يعطيك العافيه اخواني


اليوم رحت معارض الشفا وللاسف الاكورد هناك جدا مالاقيت اي واحده نظيفه الا واحد وكان لونها سماوي وكان موديلها 2008 فل كامل وماشيه في 40 الف وبصراحه من وقفتها واضح انها نظيف مره لكن سعرها مبالغ فيه بنسبه لي لانه كان طالب فيها 67 الف

دورت بعدها في الساحات وللاسف الاكورد نادر جدا احد يبيعها وذا دليل على قوتها وان اصحابها مايفرطون فيها واللي حصلته في الساحه فقط كان مو نظيف صدمات ومن جوا للاسف ديكورات وصخه والخ وكان طالبين فيها اسعار من 50 وفوق


فى حبيت اعطيكم بصوره واضحه ومازلت ادور وان شاءالله الاسبوع هذا راح اتردد على المعارض بين الشفا والنسيم وان شاءالله نحصل رغم اني فاقد الامل من ناحيه السعر لان جدا اشوفه عالي ومريت هوندا اللي في خريص وسعرت سعرها وحصلت الجديده 2013 سياحي مره بضبط اقل فئه بـ 86 الف و النص فل بـ 96 الف يعني فرق تقريبآ 10 عن النص فل لكن الفل تتكلم عن 100 وفوق وعجبني اكثر شي فئه اكورد سبورت اسمها نفس الاكورد بضبط لكن ظايفين عليها طابع الاسبورت لكن الصدمه الكبيره اللي شفتها ان للاسف الاكورد بشكل عام موديل 2013 مافيه تسخين مراتب يعني هذا جدا شي يقهر

على كل اخواني ماقصرتو وحبيت اضع لكم معلومات للفائده وان شاءالله اني الاقي سياره ولو فيه احد او اي شخص حاب يبيع سيارته وفي الرياض ياليت يعرضها علي لاني ابحث عن صراحه سياره نظيف وخاصه اني مستخدم وبصراحه المعارض والساحات تخوف جدا وينخاف من سياراتهم خاصه اني شفت اليوم للاسف سيارات مو نظيفه وسعار فلكيه