قصدك توبترونك ؟المشاركة الأصلية كتبت بواسطة makhloof
اللي يجي فيه + -
هذا في السته سلندر بس
قصدك توبترونك ؟
اللي يجي فيه + -
هذا في السته سلندر بس
لا بدون تيبترونيك
هذي الوضعية تخلي السيارة تتأخر في تبديل النمرة
يعطيك ربي الف عافيه على سرعة تجاوبك
اخوي عندي سؤال ثاني هل صيانة الالف كيلو تتم بموعد او بوجهي على الوكاله بدون مواعيد ولاشي
والله يهنيك ويعطيك خيرها ويكفيك شرها مره ثانيه
شاكر لك مقدما واسفين على الازعاج
دمت بود.
حياك اخوي تامرني يالغالي وترى الناس لبعضها .
والله ذي ماعندي خلفيه عنها لسع لكن دق واحجز
او روح الصباح بدرررري امس سيرت عليهم في الصيانة بغيت اسالهم كم شغله الساعه 8،30 الصباح
لقيت السيارات ماشاء الله تبارك الله فلللللل
يعني يبغالك تروح قبل 8 كلامي على الفرع اللي بجدة طريق المدينة
واي استفسر تحت امرك
تحياتي لك
تصدق ذي ما اعرفها او ما انتبهت لها .
لا هنت عطني معلومات عنها وانا اشيك عليها في دفتر الوكالة
ماني متأكد انها موجودة في كل الموديلات و الا لا عشان كذا اسال
تلقى مكتوب جنب عصى القير حرف s جنب d
بسم الله الرحمن الرحيمبقول لكم تجربتي ( مع الاكورد )
اخذت السياره .. ومشيتها الى 1000 كيلو ( غيرت الزيت طبعا , مجاني )
وبالنفس اليوم طلعت فيها خط للشرقيه ..
وكنت متهور شوي :d ..
عموماً بقول لك ملاحظتي ف الخط
عزل الارضي السياره سيءء
يوجد صوت هواء ، بس موب مثل اللي انقال ( والمبالغه اللي جت )
الشيءء اللي عاجبني ف الخط هو ... الرساوه
و
الرساوه
و
الرساوه
ليه قلتها 3 مرات لان يالبى قلبها .. ماشي عليها ع الفصله ( طبعا تفصل على 210 ) والسياره ماسكه ف الارض . . والجو كان مساعد بعد عشأن لا ابالغ
تحكم السياره بططططططل .. تحس انك تسوق سياره بصراحه
انا ماشي على الفصله / والسياره ودها تكمل وهي إربعة سلندر .. فما بالك ( السته سلندر ) ماشاء الله
الجي بي اس / حقها احسه موب مثل اللي كان معي ف سوناتا احس هذاك افضل
.........................................
السياره بشكل عام حلوه
فيها قساوهه .. بس معقوله
العزل زي ما قلت سيءء اتكلم عن الارضي
صوت هواء فيه , بس موب بشكل اللي ضخموه العالم ,
الداخليه روعه
شكلها الخارجي بطل ، من بعيد تذكرك ب السياره ( ما ابي اقولها عشأن لا تقولون يبالغ ) بس انتم ناظرو الخلفيه السياره وهي تمشي قدامك من بعيد شوي
الدركسون خفيف ، مع الخط يثقل
السياره هاديه ف الشوارع الهاديه ( ااقصد الشوارع زي الملك فهد والملك عبدالله الجديد الهاديه ) .. لان ف شوارع تخلي البنتلي ددسن عندنا
ممشاها ف الخط حلو , وماشاء الله / ودها تمشيء زود عن 210 ب اريحيه ( وهذي اربعه سلندر ) فما بالك بالسته ..
الله يعطيك خيرها ويكفيك شرها،...،
هل العزل سئ بدرجة،الموديل اللي قبله او افضل
وهل جودة الديكور الداخلي جيد !
تستاهل ولا تنصح بغيرها،
لاني محتار بينها والتوروس،
اخوي شرى التورس 2013 وانا كنت زان فوق رأسه لما اخذها , التورس موتر ما عليه كلام .. يكفيك انه يجي منه دفع رباعي وسته سلندر
لكن .. انا اخذت اكورد ب 118 والتورس سته سلندر نص فل بفتحه حول 117 قبل العرض بعد العرض وصل 113 تقريباً
مع هذا اخذت الاكورد ..
