الموضوع: بخصوص موية الرديتر الزرقاء للاكورد

أحذر تخلط ماء الراديتر بألوان أو انواع مختلفه ؛ وأحذر من نصب وكالة عبدالله هاشم

كل شيء عندهم عااااادي .. لو عندهم زيت عافيه وتسألهم عادي أستخدمه للمكينه أو الخ... بيقولون لك عاااااادي

أنا غاسل يدي منهم

و أهم شيء انهم يبيعون ويصرفون اللي عندهم

ملاحظه :
ماء الراديتر انواع وتركيبات ( توليفات - خلطات ) مختلفه .. وفيه شيء عمره قصير وفيه شيء عمره طويل LONG LIFE
واذا استخدمت نوع غير مناسب راح يسبب تآكل بالـ ( الراديتر - طرمبة الماء - مسارات الماء بالمكينه - بلف الحراره - الخ... ) + السيليكات يسبب تقطع ربل وصوف طرمبة الماء وممكن يسبب مشاكل أخرى كبيره

وأيضا
ماء الراديتر يجي نوعين بعضه مخفف ومخلوط بالماء المقطر وجاهز للتعبئه ؛ وبعضه مركز ويحتاج للتخفيف بالماء المقطر
اذا مكتوب premixed أو 50\50 أو do not add water .. أعرف أنه مخفف ومخلوط وجاهز للتعبئه

أنا سيارتي أكورد 2006 مكتوب بالكتالوج أستخدم ماء راديتر هوندا النوع 2 .. بالأنجليزي يسمونه TYPE 2





وهذي صور من قوقل لشكل علبة TYPE 2









ماء راديتر هوندا Type 1 الأخضر أردى وأسوء وأقصر عمر من الأزرق Type 2
ولو خلطته مع الأزرق راح يقلل عمر ماء الراديتر الأزرق ؛؛ وممكن يسبب مشاكل

* ماء راديتر الوكاله Type 1 مصنوع في تايلاند .. ولا كتب عليه LONG LIFE
وخلف العلبه مكتوب عليها باللغه التايلانديه ما نقدر نقرأها

أنا سألت خدمة عملاء هوندا في تويتر USA
وقالي

يقول أن type 1 منقطع من مده طويله ؛ ولست متأكد
ويقول أن ماء راديتر هوندا الأزرق type 2 عمره طويل LONG LIFE وتركيبته ( توليفته - خلطته - الخ... ) تختلف عن TYPE 1


أنا اتوقع
عبدالله هاشم يجيبه بأقل سعر ممكن ويبيعه بسعر غالي
( أخضر + قديم Type 1 + ممكن يسبب تقطع صوف وربل طرمبة الماء = تهريب + ممكن يسبب تآكل .. ومصنوع في تايلاند )

هم ما راح يضرهم شيء .. أصلا ما راح تحتاج ماء راديتر إلا بعد إنتهاء مدة الضمان
ولو خرب عليك شيء هم الكسبانين .. تشتري قطع غيار منهم

ليته يجيب الأزرق حتى لو أغلى من الأخضر ؛ أهم شيء يكون مناسب 100%


وأحذر من ماء راديتر مرسيدس الأزرق لأن فيه مواد ما تناسب السيارات اليابانيه .. ماء راديتر مرسيدس مناسب للسيارات الألمانيه

ولو استخدمته في السيارات اليابانيه راح يسبب تآكل ومشاكل


السيارات اليابانيه = لها تركيبه ( توليفه - خلطه ) خاصه من ماء الراديتر

السيارات الألمانيه = لها تركيبه ( توليفه - خلطه ) خاصه من ماء الراديتر

السيارات الأمريكيه = لها تركيبه ( توليفه - خلطه ) خاصه من ماء الراديتر


الإختلاف في المواد اللي تكون في ماء الراديتر وليس الإختلاف فقط باللون

أي سياره لازم تستخدم ماء الراديتر المناسب لها ؛ لأنك إذا استخدمت شيء غير مناسب راح يسبب تآكل ( مسارات الماء بالمكينه + الراديتر + بلف الحراره + ريش طرمبة الماء + ويقطّع ربل وصوف طرمبة الماء يعني يسبب تهريب )


