وعليكم السلام
عندنا أكورد 2005 يعني ما فيه فرق عن اللي عندك ... ممشى السيارة وقتها 205 الآف كيلو
المهم قبل تقريباً 4 شهور صارت دعسة البنزين ثقيلة جداً يعني كأنك تمشي بالأول وكل يوم أردىء من اللي قبله لدرجة
إن اللي يسوق السياره يقول ما عاد فيها قير أبداً .
رحنا لصناعية الخليج ( بشرق الرياض ) لواحد ميكانيكي متخصص في القير فقط ... وجرب السيارة وعلى طول
قال (( توظيب )) .. قلنا يعني تروس و نحاسات وغيرها ، وبما إنه أمين ( ونحسبه عند الله كذلك ) قال لا التروس
إن شاء الله سليمه فقط ( كلتشات و إصلاح بلف القير ، وتنظيف الطنجرة أو اللي يسمونها ( البطيخه ) ، وتشييك كامل
على باقي أجزاء القير من حساسات ، و وجيه .... ألـخ ) .
قلنا على بركة الله قير نوظبه أحسن من نشتري واحد ما ندري وش في بطنه ، وقال شغل اليد مع قطع الغيار 4500 ريال
وبعد المكاسر وصلنا لسعر 4200 ريال شامل كل شيء + زيت هوندا الأصلي 7 أو 8 علب .
وعطانا ضمان لمدة ( 3 شهور ) ، وهالحين تقريباً لها 4 شهور أو أكثر ماشيه تمام التمام الحمد لله .
الخلاصه أنت في خيارين إما التوظيب أو تغيير قير مستعمل بس أحرص على إنه يكون نظيف .
وهذا رابط موضوع لي من فترة بسيطة يخص المكينه ... طبعاً ما له علاقة بالقير لكن
علشان تأخذ أنت والأخــــوان فكره عن عدم الاستعجال ..
http://www.hondaarabia.com/club/t59780/
وسلامتك .
مواقع النشر (المفضلة)