هوندانا
اعجبني كلامك وأهنيك على تفكيرك
حتى الورشات والبناشر ومراكز الصيانه و الخ... ما أحرص على حلالك إلا أنت
وتسوي صيانة لسيارتك خارج الوكاله وتحت إشرافك ؛ وأسرع وأرخص من الوكاله خصوصا الأشياء البسيطه مثل تغيير الزيت والسيفون وتنظيف فلتر هواء المكينه وفلتر المكيف
وبكتالوج السياره مذكور كل شيء الزيوت المناسبه ونوعيتها ولزوجتها والخ... وفيه جدول صيانه وكل شيء
لو تحسبون الأسعار اللي تدفعونها للوكاله على كل صيانة ؛ بتقدرون تصلحون العيوب المصنعيه ( هذا إذا كانت فيه أصلا عيوب مصنعيه ) على حسابكم وبسرعه وبدون إنتظار وبدون تعب وبدون مذلتهم
ويمكن تقدرون تجبرون الوكاله على إصلاح العيب حتى لو أنكم غير منتظمين بالصيانه ؛ اذا راسلتم هوندا باليابان لهم إيميل
وبتكونون وفرتم الأسعار الخياليه بصيانة الوكاله + صلحتوا العيب على حساب الوكاله
ويمكن سيارتك أصلا ما يكون فيها عيب مصنعي
أنا كنت بغير زيت القير العادي بالوكاله ؛ لكن ما عندهم زيت هوندا MTF المخصص للقير العادي
وقالوا حنا نعبي زيت هوندا الجديد 5W30 حق المكينه ؛ بالقير العادي
وغسلت يدي منهم ؛ شايفينا مخفات/سبايك عندهم .. أنا أمشي على كلام الكتالوج ؛ ولا أمشي على كلام الوكاله
وبالكتالوج مكتوب إذا لم تجد زيت MTF ؛ يمكنك إستخدام زيت محركات البنزين 10W30 أو 10W40 كبديل مؤقت
والوكاله ما شاء الله عليهم نصابين ولا ودهم يتعبون أنفسهم ويجيبون زيت MTF أو على الأقل زيت مكينه 10W40 أو 10W30
يعبون زيت مكينه 5W30 عشان يوفرون ويزيدون أرباحهم وعشان ما يتعبون أنفسهم ويجيبون زيت MTF أو زيت 10W40 ؛ أنا أتكلم عن فرع القصيم ما أدري عن فرع الرياض يمكن عندهم زيت MTF
وترى زيت مكينة هوندا .. مصنوع بالسعوديه
يعني عبدالله هاشم وكل الوكالات .. يتفقون مع أحد شركات الزيوت بالسعوديه ويشترون منهم زيت مكينه بلزوجه معينه و API معين .. ثم يعبونه بعلب ( هوندا - تويوتا - نيسان - الخ ... )
والوكالات تبيع الزيوت بأسعار أغلى بكثير من شركات الزيوت ومحلات الزيوت
و لا تحسبون أن الوكالات عندنا يجيبون زيت المكينه من اليابان أو امريكا أو من الخارج
الزيت المصنوع بالخارج :
زيت الدركسون
زيت القير الأوتوماتيك
زيت القير العادي MTF
وماء راديتر هوندا
أما زيت المكينه مصنوع بالسعوديه
اذا بغيت تعرف الزيت المناسب لمكينة سيارتك ؛ أقرأ كتالوج سيارتك
بتلقى اللزوجه المناسبه والمواصفات المناسبه يقولك API معين
والكميه المناسبه للزيت والخ...
و زيت الدركسون والقير لا تستخدم إلا زيت هوندا .. الزيوت هذي ضروريه و مصنوعه خارج السعوديه
وبالنسبه لنصب الوكاله
مره رحت بشتري بطاريه لريموت سيارتي ولقيتها غاليه شوي عندهم ؛ يمكن بحدود 40 أو 30 ريال
و فتحت كتالوج سيارتي ولقيت نوع ورقم البطاريه المناسبه لريموت سيارتي ؛ ورحت لمحلات الزينه واخذت البطاريه بـ 5 ريال
وركبت البطاريه بنفسي ؛ أحسن من العمال اللي ممكن يتعلمون ويكسرون أو يخربون الريموت + استمتع بالشغل وتصليح سيارتي بنفسي
وفيه فيديوهات أجنبيه على اليوتيوب شرح لطريقة تغيير بطارية الريموت والخ...
وبصراحه شيء يقهر ويغبن ؛ تدفع مبالغ عاليه على الصيانه في الوكاله
ثم تلقاهم مثلا موقفين السياره بـ P ولا سحبوا الجلنط مثلا
أو الخ...
ولا يخلونك تشوف سيارتك وقت الصيانه ؛ هذا يعني أنهم خايفين و مب واثقين بأنفسهم .. وأكيد فيه تجاوزات وأخطاء .. لأن العميل اذا شاف الأخطاء بيشتكي عليهم ولا عاد يسوي صيانه عندهم .. وبياخذ حقه منهم بأيده و بلسانه و يفضحهم أمام العملاء الآخرين وبالانترنت
التعديل الأخير تم بواسطة THE SILVER ACCORD ; 10-03-2013 الساعة 06:12 AM
على فكره ترى في معرض هوندا اللي في خريص فيه الخدمة السريعة وفيه صيانة.
غيرت زيت سيارتي والسيفون بعد صلاة العصر مباشره في الخدمة السريعة ولا اخذت اكثر من 20 دقيقة هذا الكلام قبل اسبوعين تقريباً.
اما بخصوص الاعضاء اللي يتذمرون من سوء الخدمة انا ما اكذبهم هذه تجربتهم وهذا حظهم اما بالنسبة لي انا كانت اول زيارة للصيانة وكانت تجربة جيده حتى الان.
واذا اتفقتوا على تقديم شكوه من اجل سوء الخدمة انا راح اضم صوتي لصوتكم مصلحة الجميع فوق مصلحة الفرد. بالرغم من اني لم اشكو من سوء في التعامل حتى الان. ولكن من باب التعاون اضم صوتي لصوتكم وسعياً نحو خدمة افضل.
طبعاً بستثناء العضو اكوردي2013 هذا ورع قليل ادب فلا الوم الوكالة فيه اذا انهم داقين خشمه
انت خليت فيها احترام تكذبني ليش يا ابني؟! عيب تكذب الناس، عيب: الكذب صفه ذميمه ومن العيب والعار اتهام اخوك المسلم بالكذب. اذا الكذب عندك سهل تقذف الناس فيه وتقبله على نفسك وتستهين فيه وتقذف الناس به فهذا شأنك وتربيتك. اما انا فلا اقبل ابداً. اتمنى تستفيد من هذا الدرس والحياة مدرسة تعلم منها.
منتدى ضايع صحيح
احترم الجميع
لكن السؤال لا يوجد مراقبين للمنتدى
بصراحة فيه بعض الردود غير لائقة فاتمنى ان نقتدي بروح الاسلام فدينا دين تسامح ودين محبه ولا ارى اي داعي سواء بهذا المنتدى او غيره ان تتهجم على اخوك المسلم
فنصيحة للجميع حاول ان تتنازل عن بعض الامور لوجه الله فكل شخص منا معرض للخطاء
ولكم جزيل الشكر والتقدير
مواقع النشر (المفضلة)