الموضوع: محتار بين "افالون xle v6 2013" ، و "هوندا اكورد v6 2013 فل كامل" !

الأفالون2013 + الأوريون 2013

لو بريال ماخذت ولا وحده فيهم

تصميم خايس لأبعد درجة

اوريون2013 + كامري2013 + افالون2013 = كلهم يتشابهون في الشكل الخارجي


وش الفايدة إذا كانت الداخلية و المواصفات حلوه و الشكل الخارجي خايس ؟؟


لو قلت لي افالون 2012 او اوروين 2012 كان قلت لك خذهم لأنه شكل ممتاز


نهاية الحديث اكورد 2013 و ريح نفسك

كلهم حول بعض، في اشياء الاكورد تتفوق فيها على الافلون وفي اشياء الافلون تتفوق فيها على الاكورد. اذا عندك قيمة الافلون خذها وانت مرتاح البال بعد الاستخارة، واذا حاب توفر كم قرش خذ الاكورد وانت مرتاح البال بعد الاستخارة.

الافلون اعلى فئة 153 الف
الاكورد السبورت 134 الف و الملكية 129 الف.

الافالون حلوة من داخل
بس الشكل الخارجي مش كثير
لكنها بشكل عام فخمة وفيها مواصفات حلوة جدا

والعيب الاكبر سعرها غالي جدا
وميزانيتك تحدد اللي تقدر تاخذه
( مع كل المدح هذا بس انا حاجز اكورد سبورت )

قهرني أبو جميل في الضحك على الناس وبالمواصفات الناقصة في الافلون الجديدة ..

صحيح الواجهة مو حلوه والشبك السفلي مشوه ..

لكن ايضا جنط الـ18 ما نزله + مواصفات مثل الرادار وغيرها ..

أنا أقول لو تقدر تصبر حتى ينزل الـ2014 ممكن تتحسن الافلون شوي ..

وأما الاكورد , اذا كنت معجب فيها وتبيها , فتوكل على الله ولا تناقش ..

وصدقني السيارة اللي في بالك لو ماتاخذها , راح في كل مرة تشوفها تتندم أنك ما اخذتها ..

المشاركة الأصلية كتبت بواسطة امير المشاعر

وصدقني السيارة اللي في بالك لو ماتاخذها , راح في كل مرة تشوفها تتندم أنك ما اخذتها ..

ي سلام عليك
اختصر لك الموضوع في هالكلمة بصرآحة أثرت فيني
جلست دقيقتين اتمعن فيها :d

افلون من غير نقاش ولو تقدر على الخليجي يكون احسن لنو المواصفات كاملة

وتدخل الضمان بعدد

هذا اقتباس من احد اعضاء منتديات الافالون يوصف السيارة
ي اخوي انا من عشاق الهوندا لكن
الافالون أفضل

انا خويي معه جي اس 350 2013 بصراحة 75% من المواصفات موجودة بالسيارة على سبيل مثال

الشاشة نفس الشاشة

الملاحة اللغة العربية

والجدير بالذكر بأنك تقدر تتحكم بجميع تقنيات السيارة عن طريق الشاشة

يعني تقفيل الابواب , الاضاءات , التكييف ,

طبعا انا اخذت فل كامل وكلفتني 135650 ريال عن طريق الهاتف المجاني لما رحت للفرع قالو لي 155700 والعازل اجباري

التفاصيل 153000 قيمة السيارة مع واي فاي 5 جيجا مجانا لمدة ستة اشهر وتم التفعيل عن طريق الهاتف

400 قيمة نقل السيارة للرياض اما الفرع فيطلب 700 ريال قيمة النقل

250 قيمة البطاقة الجمركية ( تسديد الرسوم ) اما الفرع فيطلب 350 ريال

ريجت بالي وخذتها عن طريق الهاتف وبصراحة اللي باعلي عن طريق الهاتف في قمة الاحترام وكذلك كل ما اطلب شي عن السيارة يجيبني عليها بكل تفاصيلها

شريت السيارة يوم الاربعاء يعني قبل اسبوع تقريبا ووصلت البطاقة الجمركية يوم السبت بس اللي اخرني عن استلام السيارة هو اجراءات المرور لاني طلبت لوحة مسقطة


فنصيحتي اللي يبي ياخذ سيارة سواء كاش او اقساط عن طريق الهاتف المجاني خدمة افضل واهتمام اجود وازيدكم من الشعر بيت يرسلون السيارة للفرع اللي تبي ويخرشون مدير المبيعات على شان يخلص موضوعك

الانارات الداخلية في قمة الجمال ويوجد بها زر مع مجموعة الازار تقدر تطفيها في اي وقت

