :d

سوي اي شي عادي ... اهم شي العنصر البشري يطلع سليم .. لان كل شي في هالدنيا من الطيارة الكبيرة لين راس المعسل اذا خرب او انسكر يتصلح ... الا الروح اذا راحت .. تروح ...:o

**الـمـسـافـر** · 07-11-2007, 08:43 PM

نفس كلام الشباب احط الجوال بمساكه الباب

**accord 06** · 07-11-2007, 10:54 PM

و عليكم السلام

انا حاليا استخدم مساكة الباب للجوال

فيه مساكه حلوه بس انها غاليه شوي .. طلب من النت

تكلف تقريبا 200 ريال مع الشحن .. لكن تستاهل

شكلها حلو و ضابط مع الديكور .. و ما فيه امل تطيح

و الاهم انك تقدر تعدل عرضها على كيفك .. تقدر تستخدمها للجوال

و الايبود و اجهزة الملاحه الصغيره ... و اي شي ببالك

موجود عندي نفسها من ثلاث شهور بس للحين ما ركبتها .. عجاااااز :(

**shabab4ever** · 07-11-2007, 11:17 PM

وأحيان أحطه في الدركسون ( الطارة ) ويثبت بين الحافة اللي فوق وبين البوري

نقس النظااام

**أكورد 2.4** · 07-11-2007, 11:25 PM

مسكة الباب >> مثل الشباب والمكان آمن 100 %

**الـــظـــل** · 07-11-2007, 11:52 PM

المشاركة الأصلية كتبت بواسطة ميدو مشاكل

.
.
.
وعليكم السلام ورحمة الله وبركاته

انا عن نفسي من يوم شريت الاكورد
وانا احط الجوال في " فتحه " الباب ,,
اللي بعد مفاتيح الشبابيك

اعتقد عرفتها ,,,صح ؟

هذا المكان اللي احط فيه جوالي ....

واضمن انه لو دق محد يشوف الرقم غيري انا :d

ميه ميه أنا مثلك بالضبط بصراحه أنه أطلق مكان