قيــر هوندا اكورد 2002 .. الله يستر

[توك]

السلام عليكم ورحمة الله وبركاته



شباب احتاج لمساعدتكم ولكم مني الدعاء بأذن الله



عندي هوندا اكورد 2002 سبق ان تم صيانة القير كذا مره سابقا في ورشة الجنوب
واعتقد احد المرات ركبلي ياباني او شي من هذا الكلام


الي حصل ان قبل اسبوع او اسبوعين ولاستخدامي القليل للسياره
صرت احس بان القير يتاخر اذا حطيته d من التحريك
وبعدها صار يطلع مع اول تحريكه طقه خفيفه
ويمشي عادي اذا مسك ودعست بنزين لكن من تجي اشاره او مطب واهديه وبعدها ادعس
يتاخر الاستجابه بعدها السياره تنقز قدام لاني اكون داعس بنزين وهي مثل الي مفضيه والمكينه تحن الين يلقم القير





وديتها ورشه حقت قير سوري :(
اول موصفت المشكله فتح الكبوت وشم زيت القير يقولي محروق
شكله القير او الحساسات
دخلها اذا حساسات بخمس مية اقل شي
واذا قير 2500 توضيب :(

مستحيل اقدر ادفع هذي الفتره خصوصا عندي ارتباطات مع الاهل صعب اوفيها

ياليت تنصحوني باي شي يفيدني او يصلح المشكله
وياليت تعطوني الاشياء الي اطلب من الفني يشوفها عشان مايلعب علي

والله يحفظكم يارب دنيا واخره

[أكــــــــــورد11]

وعليكم السلام ورحمة الله وبركاته
الافضل انك تفحص كهربة القير بالوكاله او السبب من هذا كله الطنجره لانها تسبب في تاخير استجابة القير

[توك]

وعليكم السلام ورحمة الله وبركاته
الافضل انك تفحص كهربة القير بالوكاله او السبب من هذا كله الطنجره لانها تسبب في تاخير استجابة القير

يعطيك العافيه اخوي وماقصرت
بصراحة سويت فحص كمبيوتر في مركز فحص
وطلع عندي حسب كلامه
مشكله منظم القير
و كلاتشات القير
وقالي اصلحه 4500 قلت خذ 150 قيمة الفحص
ومشيت
فهذا الي طلع معاه وش نصايحكم اخوي