سلام عليكم مره ثانية..
بنسبة لزيت :
انا الحقيقة استخدم زيت هوندا.. لأنه مضمون و على اسم الشركة نفسها
حق ايش اخذ زيت ثاني و شركة صانعه لي زيت مخصص لسيارات هوندا ؟؟
زيت هوندا مع السيفون بـ 250 ريال فعلاً ( 4 علب )
احيانا إذا كان معاك نص علبة باقيه من قبل تعطيه النص حتى يجيب من عنده ( 3 علب فقط ) يقل السعر و يخليه 180 ريال
اما زيت الترا سفن 7 رخيص ماادري بكم لكنه الرخيص
و بنسبة للمراتب و قساوتها :
انا اشوف انها مريحه اريح من المواتر الي في فئتها
و لو بقارنها بـ السوناتا مثلاً لأن سوناتا اسياتها فيها انحناءات تخلي ضهرك ينكسر في الخط
و بنسبة للحنة الي من سببها طرمبة الدركسون :
هي حنه خفيفة جداً مايسمعها الا الي يدقق و يركز فيها و مو شرط تكون موجوده في سيارتك هي الدعوه حظوظ
و بنسبة لصوت المكينة :
صوت عادي حاله حال اي موتر لا هو قوي ولا هو خفيف
إذا تبغى نصيحتي :
توكل على الله و اخذ لك اكورد ماراح تندم ..
موتر شبه متكامل فيه عيوب لأن تعرف مافي موتر كامل .. لازم تلقى فيه عيوب بسيطه حتى اللماني فيه عيوب
لكن مميزاته تخليك تنسى العيوب .. تطغي على عيوبه
و في ميزه في الأكورد ان إذا حطيت قطعه و كانت غاليه تنسى انك حطيتها لأنها تضل معاك سنين تطول حط و انسى على قولة الأعضاء
و اكبر مثال : القماشات ( الفحمات ) و البواجي
دليل على صحة كلامي :
تفضل ادخل على هذه الروابط
و اقرا الموضوع بتمعُن
راح تعرف ان الأكورد تستاهل كل ريال يندفع فيها
http://www.hondaarabia.com/club/t59263/
http://www.hondaarabia.com/club/t53589/
مواقع النشر (المفضلة)