تفضل الرابط وتقدر تتواصل معاه
http://www.hondaarabia.com/club/t59170/
تفضل الرابط وتقدر تتواصل معاه
http://www.hondaarabia.com/club/t59170/
ال D3 و L هاذي وش فايدتها
مرحبا اخوي .. اول شي الله يبارك لك فيها يارب
ثاني شي بسألك بالنسبه للفل كامل مخمل وش مواصفاته بشكل كامل؟
وش يفرق عن السبيشل؟
مثلاً فيه كاميرا خلفيه؟ حساسات .. شاشه؟
المعذرة منكم يا شباب تاخرت عليكم في الرد لكن الان برد عليكم واحد واحد
ولله الحمد والمنة اليوم سويت صيانة 1000 ك
بالنسبة لصوت الهوا اللي من الابواب بلغتهم في الصيانه بهذى الشيء
قلي بحطلك بخاخ ان شاء حتحس بالفرق بعدها وحط البخاخ على جلد السيارة الابواب كاملة
قلت لا سمح الله ما نفع
قال تروح فرع الصيانة الرئيسي يشوفون لك حل
نشوف كيف ...
ماشاء الله تبارك الله
الله يعطيك خيرها ويكفيك شرها
والله نفس الملاحظات اللي عندي
وردك وافي ماشاء الله
وبالفعل الرساوة اختلفت للافضل واكثر شيء يعبني وقت الدعس الدركسون كل ماله يثقل ماشاء الله
وعلى قولتك هذي الاربعة سلندر فما بالك بالستة الله يهني اصحبها ماشاء الله
انا احس ان الصوت اكثر جاي من ناحية الابواب
امس فكيت المقعدة الخلفية
علشان كنت بكيس السيارة
شفت العازل اللي حاطينه بس نسيت اصورها والله
ثلاث قطع صغيرة يعني لو 3 جالسين ورى تحت كل واحد قطعه صغيرة من العازل لونها اسود
احس فيها شوية ثقل بس ليتهم كملوها وخلوها كاملة من ورى
رحت الصيانة حقت 1000 ك قلتلهم على صوت الهوى
قال بحط بخاخ على الجلد وان شاء الله تزبط رغم اني ماني مقتنع بالموضوع لكن ماعندهم مشكلة
نمشي معاهم لين نشوف وش اخرتها ...
ونصيحه اخ انتبه من السرعات العالية صحيح احيانا الخط فاضي ويحمسك للدعس
لكن الروح امانة لا تجيب الهم لاهلك لابوك لامك لاخوك لاخوانك لزوجتك لعيالك
روحك امانة بين يدك لا تهدرها في شوية حماس زايد
وكل شيء بيد الله
لا تنسوا دعاء الخروج من المنزل والله يرحمنا برحمته جميعا
الاه يعطيك خيرها ويكفيك شرها يا رب
الزر الاخضر حق توفير الوقود
عبيت فل 95 ب 36 ريال تقريبا
فتحت شاشة المعلومات مسجل انه الوقود يمشي 800 كيلو
شغلت الزر ومشيت قلب الرقم 950 كيلو
صراحة ما اعرف هل هي كيلوات فعلية ولا ارقام واصلا ماني مجرب قبل لا يوصل البنزين النص فلل
ماني مستعد اغامر صراحة
بالنسبة للطرمبة والعلبة
خلاص الماضي ودعته كان زمان
اللحين الدركسون كهرباء مافيه علبة دركسون
هذا العلم اللي عندي ونشوف المكنيكيه حقين المنتدى هم افهم مني صراحة
كفيت ووفيت اخوي وهي تعتبر نمر ثقيله وبعد يستخدمونها للمطارحات الشباب انا افضل انك تستخدمها للسفر والنزول من العقاب في حال كانت النزلة قوية علشان تثقل السيارة
ويفضل لو ما تستخدمها نهائيا .
