[IMG]
[/IMG]
بسم الله الرحمن الرحيم بسم الله والصلاة والسلام على رسول الله اللهم لا أسألك رد القضاء ولاكن أسئلك اللطف فيه حدخل بالموضوع من غير مقدمات أمس ياأخوان حصلي حادث بالهوندا اكورد 2013 الحمدلله على كان الحادث عبارة عن كنت ماشي في شارع ضيق في مدينة جدة وواحد صاحب دينا راجع ريوس ادقله بواري ماهو معايا ادقله لغاية ماعلقة على البوري المهم راجع وعطب الباب الخلفي كامل دخل على جوا وحكات خفيفه بعده في المنطقة اللي تحت المهم بعد ماحصل الحادث انتظرنا المرور كالعاده اول ماجا المرور شاف السيارتين وجلس يسأل قلتله هوا الغلطان ميه بالميه المهم السواق جلس يلف ويدور يقوله انا واقف وهوا صدمني كيف تركب انا اصدمك وبابي اليمين الخلفي روح فيها المهم طلب شهود شهدو معي اثنين جزاهم الله خير بعد ماخلصنا العسكري قلي خلاص روح والسواق حيلحقك انا حكون وراكم وهذه حسن النية لمن تكون موجودة ركبت السيارة وانا كل الم وذهول حتى صرت عديم احساس لا صارخت ولا كلمت العامل مشاعري كلها داخلي من القهر اللي صابني الحمدلله رحت القسم وانتظرت من صلاة العشاء للساعة 11 الليل ولا حياة لمن تنادي ولا جا السواق ولا شي كلمت المرور لازم يجي غريمك قلنا امرنا لله مع مواساة اخوي وعمي قلنا بكرا واخدنا اذن من الدوام ورحت الصباح الساعه 7 ونص وانا محضر في المرور دخلت عليهم قالولي اطلع لفلان البحث الجنائي طلعنا قالو مافي ماهو مستلم قالو روح لفلان رحت لفلان قلي جيب غريمك قلتله فين اجيبه هرب انحاش قال هادا اللي عندي طيب عطني ورقة خلني استغل الوقت انط للتأمين اكسب حاجه لا تنتظر اللي مستلم ملفك اللي مو مداوم وتجيب غريمك طلعت للرئيس القسم اعطاني ورقة تقيم قلي انزل للشخص الفلاني اللي قلي تعال بكرا وقعلي هيا وسحب رخصتي واستمارتي قلتله ليش قلي انا كلمتك من اول تعال بكرا مانت راضي تسمع الكلام طلعت تلفلف قلتله امرنا لله نجي بكرا على فكرا انا ماخد السيارة من البنك مندوب البنك يقولي خلاص صلحها على حسابك بدال ماتتمرمط لانو مو دافع شي من جيبو سهل الكلام عندو .
استفساراتي :
يااخوان الان لو العامل ماجا ايش الحل لاتقولولي اجلس انتظر لغايت مايتمسك السواق هذا
انا ابي ورقة اصلاح عشان اتخارج .
الان حنزلكم الصور وشوفو ايش المطلوب واللي عندو علم بالاسعار كم سعر الباب وكالة وايش المطلوب عشان السيارة ترجع جديدة
[IMG]
[/IMG][IMG][IMG]
[/IMG]:(
عين ماصلت على النبي (حادث بالأكورد 2013 )
رد مع اقتباس
مواقع النشر (المفضلة)