الموضوع: محتار بين الاكورد الجديده و كيا كادينزا ..

المشاركة الأصلية كتبت بواسطة اكورد 20133

بخصوص اللي متحمسين ويتهجمون على الاخ الكاسر
ما اقول الا الصراخ على قدر الألم
فيه شي اسمه نقاش بأدب واحترام
ترى لا انت ولا انا اللي صنعناها والفخر مهوب لي ولا لك الفخر لليابانيين والكوريين وكل من يصنع ويشغل مخه
الكوري أثبت نفسه هذا شي خالصين منه وأحمق من ينكر هذا الواقع الذي نشاهده يومياً في شوارعنا
وم غير الانصاف انك تتكلم بدون ما تذكرخلفية شركة تويوتا وشركة هيونداي مثلاً
فرق بين شركة لها أكثر من 70 سنة من يوم تأسست وبين شركة تأسست في الثمانينات الميلادية اللي هي هيونداي
للعلم انا معي سيارة يابانية عشان لا يجي أحد ويجلس يقلل من شخصي عشان معي سيارة كورية!!
يا رباه ما هذه العقول التي يمتلكها البعض
نقللون من الناس لأنهم اشتروا سلعة لا تروق لهم !

قال ايش قال كوري اثبت نفسه ياحبيبي طلعت بلاوي حقه انواع التخبيط مكينه كوري قرنبع لو فيهم خير الكوريين خلهم يصنعون لهم مكينه مع نفسهم مو يجون يخذون طلب قطع غيار مكينه من مبيسوبشي بعدين تعال قول اثبت نفسه هههههههههههههههههههههههههههههههه

بعد اربع سنوات ونص وممشى 150الف

اقدر اقولك خذ اكورد وانت مغمض

رساوة ثبات وجودة وانظمة الامان كااملة

بالنسبة للكادينز موعدنا بعد 5سنوات

متى الكادينزا نزلت عشان تحكموا عليها ؟!!

كلنا نعرف الماضي التعيس لكيا والشركات الكورية بصفة عاامة

وبدأت بوادر الفشل بالسوناتا الشكل الجديد وماستبعد تلحقهم بقية السيارات الكورية

تحياتي

المشاركة الأصلية كتبت بواسطة محامي تويوتا ~

قال ايش قال كوري اثبت نفسه ياحبيبي طلعت بلاوي حقه انواع التخبيط مكينه كوري قرنبع لو فيهم خير الكوريين خلهم يصنعون لهم مكينه مع نفسهم مو يجون يخذون طلب قطع غيار مكينه من مبيسوبشي بعدين تعال قول اثبت نفسه هههههههههههههههههههههههههههههههه

إلا الحماقة أعيت من يداويها

طبعا السوناتا 2011 فل مع بصمه
اما السونات 2012 بدون بصمه بس فل بحكم اني دفعت الفرررق ولو ابي الفل بصمه بدفع اكثر

ويمكن كثيرين يقولون ليه دفعت الفرق لانه مافي امل يبدلونها لي تبيها ولا الله يستر عليك وينقال لهم انهم تساهلو معاي الحين ودفعت تقريبا 6500 فرق واخذت فل بس اقل فيه مافيها مانع انزلاق الانتركشن هذا بس فيها الاي بي اس والشكل خارجي نفس الشكل جنوط 18 وجلد والخ


للمعلوميه بس

المشاركة الأصلية كتبت بواسطة 2013

بسم الله الرحمن الرحيم

أول شيء أنا بقول تجربتي للسيارات الكوريه اللي هي سوناتا 2011 فل الفل و 2012 فل بدون بصمه يعني فيها جلد وجنوط 18 والخ

اول شيء بقول ل اخوي الكاسر الله يبارك لك ف سيارتك وجعلها تعيش معك عشر سنين ،
ولكن انا بتكلم عن التطور هي فعلن السيارات الكوريه تطورت تكنلوجياً يعني سامسونج وال جي " ومن ناحيه السيارات هونداي وكيا
ولكن لو بتكلم عن الجوده ف هونداي ( ما بتكلم عن الكيا لاني ما جربتها ) ولكن اعتقد انهم خوات يعني نفس الجوده مع تفوق هونداي ف المبيعات

