لا
سلام عليكم
مثل ماهو واضح في العنوان هل ضروري ؟!
واذا كان ضروري فيه مويه بكفاءة شد البلد ؟
لا
وعليكم السلام
اختياري عند 100الف واجباري عند200الف وتقدر تتاكد بنفسك تفتح غطاء المحرك وتشوفه مكتوب بالاعلى
اجباري كل 200
طيب المويه اللي عند الوكاله نفس شد البلد ؟
الموتر ماشي 300 الف ولابعد غيرت المويه
موية بلدها زرقة
والمويه الي تشتريها من الوكاله خضره
بس كلها نفس الجودة
نعم مثل اجوبة الشباب وازيد انه يغير كل خمس سنوات ايضا
انصحك بعمل تسييخ لراديتر وتغيير الغطاء تعبئة سائل تبريد كاسترول مسبق الخلط موجود عند
ردكاب .
تحياتي
ليه اسوي تسسيخ ؟
الموتر مافيه تهريب ولا حراره يعني تغيير زيادة حرص!
التسييخ ( التنظيف ) مهم لراديتر حتى تتأكد ان مجاري الماء سلسة وغير صدئة او مغلقه
وحتى ما يكون هناك جهد زايد على طرمبة الماء .
نعم مهم وضروري
ماء الراديتر له صلاحية ومدة معينه بعدها يجب تغييره للحفاظ على السياره
وطبعا لا تستخدم إلا ماء الراديتر الأصلي ؛ ولا تخلط الألوان
ترى مو بس اللون يختلف ؛ حتى تركيبة ونوعية ماء الراديتر تختلف باختلاف اللون
يعني :
اذا ماء الراديتر عندك لونه أخضر .. استخدم أخضر
اذا ماء الراديتر عندك لونه أحمر .. استخدم أحمر
و لا تحسب أن الأخضر والأحمر نفس بعض ؛ و أن الإختلاف مجرد لون < أكبر خطأ
وكالة هوندا ما يجيبون إلا ماء راديتر هوندا الأخضر Type 1
مصنوع في تايلاند
وانا سيارتي أكورد 2006 والماء الموصى به بالكتالوج وستكر داخل الكبوت = ماء راديتر هوندا Type 2 لونه أزرق
ومكتوب بالكتالوج إذا كان ( ماء راديتر هوندا Type 2 غير متوفراً .. إستخدم ماء راديتر خالي من السليكات silicate free من شركة رائدة )
ماء الراديتر نوعين :
1) نوع مركز وثقيل ويحتاج للتخفيف بالماء المقطر بنسبة 50% .. يعني مثلا 2 لتر ماء راديتر و 2 لتر ماء مقطر .. تحتاج جالون واحد ماء راديتر مركز
2) نوع مخفف بالماء المقطر ويكون مكتوب عليه ( premixed - DO NOT ADD WATER - أو يكون مكتوب عليه 50\50 أو 30\50 الخ... ) هذا لازم ما تخلطه بالماء المقطر .. وتحتاج أكثر من جالون ماء راديتر مخفف بالماء المقطر
طبعا لكل شيء مميزات وعيوب ..
المركّز :
أوفر لأنك تحتاج جالون واحد فقط والباقي ماء مقطر
لكنه يحتاج خبرة يعني لازم توزن نسبة وكمية الماء المقطر ونسبة وكمية ماء الراديتر ( تقدر تعرف كم تاخذ سيارتك ماء من الكتالوج )
المخلوط والمخفف :
تحتاج أكثر من جالون.. لكنه ميزته جاهز للتعبئه سم بالله وعب الراديتر
واذا كان مصنوع خارج السعوديه .. الماء المقطر اتوقع بيكون جودته أفضل من اللي عندنا
( بعض الماء المقطر عندنا بالسعوديه = مغشوش أو جودته لك عليها )
فوائد ماء الراديتر الأصلي :
1) يرفع درجة غليان الماء = يعني ماء الراديتر ما يغلي بسرعه .
2) يخفض درجة تجمد الماء = يعني الماء ما يتجمد عند 0 مئويه .. يتجمد عند مثلا -15 أو -20 أو -30 الخ... حسب نسبة وكمية ماء الراديتر \ الماء المقطر
3) يمنع الصدأ والتآكل
4) يزيت ويحافظ على طرمبة الماء .. فيه مادة زيتيه تحافظ على الطرمبه
ماء الراديتر أنواع
فيه شيء أصلي وفيه شيء تجاري ما أنصحك فيه أبدا أبدا .. التجاري مجرد لون وجودته سيئه جدا
التعديل الأخير تم بواسطة THE SILVER ACCORD ; 02-04-2013 الساعة 07:17 PM
تنبيه - تحذير
تغيير ماء الراديتر يحتاج خبره + تكون فاضي يعني ما تكون مستعجل أو الخ... + لازم تقرأ كتالوج السياره
وإذا ما عندك كتالوج السياره ؛ شف موضوعي هذا
http://www.hondaarabia.com/club/t58590/
اذا ما عندك خبرة + إذا ما قريت كتالوج السياره وطريقة تغيير ماء الراديتر = الحرارة بترتفع لآخر شيء H .. أثناء التغيير أو بعد التغيير
لأنك ما راح تعبي ماء الراديتر بشكل كافي ..
لاحضت انه في الكتلوج يقول حول المكيف الى حار واذا كان الكتروني فك dual هل المقصود فك المزدوج والنقطه الثانيه ليش لازم احوله حار وش الحكمه في الموضوع
سلفر أكورد عاجز عن شكرك يالغالي لاتعبت على الرد
واستفدت منك كثير بس خايف ابدل المويه وابلش بالحراره او ماالقى سائل بنفس كفاءة شد البلد
بس هل احد قد جرب يغير المويه عند الوكاله |؟ خايف يلعبون فيها
لان اللي يروح الوكاله ومواضب ع الصيانه ملاحظ سياراتهم اكثر عرضه للخرابات من اللي مطنشهم
واشكرك الجميع على الردود
أقسم بالله قهر
بعد ما كتبت رد وشرح طويل و ضغطت اعتمد المشاركه طلع لي خانة إدخال أسم العضويه وكلمة السر وبعد ما ضغطت تسجيل الدخول طلعت صفحه بيضاء
وبعد ما ضغطت تراجع ( عشان ارجع للصفحه السابقه )
راح كل كلامي
وصارت لي المشكله قبل فتره أكثر من مره
ما أدري المشكله من المتصفح عندي أو من المنتدى .. كل شوي يسجل خروج من نفسه
وياليت يتم إلغاء الأسئله العشوائيه
المنتدى عقب التحديث خرب + غياب المشرفين والاداره
والله يااخوان عليكم اسلوب يخوف
انا الان شفت الاكورد مويتها قليلة جدا حسبتها فاضيه رحت للوكالة سويتلهم فلم هندي وليه وليه ورحت اشتريت الموية الاصلية 77 ريال وبعدين لمن فكيت اللديتر حصلت في موية قليل من المصنع تبعهم احسبها ناقصه وحطيت فوق الموية دي موية من تبع الوكالة هل يضر السيارة عارف اني جبت العيد بس للان ماشغلت المكيف بعد الالف كيلو حشغلها وسلامتكم
مواقع النشر (المفضلة)