لا اعتقد ان المشكلة بالسيارة لكن يبدو انها لم تتناسب مع جسمك
حاول ممارسة تمارين استطالة بشل يومي لتتجنب ذلك
لا اعتقد ان المشكلة بالسيارة لكن يبدو انها لم تتناسب مع جسمك
حاول ممارسة تمارين استطالة بشل يومي لتتجنب ذلك
يبي لك قبل تركب تآخذ لفتين هرولة حول السيارة و تسخين و إطالات:d
انا اشوف الدعسة قريبة مرة و الدريكسون بعيييييييييد يجيني وجع بيدي مو برجلي .. عيت تظبط معي
مشكله المفروض هوندا تاخذ مقاسات كل زبون وتصنع سيارة على حسب وزنه وطوله وطول رجليه ويدينه. وبالمره بعد تتعاقد مع سليب هاي عشان المراتب:d
انا جاني كسر في يدي من الحذفه
ماهو الحرف الاوسط لكلمة توت ؟ كتبت توت احس موقع هوندا بيحذفني
الزبده يا صاحبي انا واحد من العيال سمين ومعه اكورد 2007 وماشيه معه اوكيه ولا حس ب احساسك اوب الشد
ولد خالي مع اكورد 2006 ونحيف ولا اشتكى منها
ولد عمي معه اكورد 2008 نحيف ولا واشتكى منها
واحد من اخوياي مع اكورد 2010 دبدوب شوي ولا اشتكى منها
ولد خال ولد خالي < مشوار الزبده معه اكورد 2009 برضو ما اشتكى منها
بحكم تفنيدي للاسباب اتضح لي الاتي
1- يمكن نفسياً الموضوع عندك هو أحساسك بركوب الاكورد يتبرمج العاقل الباطن عندك انه بيجيك شد
2- او انه فعلن يكون عندك شد بحكم الطول اذا كنت قصير يعني تحس ب هالالم
3- او انه يكون مدري وش اقولك بصراحه بس ماعندي شيء اقدر اقوله غير هالنقطتين
وان شاء الله اني افدتك ي الغالي
هذا يدل على أن السياره مرغوبه ومحبوبه وتتحمل
واللي جربها يحبها ويحب رساوتها وثباتها وجمالها وتحملها للكرف والخ...
أنا وأخوي معنا أكوردات 2006
وجيرانا معهم أكوردات 2006 و 2008 < وحده منهن ما أدري كم موديلها بالضبط لكنها من 2008 وطالع
وناس كثير معهم أكوردات والأكورد منتشره بالشوارع
أنا سيارتي قير عادي مع أني أعشق كثير لكن ما عندي لا شد عضلي ولا شيء
علمي بأني جسمي نحيف شوي أو متوسط
المرتبه تقدر تقدمها وتقدر ترجعها وتقدر ترفعها وتقدر تنزلها ؛ وتقدر تعدل وضعية مرتبة الظهر بحيث أنها تكون أريح
فيه شيء تفرشه على المرتبه كأنه فرو :d بمحلات الزينه
يزيد الراحه
يشبه هذي ؛ لكن شكلها أحلى من هذي بكثير .. ومحلات الزينه مليانين عندهم ألوان وأشكال
صور من الإنترنت للتوضيح
اتوقع بتساعدك بشكل كبير على راحة ظهرك والساقين ؛ وتقدر تشيلها بأي وقت
أو ممكن تلبّس مراتبك مخمل .. ما ادري اذا تقدر تركب سفنج فوق الجلد أو الفرو مثل اللي بالصور ثم تلبسها مخمل
التعديل الأخير تم بواسطة THE SILVER ACCORD ; 01-03-2013 الساعة 12:19 PM
بصراحه انا وش اللي مخليني اتجهه للاكورد ومع أن سعره غالي بحكم اللي اخذتها 118 الف وهي أربع سلندر وفي غيرها من المواتر قريبه من سعرها وستة سلندر
جودتها واللي حولي جربوها وعايشه معهم ماشاء الله صحيح غاليه لكن تقدر تقول بأذن الله بتحلل القيمه اللي دفعتها
انا كنت افكر ب ازيرا بس اكرهه هونداي
فكرت ف الماليبو 105 الالف ستة سلندر فل الفل لكن ياخي هالمواتر تخووووف صحيح منظر وشكل لكن تحسها فترة وقت وتبي تطلع لك مشااااكل ف تؤكلت ع الله واخذت الاكورد
ولا انسى الشباب الله يجزاهم ب الخير محامي تايوتا وتألمت وكل عضو شارك ف موضوع بخصوص الازيرا والهوندا افادوني كثير وغير تجارب اللي حولي خلتني اقتنع بسعرها مع انها غاليه
ومن ناحيه التورس اخوي معه تورس توهه شاريه ماشاء الله صدق ينقال موتر يطرررررربك وقريب من سعر موتري
مواقع النشر (المفضلة)