السلام عليكم ورحمـة الله وبركاتـه
يا أخوان أنا اشتريت السيارة وما شغلت المكيف الا يوم خلصت تمرينها لما تعديت الـ 1008 كيلو
شغلت المكيف على سرعة 80 تقريبا وحسيت بنتعـه خفيفة مدري إذا هي طبيعيـه ولا لا
وكل ما امشي بالسيارة أشغل المكيف تجي النتعـه ، بس خفيفة مره
------------------------------------
وفيـه عندي إستفسار في ثلاثة أزرار
تحت الدركسن على اليسار
واحد منها أعرفـه الي هو مانع الإنزلاق والثاني حرف p ما عرفتله حق إيش هو والزر الثالث
-------------------------------------
ويعطيكم العافية
ي الغالي خطر جداً جداً انك تشغل المكيف و السيارة تمشي فوق الـ 40-20 ..
كذا راح تلحق أضرار ب السيور و السيارة .. و السيارة جديدة حرام ..
ب النسبة للازرار
- زر مانع انزلاق ..
- زر تشغيل أو إطفاء الحساسات الخلفية ..
- الزر الأخضر ( زر توفير البنزين ) ..
نصيحة لوجه الله لا تشغل المكيف و السيارة تمشي ..
كلام اخوي محمد صحيح 100 بل 100
^
وي وي والله لو دريت وأنا أخوك ما شغلتها وهي تمشي معلومـه جديدة :(
للحين شغلت المكيف والسيارة ماشيـه 3 مرات إن شاء الله ما تضرها
يعطيك العافية أخوي
................
مبروك اخوي وتتهنى فيها يارب ..
بالنسبة للمكيف , فخذها قاعدة في اي سيارة أنك اذا تبي تشغل المكيف لازم توقف السيارة او تكون السيارة تمشي بسرعة تحت الـ40 كم/س ..
واما اذا تبي تطفيه , فعادي في اي وقت طفيه حتى لو ماشي 200 ..
والازرار فادوك فيها الشباب ..
ويا ليت تقرون يا اخوان الكتيب اللي يجي في درج السيارة ..
راح تستفيدون منه كثييير ..
المشاركة الأصلية كتبت بواسطة iMu7ammed
هذي في السيارات القديمه والله اعلم
انا سيارتي ماشيه 400 الف الا شوي
واشغل المكيف على سرعات عاليه احيانا ولاعمره انقطع السير ولاصارت مشكله بالسياره ولله الحمد
يعني عادي ماله داعي التهوويل بالموضوع افتح الكتلوج وطلعلي هذا التحذير
هذي حركه مرات اسويها
اذا كنت على سرعات عاليه
تخلي الجير على الn لين تشوف الضغط ينزل على الواحد وتشغل المكيف ومافيه اي ضرر انشاء الله
والتوفيق للجميع
لا ما ينفع تشغل المكيف على سرعات عالية و بالنسبة للنتعة انا معي اكورد 13 كانت كل ما يفصل او يشتغل الكمبروسر تنتع و الحين اختفت الحمدلله
هذي نفس الحركه الي اسويها
وياما سويتها وع سرعات مختلفه وطريق الرياض الدمام خير شاهد
كلام الاخوان سليم وقريت كتيب الوكالة مكتوب فيه هذا الكلام ومكتوب تشغيل المكيف فقط عند التوقف التام ... . بهذه العبارة مكتوب
واعرف واحد من زملاي شغل المكيف والسيارة تمشي وانقطع السير في وقتها وسخنت السيارة وشالها بسطحه وهذا العلم الوكاد وما عليك من الي يقول اشغله وما عمره صار شي
ضوابط المشاركة
رد مع اقتباس
مواقع النشر (المفضلة)