الموضوع: أتمنى مساعدتكم يا أعضاء المنتدى برجة أسفل السيارة

أخوي موهيا

أولا / الله يبارك فيك دنيا وآخرة , وشكرا لك على الدعوة

ثانيا / صدقني يا قلبي , أنا ما أخذت بكلام اللي في الغرابي لأنه أنا متأكد بإنه في كثير منهم يجهل المشكلة الحقيقية وكثير منهم كلامهم عبارة عن افتراضات وتخمين , ولكن الوسوسة دخلت راسي وأعوذ بالله من الوسوسة .

ثالثا / بالنسبة لتغيير الكفرات بحرف الإكس , لما سويت الترصيص العادي لأول مرة عند المحل التابع لوكالة ميشلان , غير مواقع الكفرات مثل ما قلت وبالفعل ارتحت على هالشي , ولكن أمس لما شرحت له السالفة بشكل مفصل استغرب الموضوع وقال لي أخاف نسويلك مثل المرة الأولى وبعد أيام بسيطة ترجع المشكلة في الرجة لذلك ما نبغى نخسرك مبلغ وما تستفيد في النهاية , ولذلك حاول تحل المشكلة بشكل جذري .

وأنا بصراحة في حيرة من أمري , إما إني أروح وأسوي ترصيص عادي وأخليه يغير لي موقع الكفرات وأشوف وش يصير , أو إني أنتظر على وضع السيارة لحد ما ألاقي لي حل رغم إنه اللي حاصل معاي مكرهني السواقة كلها وخصوصا بإنه دوامي بعيد عن بيتي .

في النهاية شاكر لك عزيزي على ردك والله يوفقك دنيا وآخرة .

وأنتظر ردود أخرى من أهل الخبرة

اول شي مبرووك عليك الموتر

الله يعطيك من خيره ويكفيك شره

بما ان سيارتك على الضمان وتوها مامشت الا 16 الف راجع الوكاله وانشب لهم ولاتطلع من الوكاله الا هم حالين الموضوع لك والله الوكاله ماينفع معهم الا العين الحمراء

المشكله بسيطه هي من نوع الترصيص اذا الجنط 17 كروم افضل ترصيص له لزق داخل الجنط نوع الماني الصنع روح محل برجستون ورصص عندهم تحصل طلبك

وخله ينظف محل الاول بتحصله داخل الجنط وراح تدعي لي

على فكره الترصيص الارضي الي 110 حده لسرعه



شف الصوره هذا ماينفع بريال فتره وترجع ترج طبعا للكروم او ينفك




شاهد الصوره الثانيه هذا الافضل للكروم





اهم شي يفك وينظف محله ويلزق صح داخل الجنط وراح تلاحظ فرق

أخوي ملك

أولا / الله يبارك فيك دنيا وآخرة ، وشكرا لك على الدعوة .

ثانيا / قسما بالله العظيم ، قسما بالله العظيم ، ما شفت أسوأ من وكالة عبدالله هاشم في حياتي كلها لأنها وكالة سيئة بكل المقاييس .

من يوم ما طلعت السيارة وأنا أعاني من مشاكل كثيرة ، صوت طقة في كرسي السائق لما أجلس عليه - صوت ديكور مسجل - صوت مخيف جداً بخلفية السيارة - رجة عجيبة بالسيارة - تنسيم هوا من عند السائق فقع راسي منه - صوت بالسيارة من الأسفل لما أحرك الدركسيون يسار أو يمين وهي واقفة تحس في حديد قاعد يتكسر وغير الأصوات الغريبة ، ومع ذلك رحت لهم مليون مرة علشان هالمشاكل ومع ذلك لا حياة لمن تنادي لحد إني طفشت منهم وصار عندي قناعة بإنه /

وكالة عبدالله هاشم ما عندها مهندسين فنيين ولكن عندها مجموعة ( سباكين ) قاعدين يتعلمون على السيارات لأنه أسوأ من كذا صيانة ما شفتها بحياتي .