حجم السيارة مع الداخل لا باس ممتازة بس الموديلات السابقة اوسع واتضح بان الشنطة اكبر من الموديلات اللي قبلها

لما تشغل السيارة تتقدم المرتبة قليلا الى الامام مع المرايات ( زي اللكزس )

نور الليد اللي يقولون عنه اضاءة النهار فيها ميزة جميلة جدا لما تشغل السيارة تكون خفيفة نوعا ما ولما تمشي بها تقوى الاضاءة اكثر يعني ما يحتاج تشغل النور

تقدر تتحكم بقفل الابواب تقفيل تلقائي لما تمشي او حتى لما تتصير على نمرة الدي وتقدر تغيرها عن طريق الشاشة

البلوتوث اروع ما شفتها لما تكلم الصوت واضح جدا وتقدر تغير نقمة الاتصال الخاص بالسيارة وكذلك يظهر رقم واسم المتصل وتقدر تتصل عن طريق الشاشة

الراديو تقريبا 12 قناة لكل تردد ( FM - AM )

الساعة تقدر تخليها عقارب وتقدر تخليها ارقام

الطبلون يوضح لك ما تفتح الابواب الشنطة الكبوت وكذلك يوجد عداد رقمي وعداد الكيلوات حق البنزين

اريحية السيارة في قمة الجمال لا تحس بالشوارع بس الظاهر ان شوارعنا راح تعدم ام ام اللي جابت السيارة

كنت اتوقع بان الواجه شبيه للكامري واتضح بانها تشبه مازيراتي

الصوت في الدعسة الثانية في قمة الطرب

وما ادري اكتفيت بالوصف والا لا واي اوامر تحت الخدمة

المشاركة الأصلية كتبت بواسطة امير المشاعر

قهرني أبو جميل في الضحك على الناس وبالمواصفات الناقصة في الافلون الجديدة ..

صحيح الواجهة مو حلوه والشبك السفلي مشوه ..

لكن ايضا جنط الـ18 ما نزله + مواصفات مثل الرادار وغيرها ..

أنا أقول لو تقدر تصبر حتى ينزل الـ2014 ممكن تتحسن الافلون شوي ..

وأما الاكورد , اذا كنت معجب فيها وتبيها , فتوكل على الله ولا تناقش ..

وصدقني السيارة اللي في بالك لو ماتاخذها , راح في كل مرة تشوفها تتندم أنك ما اخذتها ..

انت غلطاان حتى عبدالله هاشم مانزل موصفاته كااامل تدري اكورد اربعه سلندر وقير خمس سرعات نفس قير موديل القديم ، وسعره غالي . لو قير تي في سي قلت ماعليه لان قير تي في سي افضل من قيور تقليديه ، حاليا شركه ، اللي تصنع قير تي في سي تتطور وصار افضل من سابق اذا مسك خط طويل يسخن الحين لا صار افضل مليون مرره ، لو فيه مشكله ماخذته هوندا من هالشركه اللي تخذه نيسان ومبيسوبشي وحاليا تويوتا تفكر تركب هالقيور، لان خبط تتصلحته سهل مثل قير عادي اما قير تقليدي لاتخبط يالله تصلحه وترجع شد بلد

بصراحـــــــه انا احب هوندا وتويوتا كلهم يكرفون وتحملون وافضل سيارات للـ شعب السعودي وتتحمل الكرف ، ولا تقول لا ، الافالون حلو والاكورد حلو بس الافالون سعره غالي ، اذا انت تبيه خذها بس غالي ، على سعر واذا تبيه مرره اصبر لين ينزل اسعاره بس الاكورد 6 سلندر حلو لاتخذ سبورت نصيحه مساعداته قاسي مو مثل اكورد العاديه ، ولا تخذ أي وحده فيهم فتحته علشان تنسيم ولا بعد خمس سنوات تندم تقول ياليت مخذيته ولا تخذ جلد راح يذبحك بالحرر خذ مخمـــل اليوم الظهريه شفت اكورد لؤلؤي ماشاء الله تقول لكزس يلا سلام

المشاركة الأصلية كتبت بواسطة هوندا 2013

كلهم حول بعض، في اشياء الاكورد تتفوق فيها على الافلون وفي اشياء الافلون تتفوق فيها على الاكورد. اذا عندك قيمة الافلون خذها وانت مرتاح البال بعد الاستخارة، واذا حاب توفر كم قرش خذ الاكورد وانت مرتاح البال بعد الاستخارة.

الافلون اعلى فئة 153 الف
الاكورد السبورت 134 الف و الملكية 129 الف.

اخوي (هوندا 2013) لو رجع الزمن للوراء !!
هل بتشتري هوندا 2013 ؟ او بتغير للسيارة ثانية !؟