السلام عليكم كيفكم يا شباب
الحمدلله استلمت سياراتي اكورد كوبيه 2013 فل كامل اللون ابيض لؤلؤي
حاولت انزل الصور بس ما عرفت الطريقه:(
المهم
نجي للمواصفات
- اللون ابيض لؤلؤي في اختلاف عن الموديل القديم مانزلوا الا ابيض ناصع في 2013 نزلوا ع الكوبيه ابيض لؤلؤي
- عدستين في كل اصطب زينون led
- شرايح يسموها drl نهاريه + ليليه
- جنوط 18 انش
- كشافات
- جناح
- شكمانين
- كميرا خلفيه
- كميرا جانبيه في المرايا
- ابواب + شنطه ( بصمه )
الداخليه :
- زر تشغيل السياره بدون مفتاح
- الطبلون والابواب (فايبر كربون )
- جلد لونين ( عاجي + ابيج )
- القير تبترونيك ( عادي اتوماتيك )
- بلوتوث
- تحكم بالقير خلف المقود ( فورميلا 1 )
- تحكم طاره ( مسجل + الشاشه + المعلومات + الجوال والبلوتوث)
_ احلى شي فيها الهارديسك ( اللي هو تحفظ اي سي دي او اغاني في هارديسك السياره _ يعني تاخذ السي دي من خويك وتنسخه عندك وبعد خمس دقايق تقول خذ انقلع :p)
- شاشتين وحده نفقيشن ووحده للمسجل ( منظرها جنان )
- الشاشتين كلها النفقيشن وشاشه المسجل والمعلومات بالعربي
- المقاعد كهرباء
_ المساحه الداخليه اوسع
- مدخل يو اس بي + ايبود + اوكس
- الكاميرا الجانبيه تقدر تشغلها بدون اشاره الالتفاف
- الكميراالخلفيه لها 3 وضعيات
- المرايات الجانبيه تتقفل كهرباء
- المرايا الوسطى الخلفيه فيها نظام التعتيم الالي
- المكيف الكتروني وكل جهه تحكم خاص بالبروده والحراره
- عداد البنزين (اللي هو كم يمشيك )
- نظام مانع الانزلاق
- نظام اقتصاد البنزين
هذي المواصفات اللي حاضرتني الحين والصراحه السياره انيقه وكشخه وخقق
ايجابياتها :
- صيانه الفل كامل مجانيه الى 80000 كم ;)
- العزم اقوى وخاصه مع القيرالعادي
- المساحه الاماميه والخلفيه اكبر من الموديل القديم
- الزينون ( led) قوي ماشالله
-الكاميرا الجانبيه واضحه مره مره حتى بالخط المظلم
- الشرائح النهاريه قويه باينه بعز الظهر
- صوت الهواء صاير اخف من اول بكثيرررررررررر ما يبين معك الا بعد ال 180 كم
- الطبلون عند عداد السرعه حولينه خطين على اليمين واليسار اللون ابيض واذا دعست بنزين يصير اخضر واذا هديت يصير اخضر فاتح لين توقف السياره ويصير ابيض
والكثير الكثير
وانشالله اعرف طريقة تنزيل الصور وانزل صورها
معليش طولت عليكم هذي اغلب المواصفات
انا جربت موديل 2008 والحين 2013 فرق وااااااجد زي مابين السماء والارض
ارجوا اني افدتكم ..
واي استفسار تحت امركم
رد مع اقتباس
مواقع النشر (المفضلة)