الفزعه عاجل ,, السياره ماتشتغل
السلام عليكم
السياره هوندا اكورد 2006
قبل امس فجأه طفت علي حاوله اشغلها مافيه فايده فصلت البطاريه مافيه فايده المفتاح مافقد برمجته
الكهربا قويه السلف مافيه شي توني مبدله الطرمبه شغاله ومافيها شي
اللي لاحظته يوم اشغل الواطي الانوار اللي على الواطي ماتشتغل بس الواطي وليت العدادات يخف واذا رفعت اظائته يرجع تمام بس لمى اجيها مره ثانيه يرجع خفيف
يعني كان السياره مخرفه ؟
في احد مرت عليه هذي المشكله ونبي مساعدتكم الله لايهينكم والسبب السياره بعيده عن البيت في طريقه ممكن تفيدني
وعليكم السلام
مشكلتك بالضبط صارت مع واحداعرفه عنده كامري 2007 والحمدلله انها قير عادي واشتغلت بالدف من يوم اشتغلت والدعسه حقت البنزين لاتعمل اللي يمشي السياره عداد الضغط حق السرعه(الريس)على واحد والعدادات ضعيفه نفس حكايتك واتضح المشكله فيه فيوزاوكتاوت موجوده في علبة الفيوزات
بالكبوت افحصهم وان شاء الله تنحل المشكله ..
يعطيك العافيه
فحصت الفيوزات اللي في الكبوت واللي داخل السياره كلهم سليمين
؟؟
الله يجزيك خير
ما هو الحرف الأوسط في كلمة توت
و
حسسوني بالروضه الاخوان في المنتدى :d شوفولنا حل مع الاسئله الظريفه
شيك علي البطاريه
وتاكد منها
حاول تجيب بطاريه سياره ثانية وجرب قبل ماتبدل بطاريه
وان شاء الله بسيطه
وشيك كمان علي طرمبة البنزين
اخوي سو اشتراك
او عنك الدينمو
اهلين شباب يعطيكم العافيه
غيرت البطاريه جربنا بطاريه ثانيه مانفع
والدينمو سليم
فحصت السياره وطلعلي كود u0107 وبعد البحث اتضح lost communication with throttle control module
كلمت ميكانيكي قبل كم يوم مختص بالهوندا قالي يادعسه البانزين او الطرمبه او فيوزات
السؤال بارك الله فيكم دعسه البانزين شلون تتبدل ووين مكانها
دعسة البنزين لها علاقه بالفيوزات واحد من الفيوزعطلانالمشاركة الأصلية كتبت بواسطة S c O r P i O n
الشي الثاني طرمبة البنزين اذا قاعدتها مكسوره او ماهي ثابته ماتشتغل السياره..
ياشباب قبل لاتصير المشكله الغريبه
كان عندي خلل في المسجل مركب مسجل 6 سيدي امريكي وصارت لي مشكله سلك الطاقه او البور اللي يوصل يركب على المسجل معى الاسلاك يحترق
وخليته مكشوف واظاهر انه كان يلامس اجزاء المسجل ويطلع شراره ؟ وحصل اللي حصل هذا الحل الوحيد لاني فكيت المسجل وشفت السلك اذا لامس المسجل يصدر شراره قويه حتى والفيشه مفصوله عن المسجل
واتوقع هو سبب المشكلهامس شيكت على الفيوزات كل ابوها مافيها شي
الكمبيوتر ضرب هل فيه اعراض ؟ وشكرا لكم حبايبي
انتظر ردودكم
يافحمات السلف ياطرمبة البنزين دام الفيوزات سليمه
اسعد الله صباحكم
السلف جديد توني مركبه ومافيه شي وله اعراض
والسياره طفت فجاه وهي واقفه
الطرمبه في احتمال بس قبل التشغيل اسمع صوتها
المشكله كهربائيه في خربطه بالكهربا عندي نور الدرج امام مرافق السايق مايشتغل نور والواطي مايشتغل وعداد الطبلون تضعف اضائته والغريب انه الكهربا سليمه وقويه وكل شي تمام بالسياره ماعدا المذكور
على فكره الميكانيكي مايعرف يركب الطرمبه فقط الكهربائي يعني احتمال كبير منها
يعطيك العافيه الطرمبه امرها بسيط
فحصت السياره وطلع جهاز فيه خلل بجهاز الكمبيوتر يبيله تبديل pcm
وهذي نصيحه للشباب لحد يتعب بالكهرب زين ماحترقت علي السياره
الاحتمال 90 بالميه منه وبنشوف شنو يصير والله ييسر امرنا وامركم
اخ scorpionايش صار على السياره ؟!!
حل للمشكله
مسائك بالخير والرضى اخوي
كانت عندي نفس مشكلتك بالضبط .سيارتي هوندا 2005 اكورد لمن اادق سلف ماتشتغل كل شي زين والكهرباء تمام التمام الى السياره ماتشتغل طبعا سبق غيرت البطاريه اكثر من 6 مرات وتجي هل مشكله نضفت المسكات حقت البطاريه وهم بعد ترجع المشكله فاوديت للكهربائي سوالي خيره بالحركه الا وهي : طلع لي سلك لونه اخضر من نفس السلك حق البطاريه كل ماهنقت السياره ادق سلف واامسك السلك الاخضر والمس فيه الراس حق البطاريه اخليه مثل الاحتاكاك وتشتغل اتمنى وصلت لك الفكره وان رجعت البيت صورة لك صوره تشوف شلون .
تحياتي
يعطيكم العافيه
وشكرا لك اخ مبارك عبدالله الحمدللة تم حل المشكله واطلعت طرمبه البانزين ومشكله الكهربا كانت فيوز
سهالات اخوي
غيرت الطرمبه كامله ولا بس الفلتر ؟
وكم التكلفه الاجماليه ولا عليك امر
ضوابط المشاركة
رد مع اقتباس
مواقع النشر (المفضلة)