اولاً : اجابيات الأكورد من 2008 الى 2012 :

- شكل جذاب و جميل من الخارج و الداخل

- موتر قوي و عملي يتحمل الكرف و يضل معاك اكثر من 5سنين بدون مشاكل

- خراباته قليله و قد تكون عديمة الخرابات الا بعد 5 سنين يمكن تحصل خرابات

- رساوه في الخط الى حد 140

انا علشان كذا اخذت الأكورد لتوفر هذه المميزات



ثانياً : سلبيات الأكورد من 2008 الى 2012 :

- طرمبة الدركسون تطلع حنة خفيفة و انت تسوق

- اصحابها دايماً يشتكون من اصوات الديكور لكن انا لم تصادفني الحمدلله

- موتر يفتقر المواصفات مثل : البصمه و البانورما و تبريد المقاعد ( الأسيات ) .. آلخ

- العزل الأرضي سيء جداً

- قاسيه في المطبات الا إذا غيرت الكفرات


ثالثاً : افضل زيت للمكينة :

افضل زيت خاص بـ هوندا ( زيت هوندا ) يمشي السياره 10,000 كيلو و بعدها ينقص و يتغير لونه وانا مجربه زيت ممتاز لكنه غالي شوي

إذا تبغى زيت رخيص استخدم ( الترا سفن 7 ) يمشي السياره 5000 كيلو و بعدها يتغير لونه الى اسود و يستخدمونه اغلب اصحاب الأكورد




رابعاً : الفحمات :

إذا ماراح تلتزم بصيانة الوكالة ... بعد 20,000 الف كيلو غير الفحمات الخلفية فقط و بعد 40,000 كيلو غير الفحمات الأمامية





خامساً : افضل موديل من وجهة نظري الشخصية..

موديل 2011 لأسباب التالية :

ياباني100% + معاه زينون وكالة + حساسات + متوفر لون لؤلؤي

و هذه الأشياء غير متوفره في 2012 و 2013 مع اللآسف




سادساً : اكورد 2010 (4) سرندل :

راح تلقاه فل ابشن يسوى تقريباً 66الف و نازل لأن الأكورد لازالت مساكه سعرها.. ماشالله

اكورد 2008 (4) سرندل راح تلقاها بـ 50 الف و نازل



سابعاً : الكابرس

ابتعد عن الكابرس تراه كثير خرابات إذا ماتبغى الأكورد ولا تناسبك شف لك موتر يعيش افضل من الكابرس
مثل الأفالون او الأزيرا افضل من الكابرس
والله انك راح تتبهدل مع الكابرس في صيانه و الورش و الصناعية .. اصحاب الكابرس دايم يشتكون


ثامناً :

اتمنى اني افدتك بمعلومات كافية و هذا الي اعرفه و على حسب خبرتي و وجهة نظري