تجربتي للاكورد 2013

**Salem al.harthi** · 05-04-2013, 07:52 PM

السلام عليكم ورحمة الله وبركاتة

طبعا اول مشاركة لي في هذا المنتدى الاكثر من رائع وانا متواجد في المنتدى اكثر من 5 سنوات بس للمشاهدة ولم اطرح اي موضوع

اليوم حاب انقل لكم تجربتي للاكورد 2013 نص فل وراح تكون المقارنة في هذا الموضوع بي سيارتي السابقة اكورد 2010 نفس الفئة نص فل "سبشل"

طلعت السيارة من الوكالة في 25/03/2013 بالجبيل وسعرها كان 97900 شامل اللوحات والاستمارهـ راح اتكلم لكم عن بعض الاشياء الا تغيرت علي في الاكورد الجديدة

قيادة السيارهـ / ارى ان قيادة الاكورد 2013 اكثر متعة من الفئات السابقة
الثبات في الخط / وجهة نظري ارى ان الاكورد الجديدة اكثر تماسك وثبات في الخط لاني سافرت عليها الرياض على شان كذا قدرت احكم عليهااا
المواصفات / طبعا موصفات 2013 مشاء الله تبارك الرحمن فرقت كثير عن مثيلاتهاا من الموديلات السابقة مثلا " تغير لون العداد على حسب السرعات . عدد 2 شاشة 8 انش ملعومات 5 انش للمسجل طبعا تستطيع تحويل الشاشة من عربي الى انجليزي وهذا اوبشن جدا رائع مع امكانية تغير من سي دي الى الراديو الى اليو اس بي من الدركسيون
الانارة الداخلية / جدا رائعة تحس انك راكب لكزس مشاء الله تبارك الرحمن
مقاعد السياره / اكثر راحة من الموديلات السابقة والقماش جدا رائع
صوت المسجل/ 6 سماعات ونقاء الصوت جدا ممتاز
عزم السياره / لم يفرق كثير ولاكن لابس فية

وشكرا لكم كثيرااا

**هاوي الأكوورد** · 05-04-2013, 10:14 PM

ماشاء الله تبارك الله .. والله يعطيك من خيرها ويكفيك شرها .. أنا للحين جالس أنتظر مع العلم أنهم عطوني البطاقة الجمركية يوم الأثنين الماضي وطلعت اللوحات بنفسي عشان آخذ رقم حلو وفعلاً أستخرجت اللوحات وسددت وأمنت على السيارة سبيشل نص فل صباح يوم الثلاثاء ورحت لهم وقت خلصت أوراقي وهذي لوحات السيارة قالوا السيارة للحين ماوصلتنا نعطيك خطاب للمستودع تستلمها منه وفعلاُ عطوني خطاب وأقرب لموزين لأني وقتها ماأعرف المستودع بس وصفوا لي في الرياض على طريق الخرج القديم ووصلت لهم وقلت أبي السيارة وهذي اللوحات وهذا الخطاب ودققوا على رقم الشاصي وقالوا سيارتك لسى ماوصلت من جدة يبي لها ثلاث أيام على بال ماتجي ورجعت لهم وقالوا انتظر نجيبها لك عندنا هنا والله وأنا أخوك للحين وأنا أنتظر وموعود مساء السبت بالأستلام .. بس غريبة أنت تقول عزمها مافرق عن الموديلات السابقة مع أني سمعت ناس كثير يقولون عزمها تغير للأفضل بحكم أنهم غيروا في مخارج الهواء للمكينة وأصبحت المكينة بتقنية jdi نظام حقن الوقود المباشر بدلا من نظام الحق الألكتروني .. تشكر كل الشكر أخوي على هالتقرير الطيب ..

**هاوي الأكوورد** · 05-04-2013, 10:16 PM

ماعليش أخوي على الرد الثاني في موضوعك لكن بغيت أسألك سمعت من أكثر من شخص أن الأكورد 2013 فيها عيبين اللي هم صوت صفير في الفرامل والثاني تنسيم في قزازة السواق والراكب واضح ومزعج .. هل واجهة هذه المشكلة ..؟ أكرر شكري لك أخوي

**makhloof** · 05-04-2013, 10:49 PM

المشاركة الأصلية كتبت بواسطة هاوي الأكوورد

ماعليش أخوي على الرد الثاني في موضوعك لكن بغيت أسألك سمعت من أكثر من شخص أن الأكورد 2013 فيها عيبين اللي هم صوت صفير في الفرامل والثاني تنسيم في قزازة السواق والراكب واضح ومزعج .. هل واجهة هذه المشكلة ..؟ أكرر شكري لك أخوي

بحمد الله استلمت السيارة الاسبوع اللي فات

الحمدلله مافي صوت في الفرامل

اما التنسيم موجود و حسب تجربتي القصيرة اشوف انه يكون واضح لما توصل 80

الصوت مو عالي لكن ممكن بسبب هدوء السيارة تحس انه مزعج بعكس بعض السيارات الثانية اللي يجيك فيها اصوات من كل جهة

**م ل ك 2008** · 05-04-2013, 11:33 PM

ماشاء الله تبارك الله

الله يعطيك من خيره ويكفيك شره

**اكورداوي وافتخر** · 05-04-2013, 11:47 PM

وعليكم السلام ورحمة الله وبركاتة.

انا ناوي ع الاكورد نص فل او تقدر تقول بالطريق>~xd:d
عندي عدة تساؤلات
1-هل يوجد فيها تصفيط المرايا آليا
2- اللي اعرف انه المكيف عادي مو الكتروني ممكن صورة للوحة التحكم
واعذرنا اذا كثرنا عليك والله يعطيك خيرها ويكفيك شرها لاتنسى قراءه الاذكار

دمت بود.

**makhloof** · 06-04-2013, 12:00 AM

المشاركة الأصلية كتبت بواسطة اكورداوي وافتخر

وعليكم السلام ورحمة الله وبركاتة.

انا ناوي ع الاكورد نص فل او تقدر تقول بالطريق>~xd:d
عندي عدة تساؤلات
1-هل يوجد فيها تصفيط المرايا آليا
2- اللي اعرف انه المكيف عادي مو الكتروني ممكن صورة للوحة التحكم
واعذرنا اذا كثرنا عليك والله يعطيك خيرها ويكفيك شرها لاتنسى قراءه الاذكار

دمت بود.

تصفيط المرايات موجود في الفل فقط

http://www.saudisale.com/images/82/9...-20011442C.jpg
http://www.saudisale.com/images/05/9...-03124450O.jpg