الموضوع: لمن جرب الأكورد 2013 تعال وعطني أنطباعك ولك جزيل الشكر

ياإخوان أنا بعت سيارتي أكورد 2007 فل مخمل قبل فترة وحمد لله بعتها بملغ طيب وماكانت تشكي من شئ بالعكس سيارة كأنها جديدة لشدة محافظتي عليها ولكن بيعتي لها بعد ماشفت الأكورد 2013 قلت بشتري الجديدة لأنها أعجبتني كشكل وفخامة وتوجهت لهوندا فرع خريص في الرياض وحجزت ودفعت عربون نص فل سبيشل بـ 97900 والأن جالس أنتظر وكل ماأمر عليهم يقولون بعد كم يوم ومن هالكلام والان قربت على شهر بدون سيارة ومستاجر ومتوهق بالحيل وبديت أفكر أسحب عربوني وأتوجه لأي سيارة ثانية حتى لو كان مادوي وخصوصاً بعد ماسمعت كلام كثير عن السيارة أن عزلها سيئ ومطبها قاسي وعزمها ضعيف جداً .. السؤال هل هي مثل ماقالوا ..؟ أو أنه غير صحيح .. إذا السيارة مريحة وعزمها طيب مالي إلا أني أنتظر ولو طال بي الأنتظار لأني صبرت كثير ومابقى ألا القليل على قول الوكالة ولكن إذا كانت فعلا غير مريحة ومطبها قاسي وعزمها ضعيف الله يرحم والدينكم قولو لي عشان ماأتعب نفسي وأزود من الأنتظار وأتوجه لأي سيارة أخرى .. وآسف على الأطالة .. كل الشكر والود لكم قبل كل شي

الاخوان محى يفيدونك هنا كل واحد بعطيك تجربته وممكن تجربته تعجبه هو وانت ماتعجبك احسن شي اقرب محل اجار استاجر لك وحدة 2013 كم يوم وشوف كل الا نفسك فيه من عزل لي قساوة لكل شي

اللي انا مستغربه التأخير في وصول السيارات !!!
الخوف يكون فيهن بلوى ويجي هشومي يرقع فيهن ولا شيء

حسب كلام بعض الأخوة
قساوة مطباتها وقومتها وعزلها الأرضي والجانبي مثل الجيل السابق
يعني إذا ناسبك مواصفات الجيل السابق توكل على الله وخذها

اطلب من الوكالة تجربة السيارة او استأجرها مثل ما قال اخونا البرنس

بالنسبة للعزل ما اتوقع انه مثل الجيل السابق

جماعة هوندا حطو فيها عوازل اكثر من الموديل السابق مو معقوله يكون نقس العزل

الاجانب لهم فترة عندهم السيارة ما اشتكو من الناحية هذي

اذا ماشفت تجربة حسن كتبي للاكورد باليوتوب انصحك تشوفها

http://www.youtube.com/watch?v=Y0OKG8aSgzs

ترا السيارة حلوة و انا مثلك لي ثلاث اسابيع انتظر

المشاركة الأصلية كتبت بواسطة makhloof

اطلب من الوكالة تجربة السيارة او استأجرها مثل ما قال اخونا البرنس

بالنسبة للعزل ما اتوقع انه مثل الجيل السابق

جماعة هوندا حطو فيها عوازل اكثر من الموديل السابق مو معقوله يكون نقس العزل

الاجانب لهم فترة عندهم السيارة ما اشتكو من الناحية هذي

اذا ماشفت تجربة حسن كتبي للاكورد باليوتوب انصحك تشوفها

http://www.youtube.com/watch?v=Y0OKG8aSgzs

ترا السيارة حلوة و انا مثلك لي ثلاث اسابيع انتظر

هلابك أخوي .. طلبت تجربة من وكالة هوندا لأني وقتها ماكنت أدري أن فيه تجربة بس بعد ماعرفت أن فيه تجربة رحت لهم وقلت بجرب السيارة وقالوا لي مافيه تجربة الان لأن التجربة موقفة بسبب أن التأمين حق السيارة منتهي ومايجي إلا من جدة ويبي له وقت وكل ماأتصل عليهم يقولون ماجاء التأمين ويبي له كم يوم ومن هالكلام وماعاد أدري وبصراحة أنا من عشاق هوندا ومعاصرها من موديل 2002 واخر موديل وقفت عليه 2007 ألين بعتها قريب وأبغى السيارة وهاويها ولكن كلام الناس يخوف موتر أدفع فيه 100 ألف وأخرتها عزل مش ولا بد وعزم ضعيف ومطب قاسي وبكذا راح أتنازل عن هوى نفسي وأعزف عن معشوقتي الأكورد وأبحث عن بديل أفضل وقريب من هالسعر .. كل الشكر لك أخوي وأنا مثلك صار لي ثلاث أسابيع على الأيجار والله يعين

المشاركة الأصلية كتبت بواسطة سلطان2020

حسب كلام بعض الأخوة
قساوة مطباتها وقومتها وعزلها الأرضي والجانبي مثل الجيل السابق
يعني إذا ناسبك مواصفات الجيل السابق توكل على الله وخذها

لا والله مايناسبني أبد لأن كان معي أكورد 2007 وطولت معي وجربت سيارة واحد من الشباب أكورد 2011 والله أن موتري وقتها كان أحسن منها في المطب والعزل والعزم وماجازت لي ولكن وقتها الرجال توه شاريها وماحبيت أحطمه ومدحت له السيارة من باب ماياخذ بخاطره وأكرهه في سيارته مشكور أخوي

المشاركة الأصلية كتبت بواسطة تألمت بس تعلمت

اللي انا مستغربه التأخير في وصول السيارات !!!
الخوف يكون فيهن بلوى ويجي هشومي يرقع فيهن ولا شيء

هذا الخوف وفعلاُ التأخير للشركة في وصول السيارت شي يقهر .. شوف سيارات 2013 توفرت كلها ونزلت وتختار في الألوان والهوندا أكورد يمر عليك أكثر من أسبوع ماشفت ولا وحدة والناس مذابح على الحجز فعلا وكيل ماأدري وش يبي شكل بينزل موديلات 2014 للسيارات الأخرى والأكورد 2013 لسى مانزل منها العدد الكافي

المشاركة الأصلية كتبت بواسطة al.berens1

الاخوان محى يفيدونك هنا كل واحد بعطيك تجربته وممكن تجربته تعجبه هو وانت ماتعجبك احسن شي اقرب محل اجار استاجر لك وحدة 2013 كم يوم وشوف كل الا نفسك فيه من عزل لي قساوة لكل شي

هلابك أخوي صحيح كلامك وفعلاً أنا مريت الذيب لتأجير السيارات في الرياض وقال عندنا أكورد 2013 ولكن مانأجر أفراد بس نأجر شركات وسألت كذا محل أيجار وقالوا مافيه وإذا تخبر لي محل أيجار يأجر أكورد بلغني الله يعطيك العافية