الموضوع: زيت هوندا الجديد 5w30 ؛ سعره 40 ريال ؛ لكن فيه بدائل بـ 25 ريال

السلام عليكم ورحمة الله وبركاته

موضوعي اليوم لكل من يشتكي من غلاء زيت مكينه هوندا التخليقي بالكامل 5W30 .. العلبه بـ 40 ريال

أنا أمس رايح لمحلات الزيوت - تجزئه

ولقيت زيت كاسترول ماجناتيك تخليقي بالكامل 5W30 أصلي ومن محل معروف ؛ العلبه بـ 25 ( والكرتون طبعا بيكون أرخص )

وفيه زيوت ثانيه اذا ماني غلطان مثل : شل هيلكس 5W40 و 5W30 ؛ والخ... لكن ما سألت عنها

الزيت التخليقي بالكامل يكون مكتوب عليه FULLY SYNTHETIC

زيت هوندا :
40×4 علب = 160 ريال
40×5 علب = 200 ريال
زيت كاسترول :
25×4 علب = 100 ريال
25× 5 علب = 125 ريال

كلها نفس اللزوجه 5W30 وكلها تخليقيه بالكامل FULLY SYNTHETIC ؛ لكن الفرق كبير بالسعر


يبقى السيفون بـ 19.20 ريال بعد الخصم من الوكاله

وشغل يد البنشري اذا بس زيت بدون سيفون 10 ريال ؛ واذا مع السيفون 15 ريال


المكينه عادي تغير نوع الزيت يعني مهب شرط تستخدم زيت الوكاله
تقدر تستخدم زيت ثاني أهم شيء أنه يكون زيت لمحركات البنزين + تكون لزوجته مناسبه + أصلي وغير مغشوش

لكن القير الأوتوماتيك و الدركسون ؛ لازم لازم وضروري تستخدم زيت الوكاله
القير الأوتوماتيك له زيت خاص
والدركسون له زيت خاص ؛ يعني لا تستخدم زيت القير في الدركسون وإلا راح يسبب لك مشاكل


ملاحظه مهمه :

زيت كاسترول ماجناتيك 10W40 نصف أو شبه تخليقي-صناعي Semi-synthetic
زيت كاسترول ماجناتيك 5W30 تخليقي بالكامل - صناعي بالكامل FULLY SYNTHETIC

10W40 أرخص شوي من 5W30


بعض تجاربي للفائده :

جربت زيت فوكس وبترومين 20W50 .. يقلل عزم المكينه لأن الزيت ثقيل + يقلل فزة السياره لأن الزيت ثقيل + يزيد صرفية البنزين شوي لأن الزيت ثقيل + ما يتوزع بسرعه عند بداية تشغيل السياره لأن الزيت ثقيل + اللزوجه هذي غير مذكوره بكتالوج الأكورد .. أقصى لزوجه مذكوره بالكتالوج 15W40

جربت زيت بترومين 10W30 .. العزم تحسن بشكل ملحوظ وفزة السياره لأن الزيت أخف + تقليل صرفية البنزين لأن الزيت اخف + يتوزع أسرع من الزيت الثقيل عند بداية تشغيل السياره

و أمس غيرت الزيت والسيفون وعبيت زيت موبيل XHP لزوجته 15W40 ؛ وحاليا تحت التجربه


أنا أغير الزيت عند البنشري :

1) لأني أعرفه ويضبط السيفون والصره .. لكن ترى (بعض) البناشر ما يركبون السيفون زين

2) أقرب بكثير وبفرق كبير عن ( الوكاله - فوكس ون ستوب - بترومين اكسبرس ) .. الإشارات اللي عند الوكالات فيها ساهر وزحمه يعني تفتح واذا وصلت الإشاره سكرت من الزحمه .. والشوارع فيها ساهر

الوكاله بعيده والشوارع والإشارات فيها ساهر ؛ زحمه ؛ يأخرونك ؛ والخ...

3) البنشري أرخص - أسرع - أقل زحمه .. من الوكاله - بترومين اكسبرس - فوكس ون ستوب