اللي يزعلك تدفع 100000 في سيارة وفي عندك وكالة ما تحس بهالشي ، الله لا يرزقهم ولا يوفقهم لا دنيا ولا آخرة ، وبإذن الواحد القهار إني أسمع خبر إفلاس هالوكالة .

أخوي القايلة /

والله سويت مثل ما قلت لي ، رحت لمركز بيريللي في غرابي وطلبت منه ترصيص أرضي وقال لي في عندي ترصيص صيني ما عليه ضمان وترصيص ألماني عليه ضمان شهر ، قلت له أبغى الترصيص الألماني ، وبالفعل حط لي نفس اللزقات اللي إنت موضحها بالصورة الثانية ولكن الرجة ما راحت ، ورجعت لهم بعد أسبوع وبالفعل فك السابقات ونظف مكان اللزقات وحط لي لزقات جديدة ورصص لي من جديد ، والوضع ما تغير أبدا مثل ما هو ، ما أدري العيب في ترصيصهم ولا في سيارتي ؟ وتعجبت من الموضوع وصرت ماني عارف إيش أسوي ؟ هل لو غيرت كفرات برتاح من المشكلة ولا بتظل المشكلة مثل ما هي وتظهر لي مشكلة ثانية ؟

صار عندي قناعة بإني أروح لمركز العضيب وأخليه يشيك على عكوس وكفرات وجنوط السيارة لعلى وعسى يكتشف شي وإن شاء الله ما يكون فيها إلا ترصيص أو كفرات وتكون العكوس سليمة ، لأنه لو دخلنا في سالفة عكوس فهذي مصيبة ولكن إن شاء الرحمن ما تكون هي .

في النهاية شكرًا لك أخوي على ردك

معليش أخوي القايلة بسألك سؤال /

الأرقام اللي موجودة على اللزقات اللي إنت حاطها بالصورة الثانية ، هل لها معنى ولا لأ ؟ لأنه أنا حاط نفس اللزقات بس ما أدري هل نفس الأرقام ولا تختلف .

إذا كانت الأرقام هذي تعني شيء يا ريت توضحها لي إذا عندك علم ؟ وأكون شاكر وممنون لك .

صديقي أكورد سبورت /


في ناس قالت لي ها الكلام وما صدقتها بسبب إنه سيارتي جديدة والحمدلله ممشاي هادي ومحترم لأبعد حد ، ولكن بما إنك جبت طاري هالشي فأنا بسمع نصيحتك وأروح أكشف على الأذرعة كلها بإذن الله ، ولكن سؤالي لك هل تعرف مركز ممتاز ومختص بهالشي ؟ إذا بتدلني بكون شاكر وممنون لك .




شكرا لك على ردك يا الغالي .

المشاركة الأصلية كتبت بواسطة فهد أكرم

معليش أخوي القايلة بسألك سؤال /

الأرقام اللي موجودة على اللزقات اللي إنت حاطها بالصورة الثانية ، هل لها معنى ولا لأ ؟ لأنه أنا حاط نفس اللزقات بس ما أدري هل نفس الأرقام ولا تختلف .

إذا كانت الأرقام هذي تعني شيء يا ريت توضحها لي إذا عندك علم ؟ وأكون شاكر وممنون لك .

الارقام الي انا حاطها مالها دخل مجرد شكل توضيحي


لاكن بقولك شي دامك صلحت الترصيص الي قلت لك معناته لازم تغير كفرات (سوء تخزين) راجع الوكاله يعطونك ورقه تروح تغيركفرات عند الوكيل على الضمان


وبالتوفيق ومتابع لموضوعك

ياغالي شكل المشكله عندك بالاذرعه قاعده تاكل الكفرات بشكل غير متساوي

سو كشف بالليزر على الاذرعه الاماميه والخلفيه وشوف وش يطلع معاك