اخوي انتبه لا تستعجل وتوظب بسرعة .... لانه عطل الحساس وعطل الكلتشات قريبه من بعض تحس بنتعه وماتعشق الثاني الا بالقوة
واحيانا بتكون الاعراض نفسه , ولاكن التكلفه فرق كبير التوظيب ب 5500 وشغل الحساسات من 500 الى 2000 في اسواء الاحتمالات
وعشان كذا راكز معايا
قبل ما يخرب القير عندي ويتعطل بشكل كامل جلس سنه والقير ينتع بين الاول والثاني والثالث وماخليت ورشة وكلهم يقولون مافيه شي بس غلطتي ما فحصت كمبيوتر وكانوا يسوقون السيارة ويجرب القير ... يابوية هذا قير هوندا كله حساسات مو وانيت
لازم تفحص الكمبيوتر في افضل مكان في الصناعيه او روح الوكالة يفحصون كمبيوتر
انا قبل ما اوظب القير طلع لي :
clutch 1-2 failer او حاجة زي كذا بس اهم شي كان مكتوب الكلتش من 1-2 متعطل
وبرضوه
solenoid B stack off يعني الحساس B معلق يمكن ما كان خربان بس يوم وظبت ما جابوا طاري الحساسات ليه فتوقعت انها كانت صالحة وبس كانت معلقه مع خراب الكلتش
المهم التوظيب كان اهم شي تغير الكلتشات وفلتر الزيت الداخلي والزيت ووجيه للقير . طبعا 5500 على كلتشات واشياء بسيطة لانها غاليه الكلتش الواحد 90 ريال وعددها اتوقع 24 اذا ما خاب ظني . كنت اظن ان توظيب القير يشمل جميع الاجزاء الداخليه زي التروس مثلا ولكن طلع على اشياء بسيطة . والتروس قوية في الاكورد تدوم عدة قرون
طبعا بعد ما وظبت طلع لي صوت تصفير ورجعتها لهم وفكوا القير على الضمان حقهم مرة ثانيه طلعت البطيخة خربانة وصلحوها على الضمان بعد ما نشبت لهم ويقول انها كلفتهم 1000 .
اخوي انا زودتها وطولتها وهيا قصيرة بس كان هدفي تستفيد من التجارب . القير كان كابوس ليه
مواقع النشر (المفضلة)