استفسار تركيب هوبات رياضية وفحمات سراميك

[saMLov]

السلآم عليكم

كيف الحال عسـآكم بخيرر

عندي استفسار بسيط

انا نـآوي اركب هوبات رياضية وفحمات سرآميك

فـآ آبي اعرف على كم آسعارها

وش افضل الانواع من الفحمات السراميك

لان سواقتي خشنه وتعبتني الرجة ف قررت اغيرهـآ

سيـآرتي آكورد 2004 اربعة سلندر

[saMLov]

33 مشآهدة ولا رد :(

[alrasheed]

ولاحد بيرد لو يتقطع صوتك الحال واحد - استفسر لحد مااحذف الموضوع
انا بصراحه ماعندي خلفيه على الانواع فامشي بالمضمون دائما افضلي
الزبده باني توني قد شريت هوبات رياضيه للهوندا حقتي 2009 فل من موقع امريكي
مسوي خصم 10% وعرفت هذا الموقع عن طريق شخص بمنتدى تويوتا
فدخلت الموقع واشتريتهم لاني انا بامريكا فقلت لما انزل بنزلهم معي بالشنط خخخخخ
كلفون 300$ وعليها مع فحمات وضمانهم ضد الصدع ومدري وشهو مدى الحياه
وفي انواع ارخص ولكن هذا النوع نفس المتيريه حقه مكونه من من افضل الانواع على كلامهم
وهذا الموقع لو حبيت يوصل تراه يوصل الى السعوديه ولكن غاااااالي التوصيل
ماعجبني بالموقع اختر نوع سيارتك والموديل والفئه وهو يجيبلك النوع المناسب لسيارتك
ويعطيك كامل المقاسات للهوب يعني تقدر قبل ماتطلب تتاكد من المقاسات

http://brakeperformance.com/index.php

[Abu Ameer]

وعليكم السلام ورحمة الله وبركاته

انا مثلك اخوي جديد في المنتدى لكن كنت ابحث من قبل عن هالنوع من المكابح

شوف مواضيع الاخوة القديمة في المنتدى :

http://www.hondaarabia.com/club/t41613/

http://www.hondaarabia.com/club/t57743/

بالتوفيق

[القايله]

شوف هالموضوع

انا املك سيارة هوندا اكورد 2008 فل 6 سلندر وكنت اعاني من البريك
حيث ان السفايف (الفحمات) ما تطول معاي وسمعت عن سفايف السراميك وقوته والاشاده بها في اغلب المواقع المختصه
قررت اني اغير السفايف و الدسكات(الهوبات) للسيارة لقيت في امازون كت كامل 4 سفايف و 4 هوبات بسعر 311.13 دولار من شركة Power Stop
وكان الموديل المطابق للسيارة هو K2742 للامامي والخلفي و امازون يشحنه دولي وكان سعر الشحن http://188.76 دولار ووزنه 72 باوند وتم الشراء
واخذة معه قيج الكتروني لضغط التواير (الكفرات) بقيمة 11.8 دولار وكان وزنه 4.3 اونصه
امازون اشحنو كل قطعه لحاله السفايف و الهوبات انشحنو بتاريخ 7\1 وتم الاستلام 9\1عن طريق الـ DHL
فاحص الضغط انشحن بتاريخ 5\1 وتم الاستلام بـ13\1 عن طريق ارامكس
بالنسبة للتجربة هناك فرق واضح في البريك والمنتج افضل من قطع الوكالة لايوجد صوت ولا حتى غبار على الرنقات من السفايف ولا حتى رجفه
في بداية الايام تشم ريحة عطبه من البريك وتحس بعدم وجود فرق ولاكن بعد ما تمشي بالسيارة تقريباً 500 كيلو يتحسن عندك البريك كثير
هذي التجربة واي استفسار حاظرين
اترككم مع الصور

منقول للفائده فقط

هذا رابط الموضوع

http://www.adslgate.com/dsl/showthread.php?t=1474728

[THE SILVER ACCORD]

للفائده :

الفحمات اللي توسخ أو تغبر الجنوط الأماميه ؛ هي الفرنسيه مكتوب عليها made in france
الوكاله صارت تجيبها بالسنوات الأخيره
وأخوي مركبها والجنوط الأماميه عنده تتوسخ بسبب الفحمات الفرنسيه

لكن أنا فحماتي الأماميه قديمه ويابانيه ولا غيرتها من 3 سنوات وباقي فيها عمر
والفحمات الخلفيه غيرتها بعد 3 سنوات وباقي فيها شوي عمر
والهوبات ما خرطتها من 3 سنوات أو أكثر

ولا أعرف شيء أسمه فحمات توسخ جنوط لأن الفحمات يابانيه made in japan

الوكاله قبل كانت تجيب فحمات يابانيه ؛ الحين الفحمات الخلفيه يابانيه والأماميه فرنسيه ؛ ويمكن يجيبون فحمات أماميه يابانيه


ملاحظه :
سيارتي قير عادي وبدون vsa

[Abu Ameer]

الف شكر للاخ القايله

:d والله اني تحمست اغير بريكات سيارتي

لو صار وغيرتهم ، راح اخبركم يا شباب وانقل لكم تجربتي