اليوم وديتها لفرع الصيانة بكيلو 10 و طلبت من الاستقبال رقم لقسم السمكرة. طبعا ما ذكرت له شيء عن الخلل الصناعي بس قلت له في صوت بالديكور الخلفي بالسيارة و السيارة تحت الضمان و ما خلص. تفاجأت لما قالي انه عادي مجرد خلل مصتعي بالشنطة و موجود بالكوبيه الجديدة حتى ال2013. و زي ما كان موجود بملف الpdf اللي أرفقته (أول رابط) قال لي انه الصوت سببه القطع الحديدية المتلاحمة الموجودة بالشنطة لما تحتك تطلع الصوت اللي سمعته.

طبعا شيك عالسيارة و سوى ورقة فحص للسيارة و قالي حتاخذ يومين عشان نحل لك المشكلة و تستلمها عالسبت إن شاء الله.

احبيت أشاركم بهذي التجربة و ان شاء الله تكون مفيدة لملاك الكوبيه اللي بيشتكوا من صوت الديكور الخلفي.