الموضوع: تجربتي لأول مرة في صيانة هوندا بالرياض مهزلة ومش ولا بد

المشاركة الأصلية كتبت بواسطة سبحان الله 100

تصدق ياخوي انا قبل اسبوع حصل لي نفس الموقف تقريباَ ونصدمت صراحة كانت اول زيارة للوكالة :d


دخلت قسم قطع الغيار طبعاَ كنت بسأل عن كم شغلة
المكان جداَ ضيق يعني لو 4 عملاء كانو بنفس المكان اقسم بالله تصير زحمة !!!
المهم مافي غير موظف واحد وكان مشغول وشوي ينادي الموظف الثاني
المفاجئة الكبرى يوم جانا الموظف الا وهو لابس ثوب نوم (جلابيه) مخططه ههههههههههههه

كذا




قال امرني انا مصدوم :(
قلت له هلا انا ادور الموظف
قالي انا الموظف وسألته عن قطع اكورد 2013 قالي ما وصلنا شي
طيب القطع الاستهلاكية
ومباشرة يرد حتى هذي ما وصلتنا
طيب الاسعار
ما وصلنا شي الى الان !!!!!!!!!!!!!!


وخرجت وانا مطأطئ الرأس واتذكر عبداللطيف جميل واقول يا حليلك مظلوم :(
لازم هشومي ينتبه لمثل هذي الاشياء


المهم اخوي اكوردي ما تعرف كم اسعار الصيانة من 5000 الى 100 الف لاكورد 2013 ؟

حياك وشكرا لمرورك الكريم نفس تساؤلك سالته لموظف الاستقبال قلت ابغى اسعار الصيانات القادمة على شكل جدول كنا ناخذها في صيانة تويوتا قال ما عندنا ههههههههههههه غسلت يدي منهم واللي عارف الجواب ياليت يعلمنا كم سعر صيانة 5000 ولو انني متحطم مبدئيا

أنا وجدت حسن استقبال والمهندس بنفسه قدام معي وتم تغيير الزيت قدامي والفلبيني كان مؤدب ولله الحمد، يمكن تعامل 6 سليندر يفرق عن 4 سليندر، على العموم إذا على حسب نوع السيارة تكون طريقة التعامل فهذه مشكلة. الوقت 20 دقيقة بعدها استلمت السيارة، بس ماغسلوها.

افا والمشكلة ان هوندا لها شعبية كبيرة واغلب ملاكها شباب ( يعني ناس حارة ) اقصد انواع المشاكل لو ما قدمت لهم خدمة مرضية غريبة كل هالسنين ما تعدل هشومي وين الشركة الام ما فيه أي تجاوب وين وزارة التجارة ما فيه احد قدم شكواء عندهم بصراحة من قلت انه مستقبلك بجلابية مادري قميص نوم وانا غاسل يدي منهم ياخي حتى ابو يمن بالبنشر يلبس زي رسمي وهولا بالوكالة وبقمصان نوم عسى ماشر بس

الزيت اللي تحتاج تغيره بالوكاله = زيت القير الأوتوماتيك

وتقدر تاخذ زيت القير منهم والفلتر الخارجي .. وتغيره برى الوكاله

أسرع وأرخص وأقل زحمه وأقرب من الوكاله

لكن تحتاج تركيز وخبره عشان تركب الفلتر بشكل صحيح ؛ وكمية الزيت تكون حسب الكميه الموصى بها بكتالوج السياره

ولازم تعاير الزيت بطريقه صحيحه .. تلقاها بكتالوج السياره

اذا كان الزيت ناقص بسبب فك وتغيير الفلتر الخارجي ؛ تزود الزيت بكميات بسيطه ألين يوصل الحد المناسب ؛ أهم شيء ما يتعدى الحد الأقصى بالعيار

ولازم اللي يغير الزيت يكون فاهم ولا يعدم صرة الزيت

أما إذا كنت من النوع اللي ما عنده خبره + أو ما يقعد عند العامل ويشوفه وهو يشتغل + ما يحب يشتغل بنفسه ولا يستمتع + ما يهتم بعيار الزيت + الخ ... = غير زيت القير والفلتر بالوكاله أصرف

اذا كنت ما تثق ولا تحب البناشر ؛ خذ الزيت والفلتر الخارجي وغيّره عند بترومين اكسبرس أو فوكس ون ستوب