ماء راديتر هوندا Type 2 الأزرق عمره طويل ويدوم لمدة 10 سنوات أو 200 ألف كم ( أيهما أسبق )
ثم بعد 10 سنوات أو 200 ألف كم :
تصير تغيره كل 5 سنوات أو 100 ألف كم
^ المصدر : كتالوج السياره ^

نصيحه : لا تغيره قبل المده هذي .. لأنك ما راح تلقى ماء الراديتر الأزرق Type 2

وعند التغيير تحتاج جالونين
لأن ( ماء راديتر هوندا وتويوتا وميتسوبيشي و الخ ... كلها تجي مخلوطه وجاهزه للتعبئه ومكتوب عليها لا تضيف ماء )


لكن انت اذا نقص عندك ماء الراديتر زده ماء مقطر
لأن كميه بسيطه ما راح تضر أبداً .. لكن لو الكميه كبيره جدا يعني 4 علب ماء مقطر .. بتأثر على نسبة سائل التبريد وعلى الحمايه من الصدأ والخ...

واذا عبيت أخضر مع الأزرق .. راح يقل عمر وفعالية ماء الراديتر الأزرق


ماء راديتر تويوتا = مصنوع في السعوديه ولا أثق بجودته لأني زي ما أحنا عارفين كلنا نصب وغش عبداللطيف جميل
يجي بنسبة 50% سائل تبريد ومانع صدأ و 50% ماء مقطر

ماء راديتر ميتسوبيشي ياباني = ما أدري اذا مناسب أو لا .. لأنهم ما كتبوا على العلبه مواصفاته
يجي بنسبة 30% سائل تبريد ومانع صدأ و 50% ماء مقطر


أنا بغير ماء الراديتر ومحتار ما أدري وش أعبي ؛ سيارتي ماشية 200 ألف

وكنت أستخدم أسي ديلكو البرتقالي DEX-COOL أغلى من الأخضر .. مشتريه من مركز صيانه اسي ديلكو ؛ وبعد 3 سنوات تقريبا من الإستخدام أشوف فيه شوائب كثيره بماء الراديتر





وهذا الغطاء بعد التنظيف من الشوائب والأوساخ






أخوي سيارته تويوتا ومشتري كم جالون ماء راديتر تويوتا المصنوع بالسعوديه من موزع قطع غيار تويوتا الجالون الواحد بعد الخصم بـ 40 ريال ؛ وقلت بحط لكم الصور للفائده

اخوي انا معي هوندا 2013 نفس طريقتك كان ناقص العلبه حقت الرديتر رحت واشتريت ماء مقطر وغلقت الماء شوي حتى وصل. كتبه ماكس ... والحين الأمور تمام

المشاركة الأصلية كتبت بواسطة سبحان الله 100

THE SILVER ACCORD ماشاء الله عليك دائماَ استفيد من ردودك ومواضيعك لانك توصل الفكرة بشكل واضح الله يعطيك العافية بزود ماء مقطر الين ما نلقى حل مع هذا الوكيل
انا عندي من المصنع جات ناقصه ما ادري ليش حتى موية المساحات كانت ناقصة كثير وزيت الفرامل كان ناقص شوي اتوقع المصنع ينقصها عشان الشحن والتخزين
انت مع صيانة 1000 او 5000 خلهم يشيكون عليها وخلك واقف على روسهم اقسم بالله افشل صيانة شفتها بحياتي يعني لا تتوقع يشيكون على شي بدون ما تقولهم
تخيل جلست استهبل عليهم قلت شيك على زيت الدركسون جلس يطالع يمين يسار ههههههههه في الاخير وبعد ما سأل الي جنبه قال هذي شكلها كهرباء ... الله الله على الاستنتاج :d
انا غسلت يدي منهم ومن صيانتهم
مشكورين

هههههههه لاماعليك صيانة الوكالات عارفلهم يشيك على الشي الظاهر له او يركزون على خراب يتكرر بالسيارات اللي تجيهم @ احب اضيف شي لاتحط اي زيت غير زيت الوكاله لأني عرف من تجربتي بالسيارات هوندا ماتعيش الا بزيتها ان كان مكينه او قير او دركسون او فرامل،،،،، تحياتي لك