اخذت الاكورد ، اولاً لانها عمليه اكثر من التورس ..
بوجهة نظري ، اشوف التورس تصلح لشخص متزوج .. راكد .. او لشخص هادي جدا جدا ، ف السواقه راح تعيش معك ، بس موب زي نظام الكامري هو الاكورد -
يعني كل السيارتين حلوات
استخير وشوف وش اللي يناسبك ..
ماشاء الله تبارك الله
الله يعطيك خيرها ويكفيك شرها
والله نفس الملاحظات اللي عندي
وردك وافي ماشاء الله
وبالفعل الرساوة اختلفت للافضل واكثر شيء يعبني وقت الدعس الدركسون كل ماله يثقل ماشاء الله
وعلى قولتك هذي الاربعة سلندر فما بالك بالستة الله يهني اصحبها ماشاء الله
انا احس ان الصوت اكثر جاي من ناحية الابواب
امس فكيت المقعدة الخلفية
علشان كنت بكيس السيارة
شفت العازل اللي حاطينه بس نسيت اصورها والله
ثلاث قطع صغيرة يعني لو 3 جالسين ورى تحت كل واحد قطعه صغيرة من العازل لونها اسود
احس فيها شوية ثقل بس ليتهم كملوها وخلوها كاملة من ورى
رحت الصيانة حقت 1000 ك قلتلهم على صوت الهوى
قال بحط بخاخ على الجلد وان شاء الله تزبط رغم اني ماني مقتنع بالموضوع لكن ماعندهم مشكلة
نمشي معاهم لين نشوف وش اخرتها ...
ونصيحه اخ انتبه من السرعات العالية صحيح احيانا الخط فاضي ويحمسك للدعس
لكن الروح امانة لا تجيب الهم لاهلك لابوك لامك لاخوك لاخوانك لزوجتك لعيالك
روحك امانة بين يدك لا تهدرها في شوية حماس زايد
وكل شيء بيد الله
لا تنسوا دعاء الخروج من المنزل والله يرحمنا برحمته جميعا
لا هذي ماهي موجودة في الفئة اللي عندي او فئة الاربعة سلندر
احد الاخوان o.o.o. منزل صورة للقير هو نفسه ولاحظ مافي s
يمكن عند الاخوان ابو ستة سلندر يفتونا في هذى الموضوع
على طاري تبديل النمرة لحضت شيء في السيارة
مثلا انت طاب في زحمة السرى قدام ماشي لما اضغط بنزين خفيف يعني على دحدرة
الغيار الاول احسه يتاخر مع العلم ان الدعسة خفيفة مدري هذى مقصدك ؟
ياشباب الحين السيارة هل فيها نظام المشي على الثقيل والخفيف هالنظام موجود في اغلب السيارات مثل الكامري 2007
والافالون الجديدة وايضا انا ملاحظ شي جديد في القير فيه حرف p ثاني هاذا وش فائدته
رد
أنا رحت لهم صيانة الألف بعد صلاة العصر سيدا ...
ما حجزت و لا شيء و خلصت بساعة إلا ربع ..
بس كان يوم وسط الأسبوع يعني
انا مااقصد الصيانه اقصد طلب السيارة 40 يوم ليشأنا رحت لهم صيانة الألف بعد صلاة العصر سيدا ...
ما حجزت و لا شيء و خلصت بساعة إلا ربع ..
بس كان يوم وسط الأسبوع يعني
يا شباب انا ما ادري انتم تهرجون على اية قير
قير 6 ولا قير 4
قير ال 4 نفسه القير ما تغير
P
r
n
d
d3
2
1
هذي القير اللي عندي لا حرف زايد ولا نقطه ولا شيء ؟؟
شكلكم تقصدون 6 سلندر
هذا شيء ثاني .
معليش انا فتيت :o
بعد d3
L
1 & 2 اختفوا ؟؟؟؟
ضوابط المشاركة
رد مع اقتباس
مواقع النشر (المفضلة)