مشكلة في قير الاكورد v6 2007 فزعتكم شباب

[محمد جابر]

السلام عليكم و رحمة الله وبركاته

تقبل الله طاعاتكم , انا سبق وكتبت عن مشكلة بقير السياره قبل سنه تقريباً و ياريت ان المشكله السابقه ظلت على ماهي عليه :d

اللي حاب يدخل بزبدة الموضوع يقرأ الموضوع من اللون الأحمر :d

الواحد ما يحس بقيمة الشيء إلا لما يفقده أو يطيح بشي أعظم منه , الحمدلله على كل حال

انا شريت سياره اكورد 2007 سته سلندر قبل سنه و اكتشفت ان راعيها مبدل لها زيت قير غير عن الوكاله , وحسب كلامي مع اكثر من صاحب ورشه قال ان قير الاكورد حساس ولا تفكر تحط له زيت غير عن زيت الوكاله ,

المهم انا فرحان بالسياره و قلت الا اعتني فيها :( بدلت زيت المكينه و غيرت كذا قطعه استهلاكيه و بدت فرحتي بالسياره تنسرق بعد ما عرفت بسالفة زيت القير :(

بعد مشاورات و تردد قررت إني اشفط الزيت الموجود خاصه إنه ما كان وصخ و أبدله بزيت الوكاله الأصلي , كان في خيار إني أرفع القير ويعملوا له تنظيف كامل من الزيت القديم ويركبوا زيت الوكاله وهذي الشغله كانت مكلفه و السياره توي ماخذها و ما طاوعني قلبي اسويها , يمكن لو سويتها كان خيره بس مانقول الا هذي كتبة الله

الزبده بعد ما شفطت الزيت و ركبت زيت الوكاله مشيت عليه مسافه معقوله بس أقل من المسافه الموصاه 30-40 الف و من باب الحرص غيرت الزيت مره ثانية بزيت وكاله و مشت السياره عليها 11 ألف تقريباً و فجأة شفت القير ينتع بالقوه و الريس يرتفع و السياره مثل اللي تنزل بلأرض ترجع لورا وتنط قدام

رحت ورشة شيك على زيت القير ولقاه مره منتهي و اسوود مع إن مثل ما ذكرت ما مشت السياره عليه الا 11 ألف تقريباً وانا مو راعي قومات او شي , صاحب الورشه خله الزيت ينزل على راحته و ركب زيت وكاله اصلي و قال ان شاء الله امورك تضبط والا مالك الا توظيب ؟

طيب يا ابن الحلال شيك على شي ثاني على طول تروح لآخر الحلول , قال معروف هذا اذا رجعت المشكله توظيب

طبعاً انا ما قتنعت قلت اذا فعلاً يحتاج لها توظيب ما راح استعجل و راح اجرب كذا خطوه يمكن الله يفرجها ولا اضطر للتوظيب

المهم اول ما بدل الزيت السياره رجعت زي الفل ولا كأن كان فيها أي شي , بعدها بيوم ردت المشكله و وديتها لورشه ثانيه و قال توظيب بس عندي لك طريقه يمكن تنفع

و هي نخلي الزيت ينزل على راحته و نضرب لك هوا بالفلاتر عشان يتنظف اذا في رواسب بالقير و جيب لي درزن علب زيت بس مو وكاله المهم نوعيه جيده ونعبي لك الزيت 3 علب و نحرك السياره شوي و نمشي عليها و نرد ننزل هالعلب ونعبي 3 و خذها كذا يوم عندك و ارجع ننزل الزيت ونركب لك العلب الباقي و هكذا لين ما يصفى القير من الرواسب لان يقول فيه اوساخ واجد

المهم اخذت السياره منه و نفس الحاله السياره ميه بالميه سليمه و القير حلو و ارص السياره وتعشق عدل و بعدها بكذا مشوار بنفس اليوم رجعت المشكله وهي ثقل بالتعشيق و السياره مثل اللي ترجع لورا وتنط و احياناً يطلع صوت مع التبديله وكنه شخص ثاني يدوس بنزين عنك و لما احطه على R يعلق شوي ثواني و بعدين يستجيب ويرجع لورا , بس السياره تمشي و تروح وتجي عادي اللهم التبديلات صعبه

فحبيت اطرح الموضوع لتفادي الوقوع بمثل هذه المشكله اذا صادفت ولقيت زيت القير مو اصلي تشاور كثير وشوف الخيار الانسب

و بنفس الوقت يا شباب اللي واجه مشكله شبيهة للمشكله هذي او عنده أي رأي او اقتراح او يعرف سبب مثل هالمشكله يتفضل و يشور علي و ياريت يكون عن واقع خبره او تجربه لان ما ودي اجرب طرق كثيره و اصرف فلوس على الفاضي ومن ثم ارجع للتوظيب و تزيد الخساير

