السلام عليكم ورحمة الله وبركاتة

شخباركم اعضاء نادي الاكورد ان شاءالله بخير وعافية ,,

اعزائي انا بصراحه سجلت في هذا المنتدى عشان اخذ معلومات كافيه ووافيه بخصوص الاكورد لاني بصراحه متردد في الاكورد وخايف من قطع الغيار الاستهلاكيه من موديلات 2008 لحد 2012 فى كثير ناس قالو لي قطعها غاليه ونار والخ والكل يعرف او سمع بشي هذا وانا صراحه متعود على الامريكي من اول سياره لحد الان وانا على الامريكي كان 6 او 8 فى قررت اني اشتري سياره اقتصاديه وحق مدينه وعمليه بشكل كبير وماتدوخني في الصناعيه كل شوي مصلح شي فى فكرت بين كل السيارات اللي 4 سلندر لاقيت ان افضلهم الاكورد فى بصراحه لو تكرمتم ابي اعرف مشاكل الاكورد وعيوبها وكل شي ابي معلومات من اصحاب سيارات موديل 2008 لحد 2012 ياليت لو تكرمتم تعطوني تجاربكم في سيارتكم مابي يجي احد ينزل رد وهو ماعنده الموديل هذا ويفتي من راسه لا انا ابي اللي مستخدم للاكورد من الموديلات اللي ذكرتها وحاب عن الامور هذي ,,


1- الزيت وش افضل نوع لازيت المكينة ؟ وكم سعر تغير الزيت مع السيفون طبعآ ؟

2- الفحمات كم تجلس لو شخص مستخدم وسواقته هاديه ومايشد على الفحمات لو كانت فحمات اصليه وكاله ؟

3- افضل موديل في الاكورد من ناحيه قطع الغيار ومن جميع النواحي بغض النظر عن الشكل والخ من موديل 2008 لحد 2012 ابي موديلين افضلهم ؟

4- هل صوت المكينه مزعج او خفيف مثله مثل الكامري والسوناتا الموديلات 2008 وطالع ؟

5- اكثر قطع تتغير في الاكورد ؟

6- ابي اعرف تقيمكم لاسعر اكورد موديل 2010 كم اقيمها النظيف اللي يكون ممشاه في 100 لحد 140 الف ولون ابيض وكان طيس او جنوط يوضح الفئات ؟

7- كل كم اصحاب الاكوردات يسون صيانه لها تقريبآ ؟

تقريبآ هذي الاسئله اللي كانت تدور في بالي وللاسف ماعندي احد معاه اكورد لان كل الشباب امريكي وخاصه للاسف ان محلات التاجير تمنع التاجير لا الشباب والمصيبه انك ماتحصل اكوردات تاجير فى حاولت استاجر للاسف عشان اجرب لكن ماقدرت فى عشان كذا نزلت الموضوع هذا هنا وياليت الاقي اجوبه من اخواني وبكل صراحه مابي احد يجامل ويمدح شغله لا ابي يكون صريح معاي ويوضح كل شي لاني والله متردد بينها وبين كابريس اس اس 2011 فى انا عارف الامريكي للاسف يحتاج صيانات ولاخرب يلحقه خراب ثاني لو تاخرت فيه وفاهم كل شي فيه عشان كذا ابي اعرف الاكورد وش مشاكله

واعتذر لكم على اطاله الموضوع بنتظار ارائكم ,,