أبغا نصيحتكم

**أكورد أبيض** · 09-11-2007, 01:49 AM

بسم الله الرحمن الرحيم

السلام عليكم

كيف اخباركم ؟

والله انا محتار في شي و ابغا نصيحتكم

والله انا نفسي انزل السياره و الاغلب قالو لي بتطلع حلوه بس يمكن تخرب

و انا جاي اسالكم النصيحه

**o-k-r** · 09-11-2007, 02:17 AM

شوف اخوي
اللي يبي ينزل السيارة لازم تكون عندة الشوارع حلوة

وفي طريقة اسهل لك
انك تشتري يايات تقدر تشدها وترخيها
يعني تقدر ترفع الموتر وتنزلة في نفس الوقت
وبالتوفيق انش الله

واي خدمة انا حاظر o-k-r466@hotmail.com

**أكورد أبيض** · 09-11-2007, 10:43 AM

مشكوووووووور و ما تقصر
والله نورة الصفحه بمروك
بس انا سؤالي يقول هل التنزيل يخرب السياره ؟

**م م و السعوديه 5 5 7** · 10-11-2007, 04:50 PM

السلام عليكم ورحمة الله وبركاته
..
طبعا يااخي التنزيل مضر جدا جدا بالسياره ،،
خلي سيارتك زي ما هي

ممكن المساعدات الاربعه كلها تخرب
الكفرات الخلفيه ما تصير موزونه ويصبح فيها ميل بشكل كبير
ممكن تعدم عليك العكوس
السياره تصير متفككه يعني يبيلها تربيط
هذا غير المشاكل مع الدوريات الأمنية

انا انصحك انك تخلي السياره على رفعه بلدها

و اذا مصمم تهبط عليك باليايات الرياضيه و المساعدات الرياضيه

و هذه سعرها غالي جدا

اعتقد انها توصل لــ 2500 ريال

**الاخطبوط** · 10-11-2007, 05:06 PM

من ناحية الشكل فهو يعطي شكل خيالي لكن بالنسبة للأضرار الاخوان بقسم المشكلات والحلول أكيد يفيدونك اكثر

استلم الموضوع يالهادف

**الهادف** · 10-11-2007, 06:43 PM

المشاركة الأصلية كتبت بواسطة الاخطبوط

استلم الموضوع يالهادف

وصل يا الأخطبوط ومشكور على الأرسال الحلو

كما قلت لواحد من الشباب سأل عن الموضوع هذا قبلك ..

التنزيل بزيادة مضر جداً لأجزاء السيارة السفلية وخلنا نقولك وش اضرارها ..

1- طرمبة الزيت في الأسفل وهي شي محتمل ان ينضرب مع التزيل ..

2 - مقصات واذرعة ووجامبينات ويايات

3- بتختلف زاوية ميلان العكس مما يتسبب بتلف نهايتيه بعد فترة من الزمن ..

4- مواسير دبات التلوث وانظمة العادم .. ضربة فيها بترفع لك حرارة السيارة على طول وبتتعب على ما تحصل ميكانيكي يحصل الضربة ..

5- تانكي البانزين شي تحت وممكن ان ينضرب كذلك ..

6- المشاكل مع الدوريات ونقاط التفتيش والمخالفات ..

فيه حلول بديلة للتنزيل ..
1- عندك اليايات الرياضية .. تقدر تركبها وتوزن فيها على كيفك بحيث تعطي السيارة تنزيلة حلوة .. لكن لا تنزل كثير .. وكذلك تحتاج تغير المساعدات لمساعدات رياضية لأن الأصليات ما بيتحملوا الضغط الشديد ..

2- تركب مقاس كفرات اقل من ارتفاع الوكالة واعرض بشوية .. 215\55\16 .. اشوفه مقاس ممتاز جداً وهذ احسن حل للتنزيل في نظري

**يامطنش** · 10-11-2007, 06:00 PM

اذا فيك حيل تخسر وتصلح وتروح ورش هبط

**أكورد أبيض** · 10-11-2007, 10:40 PM

مشكووووووورين حبايبي على ردودكم

طيب لو نزلتها فتره قصيره هل التأثيرات نفس الشي ؟

يعني تقريبا اسبوع

**o-k-r** · 10-11-2007, 11:03 PM

والله شوف انت تبي تنزل ولا تشيل اليايات
انا عن نفسي
شلت اليايات لمدة اسبوع
بس اني ماأمشي في شوارع مكسرة كلها محترمة
يعني مافي اي ضرر على السيارة على حسب ماشفت
وبالتوفيق