و نصيييييحه اذا نويت تشتري هوندا مستخدمه شيك على زيت القير اذا مو وكاله او القير فيه أي علامه غير طبيعيه اقول لك ريح راسك والسيارات كثيره و ان شاء الله تلاقي لك احسن من هالسياره ولا توهق عمرك وتحط فلوسك في سياره تتحمل فيها اغلاط و سوء استخدام غيرك

[S c O r P i O n]

السلام عليكم
الحقيقه قرأت الموضوع ومااقول الا كان الله في عونك
انا مره من المرات وظبت القير كان السبب دخول الماء لسناسر القير
ولاكن تعلمت شي انه القير لونتع عليك او تاخر بالتبديل او انجن
موشرط يكون القير يمكن تكون حساسات القير وهي فوق الخمس حساسات لو يخرب عليك حساس واحد يسبب هذي المشكله
خلنا نتكلم بشكل علمي ومنطفي انت الان تقول عبيت زيت ومشيت في السياره تمام وعلى حسب كلام انه في اخر اليوم يرجع القير ينتع
لوالقير فيه شي وخلل ميكانيكي حتى لوتبدل الزيت وتحرك السياره تظل نفس المشكله لاكن اعتقد والله اعلم يمكن عندك مشكله كهربائيه هي اللي تسبب هذي الامور
والحل بسيط مالك بالطويله تروح محل فحص وتخليه يفحص كمبيوتر السياره وراح يعطيك كودات اذا كان فيه خلل بالسناسر او الدائره الكهربائيه وبالتفصيل
لاكن قبل لاتفحص تاكد انه الكمبيوتر اللي عندهم متوافق مع سيارتك ولوتفحص بالوكاله افضل لأني انا مره تمرمطت في الكراجات مريت 20 كراج واخر شي رحت الوكاله اللي بخريص وعطوني المشكله بالظبط
وطلعت من سناسر القير وسنسر خريطه القير وقالولي لومامشيت 3 ايام متواصله ماكنت وظبت القير
وشوف شنو يصير معاك وعلمنا
موفق

[محمد جابر]

السلام عليكم
الحقيقه قرأت الموضوع ومااقول الا كان الله في عونك
انا مره من المرات وظبت القير كان السبب دخول الماء لسناسر القير
ولاكن تعلمت شي انه القير لونتع عليك او تاخر بالتبديل او انجن
موشرط يكون القير يمكن تكون حساسات القير وهي فوق الخمس حساسات لو يخرب عليك حساس واحد يسبب هذي المشكله
خلنا نتكلم بشكل علمي ومنطفي انت الان تقول عبيت زيت ومشيت في السياره تمام وعلى حسب كلام انه في اخر اليوم يرجع القير ينتع
لوالقير فيه شي وخلل ميكانيكي حتى لوتبدل الزيت وتحرك السياره تظل نفس المشكله لاكن اعتقد والله اعلم يمكن عندك مشكله كهربائيه هي اللي تسبب هذي الامور
والحل بسيط مالك بالطويله تروح محل فحص وتخليه يفحص كمبيوتر السياره وراح يعطيك كودات اذا كان فيه خلل بالسناسر او الدائره الكهربائيه وبالتفصيل
لاكن قبل لاتفحص تاكد انه الكمبيوتر اللي عندهم متوافق مع سيارتك ولوتفحص بالوكاله افضل لأني انا مره تمرمطت في الكراجات مريت 20 كراج واخر شي رحت الوكاله اللي بخريص وعطوني المشكله بالظبط
وطلعت من سناسر القير وسنسر خريطه القير وقالولي لومامشيت 3 ايام متواصله ماكنت وظبت القير
وشوف شنو يصير معاك وعلمنا
موفق

عليكم السلام و رحمة الله و بركاته
الله يكون بعون الجميع أخي الفاضل ,,

مثل ما تفضلت عزيزي , أنا أوكي ما عندي خبره كافيه بس منطقياً ما أشوف إن صاحب الورشه يقدر يحكم على السياره بالتوظيب بمجرد وصفي له !! خصوصاً إن المشكله تختفي

و أزيدك من الشعر بيت مثل ما يقولوا , بعد ما بدلت زيت آخر مره بتاع التنظيف مشيت على السياره و رجعت المشكله بشكل أخف لكن من طفيت السياره وشغلتها بعدين المشكله اختفت بنسبة 90%
انا راح اكمل سالفة التنظيف هذي و أشوف اللي يصير , بس بما إنك شرت علي بالوكاله أتوقع أروح قبل لا أكون في شي و أصير في شي ثاني و يمكن اذا فحصت يطلع شي أخف من التوظيب و ألحق عليه

الله يعطيك العافيه اخوي على الإفاده و ياريت لو تذكر كم أخذوا الوكاله على الفحص تخبرني و إن شاء الله أي شي جديد بالموضوع أطرح رد هنا وممكن يفيد أي شخص مستقبلاً يبحث عن مثل هالمشكله

تحياتي