الموضوع: تقطيع وتفتفه خفيفه وحتى الوكاله ما عرفو يحلونها

المشاركة الأصلية كتبت بواسطة أبو سلمان

السلام عليكم ورحمة الله وبركاته .... عندي مشكله في سيارتي اكورد 2006 ولا لقيت لها حل حتى الوكاله ما عرفو يحلونها والسياره على يدي من الوكاله ومحافظ عليها ودائما اسوي لها صيانه في الوكاله,,,, والمشكله هي ان السياره لما ادعس بنزين دعسه خفيفه او اكون ماشي بسرعه ثابته تبدا التفتفه والتقطيع في بعض الاحيان وتكون بشكل خفيف بس اني ملاحظ ان كل ماله يزيد وفي نفس الوقت عداد ظغط المكينه يطلع وينزل بشكل خفيف والمشكله هذي ما تجي الا لما اكون ماشي ولا تصير معي لما تكون السياره واقفه مع العلم اني مغير فلر البنزين والبواجي ومنظف الثروتل وطقم الكراسي كامله ومشيكين الوكاله على الكويلات وطلعت سليمه وسبق اني عمل لها تنظيف بخاخات والوكاله بنفسهم ما عرفو لها وقالو انه احتمال من القير لان له عمر افتراضي والسياره ماشيه حوالي 240 الف مع اني ماني مقتنع من كلامهم لان فيه سيارات ماشيه اكثر ولا فيها هالمشكله خاصه اني محافظ وزيت القير ما يتعدى 40 الف وحتى فلتر القير مغيره,,,, فزعتكم يا شباب ودي نلقى لها حل تكفون والله خسرت واجد عليها ونفسي ادفع الي خسرته مره ثانيه بس الاقي حل لهالمشكله وتقبلو تحياتي وانتظر ردودكم

أهلين أبو سلمان . تأكد من وزنية البلوف .. يجون الشباب يفيدونك أكثر أاا

هلابك زود .... نسيت اذكر اني في اخر زياره للوكاله سويت وزن للبلوف ومع ذلك نفس المشكله لا زالت وانا اخواك ومشكور على مرورك

من كلامك اتضح ان المشكله ماهي ميكانيكيه من تغيير فلتر البنزين وتنظيف البخاخات ووزن بلوف
المشكله عندك كهربائيه واحتمال حساس الثروتل
وفي حاجه اخرى بالكفرات الخلفيه من داخل فيه توصيلات حاول تفحصها لان ممكن تسبب التفتفه ..

لو المشكله في الثروتل كان جات التفتفه والسياره واقفه لكن التفتفه ما تجي الا لما ادعس البنزين بشويش ولما ادعس جامد او ارفع رجلي ما تجيها التفتفه.... والوكاله بنفسهم ما قالو ان الثروتل فيه شي عشان كذا انا عجزت الاقي لها حل

يالغالي جرب تعبي بنزين 95 لمده 15 يوم بشرط من محطه الدريس لانه بترولهم نظفيف اما غيره من المحطات تسبب مشاكل
كانت عندي تفتفته وكذا وغيرت صفايه البنزين ولا فاد ونصحني واحد انه اعبي 95 ومن محطه الدريس فقط لمده 15-20 يوم وانحلت المشكله
جرب .. سويت كل الي عليك باقي هالحل
وشكرا