أما بالنسبة لتغيير زيت المكينه بالوكاله
زيت هوندا الجديد 5w30 ؛ سعره 40 ريال ؛ لكن فيه بدائل بـ 25 ريال



ملاحظه :

فرع وكالة هوندا بالقصيم للأسف يستخدمون زيت مكينه 5W30 عند تغيير زيت القير العادي ؛ أنا رحت لهم بشتري زيت هوندا المخصص للقير العادي MTF ولا عندهم

قالوا حنا نستخدم زيت مكينه 5W30 بكل سيارات القير العادي بالصيانه

لكن اذا ماني غلطان زيت MTF متوفر ببعض فروع الوكاله بالسعوديه

مكتوب بالكتالوج إذا لم يكن زيت MTF متوفراً ؛ يمكنك إستخدام زيت محركات البنزين 10W30 أو 10W40 كبديل مؤقت ؛ مع تغيير الزيت بأسرع وقت عند توفر زيت MTF

الوكاله يستخدمون زيت مكينه خفيف 5W30 بالقير العادي ؛ عند الصيانه

لكن السياره تجي شد بلد فيها زيت MTF < بالنسبه للقير العادي

10W30 = فيه زيوت كثيره باللزوجه هذي

10W40 = فيه زيت كاسترول ماجناتيك ؛ شبه أو نصف تخليقي-صناعي

المشاركة الأصلية كتبت بواسطة هوندا 2013

أنا وجدت حسن استقبال والمهندس بنفسه قدام معي وتم تغيير الزيت قدامي والفلبيني كان مؤدب ولله الحمد، يمكن تعامل 6 سليندر يفرق عن 4 سليندر، على العموم إذا على حسب نوع السيارة تكون طريقة التعامل فهذه مشكلة. الوقت 20 دقيقة بعدها استلمت السيارة، بس ماغسلوها.

وحدة من ثنتين يانك موظف مندس في شركة هوندا ومسجل معانا عضو أو أنك كذاب مع احترامي لك
فاذا كان الاحتمال الاول فهذه مصيبة وتدليس وهي نفس حركات بعض موظفي عبداللطيف جميل في تويوتا
اما اذا كان الاحتمال الثاني فهي مصيبة ايضا فانا اتحدى ان ينجز ذلك في عشرين دقيقة بعدين لا يكون راكب مرسيدس تراها 6 سلندر او انهم مفضين الصيانة كلها لك يوم شرفتهم

^^

اخوي على هونك

يمكن الرجال يجي الصبح

لان الصبح اذكر اذا طولت عندهم جلست ساعه الا ربع

بس للأمانه استقبال سيء وتنظيم اسوء

يا اخوان افضل حل هو التشهير بهم عن طريق المواقع الالكترونية كسبق او الوئام او عاجل او غيرهم من المواقع الاخبارية

صدقوني لو ينزلون تقرير عن المهازل الي تصير بالصيانه راح يتعدلون لأن الوضع ما ينسكت عليه مو معقول ادفع مبلغ كبير كـ 100.000 ريال واخرتها لا اجد اي اهتمام ولا احترام ولا تقدير

من حق الشركة ان ادفع لها المبلغ ومن حقي كعميل ان احصل على جودة بالخدمه

فياليت الي يعرف يوصل لهذي المواقع الاخبارية ويوصلهم المعاناه ليتم وضع تقرير عنهم بالتالي يكون قدم خدمة كبيرة جدا جدا جدا لكثير من الاعضاء وله الأجر ان شاء الله .....

المشاركة الأصلية كتبت بواسطة اكوردي2013

وحدة من ثنتين يانك موظف مندس في شركة هوندا ومسجل معانا عضو أو أنك كذاب مع احترامي لك
فاذا كان الاحتمال الاول فهذه مصيبة وتدليس وهي نفس حركات بعض موظفي عبداللطيف جميل في تويوتا
اما اذا كان الاحتمال الثاني فهي مصيبة ايضا فانا اتحدى ان ينجز ذلك في عشرين دقيقة بعدين لا يكون راكب مرسيدس تراها 6 سلندر او انهم مفضين الصيانة كلها لك يوم شرفتهم

ما كان بودي ان تقراء تعليقي طالما ان هذه هي اخلاقك واسلوبك السيئ.

