بسم الله الرحمن الرحيم

السلام عليكم ورحمة الله وبركاته

كيف حالكم ... عساكم طيبين

يالغالين اليوم كنت بوزارة التجارة في جدة و كنت عند قسم السيارات والعيوب المصنعية فتكلمت مع الموظف بخصوص العيب المصنعي في علبة الدركسون
( دودة الدركسون ) موديلات 2003 – 2010 و إن الوكالة ما تعترف بهذا العيب نهائياً فقط أعلنوا عن تغيير ليات الدركسون قبل 5 سنوات تقريباً ولم تحل مشكلة علبة الدركسون ( الدودة )

فقال لي سوي خطاب بهالموضوع ويكون مفصل و قال أجمع أكبر عدد ممكن من إستمارات مركبات ناس متضررين و أرقام جوالاتهم و أرفقها بالخطاب


المتطلبات :

1 - أبغا منكم ترسلون لي صورة على الخاص لإستمارة المركبة وياليت تسحبونها باأاسكينر و تكتبون لي رقم الجوال

2- أبغا أعرف العيب المصنعي يلي في علبة الدركسون هل فيه دولة عربية أو أجنبية حلت مشكلتها أو أستدعت مركبات هوندا ... وياليت لو يكون فيه خبر بجريدة عن الإستدعاء عشان ارفقه بالخطاب



وسبب روحتي لوزارة التجارة و الشكوى إني دفعت حدود 5 الآف في علبة الدركسون وكانت عبارة عن شراء إصلاح و شراء علبة دركسون و أجرة ميكانيكيين وبعد كذا ما ضبطت معي و أضطريت إني أدخلها الوكالة بسبب القرف يلي عشت فيه و الورش يلي كل واحد أخس من الثاني و الوكالة ما رضوا يسوون إصلاح للعلبة بسبب إنها أفكت خارج ورشهم المهم ما كان فيه حل إلا إني أغيرها عندهم فكان التغيرر هو ( تغييرعلبة الدركسون + لي سفلي + لي علوي + تعبة الزيت ) وكان المبلغ مع أجرة اليد 7500 ريال و بعد الواسطة أعطوني خصم الموظفين وصارت القيمة 6129 ريال وكان مجموع الخساير 11 ألف تقريبا .. والفواتير عندي وتثبت و أنا راح أرفقها بالخطاب .. المبلغ كبير جداً بالنسبة لي لكن دفعها الوالد وما قصر وكان مصر إني أدخلها الوكالة ولا أنا كنت ناوي إني أشتري العلبة من أحد الأعضاء المتواجدين في الموقع بس محد من أخواني و الوالد أيدني إن أشتريها بحجة إنه ممكن تختلف الخليجي عن الأمريكي ولكن دام إنها ماهي من جيبي وش علي :d ولكن فيه غيري ما تسمح له ظروفه و راتبه في إنه يدفع هذا كله

فقلت ما أبغا أحد يطيح في الموال و الخساير يلي طحنا فيها
وأبغا تعاونكم معي لعل وعسا نطلع بنتجية ترضينا كلنا

و سلامتكم ،،،