السوناتات 2011
1- ضعف ف تبريد المكيف
2- السياره مشت معاي الى 9 الالف كيلو ويعلم الله اني محافظ عليها القير علق علي ما يعشق ف البي لازم اطفي السيارع واشغلها وديتها للوكاله وقالو بسيطه وحلو المشكله
3- مشت السياره 15 ف كيلو وما اذكر اني اكلت عليها حفره قالو الوكاله الصيانه السريعه عندك تهريب زيت المكينه ، قالو بسيطه وانحلت المشكله
4- السياره مشت 17 الف كيلو راعي قراند ماركيز ضرب المرايه الجانبيه حقت السواق ضربه خفيفه لدرجه ان المرايه ما تضررت ماغير القاعده اللي تحت جاها كسر بسيط قلت مافي مشكله بصلحها المهم وقفت السياره ف البيت بعد نص ساعه بشغل الموتر ع اساس بوديه لمحل الفيابر عشان المرايه يلحمونها السياره ما تشتغل ابدا يمين يسار مافي امل تشتغل جبت كهربائي حاول فيها مره الكهرباء طافي ماغير انوار السقف تشتغل والدركسون مكسور ع اخر شيء كلمت الوكاله قالو جيبها لنا طيب الدركسون وش وضعه كيف اعدلها الكهربائي مقدر ( طبعا هذا نظام الامان الغبي حق هونداي يعني لو طفت عليك السياره وانت ماشيء يقفل معك الدركسون ، الى رحمة الله يا حبيبي ، المهم طلعتها ف السطحى والقير ع البي وكاب ديزل ف الارض عشان السياره تطلع السطحى بحكم الكفر لافهوع اخر شيء انا من اول ، وديتها الوكاله قالو يمكن الكمبيوتر ضرب عليك بيكلفك 8 الالف ريال ويمكن الضفيره وتكلفك حول 4 الالف ريال !!!!! والسبب عشان المرايه ؟ قالو لان المرايه فيها سلكين وضربت ف بعض وتسبب التماس ف السياره " الزبده شغل ابو كلب ، المهم وطلعت من الضفيره بعد اسبوعين طلعت السياره عشان القطعه ماهي متوفره ف الوكاله لا ف الوعلان ولا الناغي ولا المجدوعي ي سلام ع الوكاله
5- طلعتةالسياره اليوم ثاني قلت بغسلها المهم غسلت السياره جاني الهندي قالي ( صديق وطي سياره عشان يمسحونهت ) ركبت وابي اشغل السياره يدق السوتيش يوم تضغط زير الشتغيل مع الفرامل تطفى !؟ فاهمين علي يعني السياره تدق سويتش يوم تبي تشغلها ب لفرامل وزر التشغيل تطفى والسياره ع ممشاها 17 الف بس
شلتها بسطحى وحلفت ان السياره ما اخذها شغل ابو كلب وكاله الوعلان كانت سيئه جدا ف التعامل مع الهواش وجاء واحد الالماني تفهم وضعي قال بخلاص نبي نبدلها لك بس بشرط تدفع فرق المهم بدلوها لي ب 2012

نجي ل سوناتا 2012
مشت معاي زي اللوز مع اني كنت ابي ابيعها اصفار لكن الوالد رحمة الله عليه قالي ياما خسرت ع السياره لا تبيعها وتبلش عمرك خساير المهم مشت السياره 19 الف كيلو زي الحلاوه طبعا المكيف زي اللي قبل مايبرد ولكن جتني مشكلة ار بي ام ينزل ويرتفع يعني السياره ودها تطفى ويفصل الكمبرسور ويطلع هواء حار وديتها للوكاله اربع مرات والله ع كل مره اوديها يغيرون فيها شيء ولا عرفو وش المشكله مره يغيرون الحساسات مره يغيرون لي الكمبرسور مره يغيرون لي المنظم حق النواء والمشكله هي هي ما راحت وديتها الصناعيه القطيمه صناعيه الخليج صناعيه النسيم صناعيه ام الحمام ماحد عرف وش المشكله بس الغالبيه يقولون من ثلاجة المكينه وانصحك تبيعها قلت بوديها للوكاله اهر مره وقلت لهم يمكن من المكينه قالو لاءءء وش عرفهم حق الصناعيات ماعندهم سالفه الزبده بعد ما صلحوها للمره الرابعه وهي الاخيره رجعت البيت اول ما وقفت عند باب البيت الا المشكله رجعتلي وحلفت يمين وقتها ان السياره ما تابت عندي اليوم ف البيت ورحت للنسيم وبعتها