رداً على كلامك كالتالي اولاً انا لست موظف ثانياً ماكنت معي يومها عشان تقول كذاب، وعيب تتهم الناس بالكذب( تأدب يا ورع)
اما بخصوص 20 دقيقة ما يحتاج احلف حتى تصدق، جعلك ما صدقت بلعنه.

فعلاً كانت 20 دقيقة فقط تم فيها تغيير الزيت والسيفون وكنت واقف مع العامل (فلبيني) وبعدها هو بنفسه اخذ السيارة ووقفها في المواقف الخارجية ثم رحت واستلمتها . وعندي تصوير من جوالي الخاص وقت الفلبيني يوم كان يغير الزيت( المقطع خاص فيني احتفظ فيه لنفسي )

المشاركة الأصلية كتبت بواسطة اكوردي2013

وحدة من ثنتين يانك موظف مندس في شركة هوندا ومسجل معانا عضو أو أنك كذاب مع احترامي لك
فاذا كان الاحتمال الاول فهذه مصيبة وتدليس وهي نفس حركات بعض موظفي عبداللطيف جميل في تويوتا
اما اذا كان الاحتمال الثاني فهي مصيبة ايضا فانا اتحدى ان ينجز ذلك في عشرين دقيقة بعدين لا يكون راكب مرسيدس تراها 6 سلندر او انهم مفضين الصيانة كلها لك يوم شرفتهم

بعدين دام هذي اخلاقك انا ما الوم صيانة الوكالة اذا ما عطوك وجه. المفروض ما يستقبلونك واذا استقبلوك يخلونك صبي تصب قهوه لاصحاب 6 سليندر ههههههه عشان بعدين يرقونك تصير قهوجي في صيانة المرسيدس هههههه:d

دنته مصخره:d

(يكرمون الطيبين ويؤسفني ان انزل لهذا المستوى ولكن مرات يجب ان ننزل حتى نربي)

انا عندي قاعده مع الوكالات مااجيهم مع رواتب الحكومه وسابك وارامكو لانه تكون فيه زحمه وضغط اجيهم بعد اسبوع احصل الزحمه خفت ادخل سيارتي ماتاخذ يوم او يومين وتخلص

وشكل هوندا 13 جاهم بوقت الناس مطفرين فيه وانت جايهم بوقت الرواتب

وين المشرفين عن الردود الجميله

(المنتدى على وشك الانحدار)

احسسن حل كم شخص يتجمعوو

ويرفعو شكوة للشركة الام ويكون في الشكوة

سووؤء الصيانة ومعاملتهمم وكل من كثرة الشكاوي

كل من زبط الوضع

المشاركة الأصلية كتبت بواسطة القايله

وين المشرفين عن الردود الجميله

(المنتدى على وشك الانحدار)

هدي اعصابك عادي يجيك مثل هاالعملاء المندسين للمعلومية كل الوكالات ماهو بس هوندا هناك موظفين يدخلون كأعضاء في جميع المواقع اللي تهتم بسياراتهم ويبداون يكذبون الاخبار السلبية ويجملون الشركة اللي هم تابعين لها اجل 20 دقيقة ومع الفلبيني هههههههههههه وين تجي المفروض من المشرفين شطب مثل اولئك الحثالة اللي تؤثر على الرأي والراي الاخر يعني كل الناس تكذب وهو الصادق كل الناس تسب صيانة هوندا وهو بس اللي يمدحها ههههههههههههههههه ماهو معقولة ؟؟

المشاركة الأصلية كتبت بواسطة هوندا 2013

بعدين دام هذي اخلاقك انا ما الوم صيانة الوكالة اذا ما عطوك وجه. المفروض ما يستقبلونك واذا استقبلوك يخلونك صبي تصب قهوه لاصحاب 6 سليندر ههههههه عشان بعدين يرقونك تصير قهوجي في صيانة المرسيدس هههههه:d

دنته مصخره:d

(يكرمون الطيبين ويؤسفني ان انزل لهذا المستوى ولكن مرات يجب ان ننزل حتى نربي)

وانا مكرم الطيبين اللي معنا بس عيب تجيب كلامك اكبر من سنك عطني متى موعدك الصيانة القادمة ولو ترسل لي ع الخاص حتا استقبلك واصب لك قهوة واصلح لك تقرير وشف كم الوقت اضمن لك ان اقل من عشرين دقيقة على ما يشهدون الرياجيل