الله يعطيك العافيه والفلتر باين عليه جودته كويسه خاصه حركة الشبك وسعرر منافس جدااا بِــ̯͡سّ هل يصمد امام الغبار وماياثر علي المروحه اللي تحت الفلتر
السلام عليكم ورحمة الله وبركاته
كيف حالكم إن شاء الله بخير ؟
من فتره وأنا كنت أبحث عن فلتر مكيف يكون :
1) سعره معقول أو رخيص ؛ لأن الفلاتر الأصليه حقت المكيف غاليه ؛ وتعرفون جونا غبار والخ...
2) كويس
3) يتحمل
المهم رحت لمحل قطع غيار هوندا ؛ وقلتله عندك فلتر مكيف تجاري ؟
قال موجود ( انا فرحت :d) وقلت بكم قال بـ 40 ريال ( فرحت أكثر :d ) لأني توقعته بيقول بـ 90 أو 80 أو الخ...
و كاسرته شوي وعطاني إياه بـ 35 ريال
كان ودي أخذ أكثر من فلتر تجاري ؛ لكن للأسف كان الفلتر هذا آخر حبه عنده
والفلتر الأصلي يقول بـ 200 ريال بدون مكاسر ؛ ما كاسرته لأن ما كان براسي أشتري فلتر أصلي .. لأن ودي أجرب التجاري
لو فلتر مكينه كان ما يخالف أركب أصلي وكاله ؛ لكن فلتر مكيف عادي أجرب التجاري ( على الأقل أحسن من الفلتر المتنتف والمتقطع اللي جاي على السياره من المصنع له 6 أو 7 سنوات .. كنت أنفخه بالهواء المضغوط وأغسله أحيانا ألين تقطع )
الصور
فيه ميزه حلوه .. فيه زي الشبكه بأسفل الفلتر عشان يكون الفلتر قوي ويحمي من الغبار والخ...
لاحظوا الشبكه اللي بالفلتر
صور للفلتر القديم بعد استخدام لمدة 6 أو 7 سنوات تقريباً ( انظف بالهواء المضغوط كل فتره وفتره ؛ وأغسله بعض الأحيان .. لكنه تقطع مع الغسل )
أقسم بالله أني مانب عاجز أشتري فلتر مكيف أصلي ومن الوكاله
لكن أنا من النوع اللي يحب التجارب
الله يعطيك العافيه والفلتر باين عليه جودته كويسه خاصه حركة الشبك وسعرر منافس جدااا بِــ̯͡سّ هل يصمد امام الغبار وماياثر علي المروحه اللي تحت الفلتر
الله يعافيك
بصراحه جودته ممتازه جدا مقارنة بسعره 35 ريال
و إن شاء الله بيصمد وما راح يأثر على المروحه اللي تحت ؛ وعلى الأقل أحسن من فلتري القديم :d
أسعار الفلاتر الأصليه بالسعوديه غاليه شوي
عكس أسعار أمازون والأسعار بالخارج
بأمازون سعر فلتر الهوندا الأصلي بـ $21.95 يعني تقريبا 83 ريال غير شامل تكلفة الشحن للسعوديه
http://www.amazon.com/New-Honda-Cabi...=80292-SDA-A01
وفيه موقع يبيع قطع هوندا بأسعار أرخص ؛ لكن ما أدري اذا يقبل البطاقه السعوديه
سعر فلتر الهوندا الأصلي $15.10 يعني تقريبا 57 ريال غير شامل تكلفة الشحن للسعوديه
http://www.hondapartsnow.com/Page_Pr...=11624 1247352
ebay .. بتلقى مكتوب GENUINE OEM NEW CABIN AIR FILTER يعني فلتر مكيف جديد وأصلي ورقم القطعه
http://www.ebay.com/sch/i.html?_trks...at=0&_from=R40
وترى تقدر تركب فلاتر مكيف من سيارات ثانيه - تويوتا - نيسان - هونداي - الخ...
أهم شيء يكون حجم الفلتر مطابق ؛ خذ فلتر مكيف سيارتك ورح لمحلات قطع الغيار
بتلقى فلتر مكيف من شركات مختلفه بنفس المقاس
أقسم بالله أني ماني عاجز اشتري فلتر أصلي وكاله ؛ لكن حبيت اجرب التجاري
الأِشياء الثانيه دائما أركب قطع أصليه أخذها من الوكاله ( فلتر مكينه - بواجي - فلتر بنزين - فلتر زيت سيفون - الخ... )
التعديل الأخير تم بواسطة THE SILVER ACCORD ; 10-03-2013 الساعة 03:04 AM
الله يستر عليك اما فلترك القديم كديته كد محلله على اصول!.
على العموم ياليت لو تجرب التجاري وترد لنا خبر قد نحذو حذوك.
تقبل تحياتي ومروري وشكراً
هههههههههههه اي والله كديته وحللته
لأني قبل سمعت أن سعره غالي 250 او 300 .. وقلت لنفسي معصي أغيره لأني أكره الإستغلال والنصب 300 على قطعة فلتر صغير .. وطلع الكلام هذا غير صحيح
سعر فلتر المكيف الأصلي بمحل قطع غيار صغير بـ 200 ريال ( بدون مكاسر ) ولا كاسرت لأن ما كان براسي أشتري فلتر أصلي .. يعني لا يجي واحد ويقول اوووه هوندا قطع غيار غالي والخ... مع المكاسر السعر بيكون أرخص ؛ ومحلات قطع الغيار الكبيره يمكن تكون ارخص
ولا أدري عن سعره بالوكاله يمكن يكون أرخص شوي من المحل هذا ( ترى فيه خصم معروف ومن مده طويله بنسبة 20% على القطع الإستهلاكيه )
وبالنسبة للفلتر التجاري ؛ أنا أن شاء الله بستخدمه لمده طويله ؛ عشان اقدر أحكم على الفلتر ..
و إن شاء الله بحط صور بعد ما أكرف الفلتر
وعلى الأقل أحسن من فلتري القديم :d
وبما أن سيارتك جديده 2013 أنصحك تركب الأصلي ؛ للاحتياط فقط
سعر فلتر الهواء والبنزين الأصليه حقت الأكورد قريب من سعر قطع غيار تويوتا الأصليه ؛ مثل الكامري والأوريون
عفواً
التعديل الأخير تم بواسطة THE SILVER ACCORD ; 10-03-2013 الساعة 08:22 AM
مواقع النشر (المفضلة)