بيكربونات الصوديوم Sodium bicarbonate
أشتر اللي مكتوب عليه نقي Pure .. يعني فقط بيكربونات الصوديوم بدون إضافة مواد أخرى
لو تلاحظ الأجانب بطريقة تنظيفهم لأصابع البطاريه دائما يستخدمون baking soda صودا الخبز .. وهو أسم من أسماء بيكربونات الصوديوم
http://en.wikipedia.org/wiki/Sodium_bicarbonate
ترى يختلف إختلاف كلي عن الباكنج بودر < الباكنج بودر ما ينفع للتنظيف .. ينفع فقط للطبخ
ميزة بيكربونات الصوديوم أنه فعال وسريع لإزالة الأملاح والأكسده والخ... اللي تكون على أصابع البطاريهوتنظيفه ممتاز جدا
حتى بكتالوج السياره
^ ترى الطريقة هذي للأربعه والسته سلندر .. ولكل السيارات
لكن كلمة ( 4 سلندر و 6 سلندر ) كانت فقط عن مكان عدسة البطارية ( البطاريات الإلكترونيه )
وهذي طريقة برمجة قزاز الكهرب ( خاصية الـ AUTO )
سهله جدا
1) شغل السياره .
2) افتح القزازه بالكامل .
3) سكر القزازه بالكامل وخلك مستمر رافع الزر كأن القزازه ما تسكرت لسى .. لمدة ثانيتين أو أكثر شوي .
4) تمت البرمجه
بقولك طريقتي في تنظيف أصابع البطاريه
الأدوات :
بيكربونات الصوديوم + ماء دافي أو حار شوي + فرشة أسنان قديمه
الخطوات :
1) إزالة الشحم قدر الإمكان إذا كان فيه شحم على أصابع البطاريه .. بـ مناديل .
* اذا ما شلت الشحم راح يوسخ الفرشه وراح يتعبك بالتنظيف و ممكن التنظيف ما يكون ممتاز
2) تحط بيكربونات الصوديوم مع شوي ماء دافي أو حار شوي .. وراح يكون عندك معجون خفيف أو محلول .. ثم حطه على أصابع البطاريه والأسلاك وخله شوي ثم كرر الطريقه ولكن مع إستخدام فرشة الأسنان ( غطسها بمحلول بيكربونات الصوديوم ثم أفرك الأصابع والأسلاك ) .
3) بعد ما تنتهي من التنظيف بالكامل .. اغسلها بماء مقطر .. ونشفها بمناديل نظيفه
وأتركها تنشف شوي
ثم أركب الأسلاك بالبطاريه وأشدها مضبوط
4) أرشها ببخاخ خاص لحماية أصابع البطاريه ( شريته من ساكو ) لكن أحذر تقربه من الحراره أو النار ممكن يشتعل
اذا جيت تحطه على بطارية السياره تأكد أن السياره بارده
العفو يالغالي واتمنى اني افدتك
scotty kilmer مع أنه كبير وشايب لكن فله ههههههههههههه :d
و ميكانيكي من 45 سنه يعني خبره
ولا يهون الخبير Eric بصراحه أستفد كثير منه ؛ وميزته فيديوهاته طويله ويوضح طريقة التصليح بالضبط وفيها معلومات مفيده
ملاحظه :
بعد فصل البطاريه راح تحتاج برمجة للسياره
http://www.hondaarabia.com/club/t30338/
http://flashprotuning.com/blogs/vitv...earn-procedure
فيه واحد أجنبي يقول جرب طريقه وحس بفرق بإستجابة المحرك يعني قصده مثلا تدعس بنزين تفز أسرع
http://www.civicforums.com/forums/po...09-post12.html
وطريقته :
1) يشيل فيوز FI-ECU fuse لمدة 20 ثانيه .. ثم يركبه
2) يشغل السياره ويثبت الـ RPM على 3000 لمدة 3 دقائق .
3) ثم يخليها شغاله بدون دعس ولا أي شيء لمدة 3 دقائق .
^
الطرق هذي كلها ما جربتها .. لكن المره الجايه عند تنظيف أصابع البطاريه بجربها إن شاء الله
انا الطريقه اللي كنت استخدمها
أحمي السياره ثم أمشي وراح تطفى السياره كل ما هديت عند مطب أو إشاره
لكن امشي عليها شوي ثم أوقف و افتح غطاء التانكي ؛ واسكره
وأمشي عليها ثم اوقف وافتح غطاء التانكي
.. اذا طلع هواء بعد فك غطاء التانكي .. معناتها ضبطت وصارت السياره ما تطفى
ما أدري وش سبب الهواء بتانكي سيارتي .. تصير فقط اذا فصلت البطاريه وتروح بعد فتح غطاء التانكي .. وما أحتاج أفتح غطاء التانكي إلا فقط عند فصل البطاريه .. أفتح الغطاء ويطلع الهواء وبعدها تضبط وانسى شيء اسمه غطاء
مواقع النشر (المفضلة)