محتار وش اخذ . محتاج شوركم يا اخوان
السلام عليكم , كيف حالكم يا شباب عساكم بخير
يالغاليين انا محتار وبقوه بين الاكورد فل كامل سبورت وبين الازيرا فل كامل ما ادري الناس خلوني احتار في ناس تقول الازيرا مواصفاتها اكثر وارخص وناس تقول الاكورد قوية ومواصفاتها معقوله وتدوم معك فانتوا وش رايكم لان ان شاء الله اذا الله كتب باخذ الموتر على الاسبوع الجاي اذا الله كتب وشاكر تجاوبكم مقدماً
بحفظه .
الفرق بين الأكورد و الأزيرا
الأزيرا مواصفات اكثر و حجم اكبر و سعر ارخص
الأكورد اقوى و اجود و افضل و ارسى
الأكورد إذا تبغى قوه موجوده .. إذا تبغى رساوه في الخط موجوده.. إذا تبغاها تعيش اكثر من 5 سنين تعيش معك.. و إذا تبغى مواصفات فيها بشكل معقول.. إذا تبغى شكل جذاب موجود من الداخل و الخارج
اما الأزيرا مواصفاتها اكثر.. و حجمها من الداخل اكبر.. و سعرها ارخص..و شكلها الداخلي احلى من الأكورد
لكن الجودة و رساوه عليها سلام ليست موجوده في الأزيرا لأنها كورية
عزيزي ميزانيتك و فلوسك تحدد موترك
إذا ميزانيتك فوق 100 الف حرام تحطها في موتر كوري
100 الف حطها في موتر يستاهل و إذا انت الموتر الي بتاخذه بيضل معاك فتره زمنية طويله اكثر من 3 سنين خذ لك اكورد
و إذا انت عندك اقل من 100 الف و الموتر حده يضل معاك اقل من 3 سنين خذ لك ازيرا
المشاركة الأصلية كتبت بواسطة عزآه
الميزانيه 140 ويعطيك العافيه على رايك وننتظر بقيت الاراء
الاكورد افضل من كل النواحي
لكن ياخي الاعضاء هنا خوفوني بالفل كامل سبورت اللي ب134 الف ؟!!!! وانا نفسي فيها اذا كانت الفل كامل اللي ب129 الف افضل اجل كذا بحول للازيرا :(:(
ليش زعلان وانت تقولها ؟؟
توكل على الله وخذ الازيرا اهم شي انك مقتنع !
والي فهمته من كلامك انك تبي سيارة "بمواصفات " على كذا مارح تحصل افضل من الكوري
تخيل معي مواصفات سوناتا ستاندر2 ما تحصلها بسيارات اليابانية بفئتها الا بالفل الكامل :d بس في اشياء ثانية الله بالخير ;)
وعندك مواصفات الازيرا فل الفل فيها مواصفات مو موجودة باللكزس وهي بنص سعر اللكزس يعني الي يشتري اللكزس يمديه ياخذ ثنتين ازيرا فل اوبشن وحده ابيض لؤلؤي وثانيه اسود ههههههه :d
اذا تدور مواصفات وسعر توجه للكوري والصيني ترى عندهم مواصفات تعجبك
بالتوفيق ..
اهم ميزه في الاكورد جودة التصنيع + متعه القياده بدون منازع بكل المنافسين
لها طابع خااااص فيها استمتاع بالقياده ومرتبتها تحسسك بثقه وانت راكب
* استخدمت الاكورد 2007 5 سنوات مافكيت فيها مساعد ولا مقص ولا اذرعه مع ممشي حول 200 الف
الكوري اسال اصحابه عنه خلال ال100 الف وش يغيرون
..
....
ضوابط المشاركة
رد مع اقتباس
مواقع النشر (المفضلة)