نهايك عن الوكاله السيئه تجلس السياره معهم ب الايام وانت تستأجر لك موتر ما يوفرون لك سياره بديله الا بطقاق ولازم تكلم بدر الوعلان وبعد هاوش وموب كل مره يسونها بعض الاحيان يسحبون عليك ومافي امل يعطونك سياره تمشي وضعك طيب هذا عيب مصنعي وانت تضررت بكثرة السيارات الايجارات وتاخذ من ميزانيتي لكن لا حياه لمن تنادي

انا عارف اني تكلمت ع الوكاله الوعلان ولكن والله هذا اللي صار لي

بعدها اخذت كامري اخوي 2006 حسيت بفرق المكيف والله فرق السماء عن الارض

هذي تجربتي ف الكوري وليس معنى كلامي انه سيئه يمكن حظي كان كذا والسيارات زي الحريم حظوظ بس كثيرين يشتكون من المكيف وفتحت السقف وصوت الهواء

وسلامتكم

والله حظك جدا سيء
بس لا تستغرب انك تدخل السيارة بسبب مشكلة معينة و تخليها بالأيام و بعدها تستلمها على انهم صلحوها و هم أصلا ما حركوا فيها شيء و هذا اللي صار لي مع الجبر بسبب حذفة يمين و كلمتهم في صيانة 5 و 10 و 15 لما جات 20 مسكت المهندس و كلمته و الرجال ما قصر أشرف على سيارتي بنفسه و الحمد لله صلحوها

قول ان شاء الله انها خيره

المشاركة الأصلية كتبت بواسطة alkasr777

والله حظك جدا سيء
بس لا تستغرب انك تدخل السيارة بسبب مشكلة معينة و تخليها بالأيام و بعدها تستلمها على انهم صلحوها و هم أصلا ما حركوا فيها شيء و هذا اللي صار لي مع الجبر بسبب حذفة يمين و كلمتهم في صيانة 5 و 10 و 15 لما جات 20 مسكت المهندس و كلمته و الرجال ما قصر أشرف على سيارتي بنفسه و الحمد لله صلحوها

قول ان شاء الله انها خيره

أول شيء اخوي الكاسر الله يبارك لك ف موترك وجعل اللي جاني ف موتري ما يجيك وان شاء الله تستمتع ف موترك وتعيش معك عشر سنين

لكن يمكنه حظ يمكن جوده ما ادري لكن انا كرهي للكوري 90 ف الميه موب من الشركة ام لا والله من الوكيل اللي رفع ضغطي​

الكيا تطورت كثير خصوصا الكادينزا حلوه ورايقه وحقت دلع بس جوها فل كامل والله

المشاركة الأصلية كتبت بواسطة 2013

أول شيء اخوي الكاسر الله يبارك لك ف موترك وجعل اللي جاني ف موتري ما يجيك وان شاء الله تستمتع ف موترك وتعيش معك عشر سنين

لكن يمكنه حظ يمكن جوده ما ادري لكن انا كرهي للكوري 90 ف الميه موب من الشركة ام لا والله من الوكيل اللي رفع ضغطي​

مشكور اخوي و الله لا يوريك و يورينا مصايب هالسيارات

بعد كل هالردود والله نسيت وش أنصح الرجال فيه :d

اخوي أنا أنصحك تحط في الإعتبار انك انت اللي بتستخدم السيارة يعني مو أنا اللي بقنعك تشتري أكورد أو كادينزا هذا شيء راجع لك انت و لا تاخذ السيارة إلا اللي انت مقتنع فيها حتى ما تتحسف بعدين

في البداية حط النقاط اللي تهمك انت شخصيا يعني مثلا بالنسبة لي راح يكون الأولوية

1- المواصفات : الكادينزا
2- الجودة : الأكورد
3- الأمان : كلهم نفس بعض إذا أخذت الكادينزا فل كامل
4- الإعتمادية : تقدر تقول الأكورد لعدم تجربة الكادينزا لمدة كافية
5- ماكينة السيارة : الكادينزا بتتفوق إذا بتاخذ الأكورد 4 سلندر
6- تاريخ السيارة : الأكورد تتفوق بمراحل و الكادينزا لسى جديدة على السوق

إذا بتاخذ على رأي ناس الكل بيقول لك خذ أكورد بحكم تاريخها و جودتها المعروفة من 20 سنة و يقولون لا تغامر على كوري

زبدة الكلام إذا يهمك رأي الناس و نظرتهم للشركة فخذ أكورد أما إذا ما يهمك أحد و بتاخذ السيارة لنفسك خذ كادينزا مثلي :d

أنا وقعت في حيرة مع الجيل القديم للأكورد فما بالك بالجيل الجديد الله يعينك و يوفقك في الإختيار