وبالفعل الموديلات السابقه وانا خبري ب 2006 كانت فيها d3 , 2 , 1
عوضها الحين مباشرة ب L مدري كيف طريقة الاستخدام وكيف طريقتها لكن مع الايام يبان
ًشكرا لتوضيحك
تحياتي
الله يبارك في عمرك يا رب
مواصفات فل المخمل
طارة كهرباء جنوط 17 فتحة سقف كشافات ليد نهاري وليل 4 سرندل عدسات في الواطي شنطة زر استبنة جنط شبك نيكل و كروم على مسكات الابواب 4 حساسات خلفيه فقط عرضها عن طريق شاشة المعلومات العلوية
الداخلية :
بصمة طبعا تخشيبة كاملة شاشتين شاشة لمس و شاشة معلومات فتحة usb & aux سيدي واحد
طبلون الوان يتغير مع الدعس
مقاعد مخمل السائق كهرباء فتحتين شحن 1 في الدرج الاوسط والثاني في الطفاية حقت السجائر
طفايه للسائق و الراكب والركاب اللي ورى طفايتين في البابين الخلفيين
تحكم المكيف للسائق وللراكب كل على حدة
تحكم بالمرايات تشغيل الحساسات واغلاق مانع الانزلاق
هذي المواصفات اللي تحضرني حاليا
تختلف عن السبشل ان السبشل ان ما خاب ظني
بدون بصمة مفتاح وبدون كشافات وبدون كروم و مقاعد عادية مو كهرب بدون تخشيبة
الشاشتين موجودة في السبشل
اممممممم هذا اللي افتكره
اتمنى اكون افدتك
الله يعطيكم العافية يا اخوان على المعلومات اللي صراحة افادتني كثير
لكن قير الاكورد الجديدة ما تغير ولا زال 5 سرعات فقط للـ 4 سلندر
هل تشوفون ان هذي نقطة تؤثر على عطاء السيارة في الخطوط ؟؟
لأن مثيلات الاكورد مثل الكامري والسوناتا والالتيما الموديلات الجديدة كلها تجي 6 سرعات
انا انسان ناوي اشتريها ولكن القير شوي مسبب لي رعب
لأني رجال دوامي برا الرياض واسبوعيا امسك خط 400 رايح و 400 جاي
اخاف كثرة الخطوط تتعب القير مع الـ 5 سرعات اللي ما تغيرت
عطونا آرائكم ونصايحكم يا أهل الخبرة
هلا ابو نواف
والله نقول ان شااء الله انها تزبط
الامريكي ذا مو صاحي لو افك السيارة كذا تحصلني مصروع
البخاخ رش زي الفليت <=== كيف التشبيه
رش السيارة من الجلد الخارجية للابواب
كلام الرجال انه طبقه تنشف تمسك على الجلدة
لسع صراحة ما جربت لكن اجرب ابلغكم
بس الامريكي احس بويته تلق والجنط
ياخي نفس اللون حقي وجاي مع الجنوط صح
الله يحيك يا اخوي
حنا هنا نساعد بعض يا غالي
ااخوي حتى لو القير 5 سرعات الناس من زمان وهي على الخمس سرعات واللي يحافظ ما يخاف شوفها ونيتات حقين التبريد ب 4 سرعات خامس مافيه وتمشي ما فيها مشكلة زي الحلاوة :d
انا اشوف وافضل انك تجرب تستاجرها وتشوف ناسبتك اًو لا امسك خط عليها شوف دركسونها شوف دزتها شوف رساوتها
يمكن اللي يناسبني ما يناسبك وما ودي اورطك وتقول يا ليت
روح اقرب بدجت ولا افس ولا الذيب وشوف وجرب
في النهاية انت اللي حتسوق السيارة يعني ما ينفع تسوقها وانت منت مقتنع فيها ;)
الله يكتبلك اللي فيه الخير
ملاحظة للجميع
اذا قريت شيء واستفدت منه لا تشكرني ادعيلي ولوالدي انا اكون شاكر لك .
تحياتي
اشكرك يا اخ next وجعل والديك و والديني و الجميع في الجنه
والله ردودك و سعة صدرك نادر ما اشوفها .. الله يسعدك
و من عقب ردك وانا رايح لهوندا .. الفل مخمل بـ 104 الاف
طبعاً موزع معتمد موب الوكيل براسه ...
بس سؤالي , تنسيم الهوا اللي تتكلمون عنه و تبحثون لحلول له
لهالدرجه هو واضح جداً ؟ لأن صراحه هالشيء بدا يقلقني اكثر
مواقع النشر (المفضلة)