يسعد مسائكم سبق وان طرحت موضوع عن صدمه في الرفرف الايمن والشمعة والكثير نصحني بورشة البقاع في صناعية العاصمة مخرج 28 الدائري الغربي وفعلا اتجهة للورشة من شمال الرياض وقال مدير الورشة السيارة يومين وتخلص عموما استلمة السيارة وحسبي الله ونعم الوكيل شغل اسوء من السيئ ومعجون 10 كيلو ورش تقول ببيتهم راشها والشمعه جديدة وزنية النور يستخدم لكشف الطيارات بالسما وزنية زفت ابضطر الحين اشتري رفرف جديد ودخلها ورشة زي الاوادم والاكبر والادهى تعامل احس اني بنقالي شغال عنده والله على ما اقول شهييد
واللي يبي يتاكد يراسلني اقابله ويشوف الشغل في الموتر
غريبه والله ماصدقت انا شايف ازيرا مصدومه اقسم بالله موديله 2012 وراشه بويه كامل وضبطوه صح ورشيت عندهم كامري حقتي 2010 راش بويه كامل اقسم بالله مضبطينه صح انت أي ورشه بقاع تقصد اللي بصناعه العاصمه بالدخل ولا وين بضبط ترى في ورشتين ترى ؟
انا مدحت لك جريفين اللي بشفاء ، ومدحت لك الورشه اللي على طريق خريص ، انت تعال قبلني بالدخل ونتفهم مع المدير حق الورشه ، لايضبطونه زي الناس او يعطونك الدراهم حقك ، وانا معك بعد المفروض قبل لاتطلع تفهم مع التركي قول ضبط موتري زي الناس ولا رجع فلوس صدقني يعطونك حقك انا مسويه معهم كذا كل ماصلح موتري عندهم يضبطونه يوم شافوك ماقلته مايصلحونه عدل لانك ماقلت لهم هالكلام لو قلته صدقني يصلح زي الناس انت ارجع وتفهم معه وقول له ضبط موتر زي الناس ولا عطني الدراهم حقي انت شوف ورد لي خبررر
حتى ولد اخوي مغير الصدام ورشه عندهم لؤلؤي ومضبطينه صح وله سنه لين الحين ماتغير لونه ولا شي نفس الوكاله اظاهر ماتفهمت معهم انت روح تفهم معه قول ضبط الموتر زي الناس ولا عطني حقي تخذها غضبن عليه يمكن جايبن لك عامل ثاني مايعرف يسمكر صح يوم شافوك جديد انا خلو هالعامل يصلح موترك انت ارجع لهم قول له صلح الموتر زي الناس ولا عطني حقي لاتروح ورشه ثانيه لين تخذ حقك
وش الى يضبط موتره المفروض الورشه تبظ الموتر من غير ماتتفاهم معاهم سلمات والله لو انا مكانك لامسح بوجهه الارض خير انشالله ادفع فلوس ولايلفقون الموتر سلمات
أي تتفهم معه اجل وش رايك اقول خذو الموتر صلحوه وامشي حتى الوكاله لو تجي تعطيهم الموتر بعض الاحيان مايصلحونه صح على حسب العامل ، انا لو جيت اسمكر موتر اكلمهم واقول صلحو لي الموتر زي الناس ولا يجي اللون يفرق وكذا ، علشان يعرف اني ماراح اطلع من الورشه لين السياره تضبط ، ويجيبونه عند عامل كويس ويعرف يصلحه صح ويرشونه صح لان يدرون راح اخربه معهم يضبطونه مره ثانيه علشان كذا يصلحونه زي الناس ولا يبون مشاكل اما اذا جاهم واحد قال يلا صلحو موتر بدون مايقول لهم مابي وجع راس وكذا راح يصلحونه صح اما اذا شافوك جديد ولا تعرف شي ماراح يضبطونه زي الناس ويجيبون عامل جديد توها يتعلم السمكره يحطونه على سيارته ويتعلم عليهااا
البقاع اللي بصناعية العاصمة تجيك صراف الراجحي اللي عند قطع الغيار ع يسارك تدخل يمين ثاني ورشة ع يمينك وبعدين الرش في البقاع الثانيه في الشارع اللي وراهم ترى رشهم مو بنفس الورشة
هلا والله اخوي أي صح عندهم ورشتين وحده مافيه فرن وثانيه فيه فرن واللي يرش هندي طيب انت ارجع لهم قول لهم مو عاجبني الرش ولا السمكره لاتضبطونه زي الناس ولا عطوني الدراهم وخذ حق منهم ماتروح وتخلي حقك ماعليك منهم ترى هم يروشون صح وعندهم عامل ثانين يضبطونه اظاهر العامل اللي يسمكر موترك توه يتعلم انت ارجع لهم خلهم يضبطونه صح ولا خذ حقك
لو طعت شوري ورحت لصناعيه الوفا كامري واحد من العيال راحت الوجهيه مع البيبان السواق والراكب من الخلف يمين ورجعت ورده
لكن بقول لك شغله وشغله مهمه جداً يمكن تروح لصناعيه الوفاء ومايضبطونها لسبب الطمع وخلاص كسبو سمعه وماصار شغلهم بذمه وضمير مثل اول
ولكن بقول لك الله يعوضك وانا اخوك وصدقني انه اجر لك ، واذا ابتليت قول الحمدلله وربي راح يعوضك ان شاء الله
مواقع النشر (المفضلة)