المشاركة الأصلية كتبت بواسطة عزآه
أحترم وجهة نظرك
لكن أنا أتكلم عن كيا فقط و بالأخص الكادينزا بحكم تجربتي لها
أنا أتفق معك ان الياباني (هوندا فقط) إلى الأن متفوق بمراحل على الكوري
أنا كنت محتار بين الاكورد و الكادينزا و رغم تجربتي السيئة لها إلا اني حطيتها من الخيارات لثقتي بشركة هوندا
------------
من ناحية التطور
الكادينزا نزلت مع بداية 2010 يعني لها 3 سنوات و استشرت صديقي بحكم ان سيارته أول دفعة
نصحني بقوة بشرائها بسبب المواصفات و الرساوة و الجودة الممتازة لكن مو بجودة الأكورد
اخوي أنا أتكلم عن الكادينزا والله ان رساوتها فوق الممتازة أمشي فيها كل يومين 200 ولا أشعر بالخوف عكس السوناتا تمشي 140 تحس الموتر يلعب في الخط
------------
من ناحية القوة
اخوي أنا قارنتها بحكم سعر الكادينزا 91 ألف و سعر الأكورد 92 ألف ريال
و تراا تقاومت مع اوريون و ماكسيما و كاديلاك cts
طلعت على الاوريون بفارق سيارة
طلعت على الماكسيما بفارق سيارتين
طلعت على الكاديلاك بفارق لمبة كاملة
و بحكم عدم انتشار الاكورد 6 سلندر ما جربت معاه
أما بخصوص الفئة تراا معروف هذا الشيء بحكم حجم و مواصفات السيارة
كادينزا -- أفالون
اوبتيما -- كامري
سيراتو -- كورولا
ريو -- يارس
هذا موضوع قديم شوي لكن بعض الردود يقارنون الكادينزا بالأفاون و الماكسيما
http://www.toyota4arab.com/forum/t134393.html
------------
من ناحية تجربتك
شركة كيا الأن لها صيت و مبيعاتها تدبلت خلال السنتين الماضيه
أما بخصوص تجربتك لهونداي الشركة الأن في تطور مستمر مدري ويش اللي جربت انت موديل حديث أو قديم
------------
من ناحية الإنتشار
أنا معك ان إلى الأن كيا انتشارها مو زي هوندا ولا هونداي لكن صار لها اسم و تشوفها بكثرة
روح الوكيل الجبر و اسأله عن المبيعات رااح يقولك طلب هائل على الكادينزا حاليا و مو متوفرة إلا الشكل الجديد بعد شهرين
اخوي أما كلامك عن (الطفارة) تراا سيارتي سعرها 91 ألف ريال يعني بسعر الأكورد و الكامري و الالتيما
بس وجهة نظري ان الكامري شكلها قبيح و معدومة المواصفات و جودتها مو زي أول
أما الإلتيما كنت مجهز فلوسي و رحت المعرض و قالي انباعت و الحمد لله خيره
أما الأكورد كانت على نهاية جيلها و الشكل الجديد بيتأخر كثير و تجربتي سيئه معها و رغم عشقي لها ما شريتها
------------
انت بالشرقية إذا حبيت نتقابل و تجرب سيارتي ما عندي أي مشكلة
و نتناقش و رااح اقنعك ان الكوري مو زي اول
------------
شكرا اخوي على النقاش الهادف عكس بعض الناس :d بتصفق :d
رد مع اقتباس
مواقع النشر (المفضلة)