الموضوع: أبغى اشتري اكورد 2007 لكن !! محتاج خبرتكم عشاق الاكورد

أخوي عزاه و أخوي المسافر الله يعطيكم العافية على التجاوب الطيب

و بالنسبة لأخوي المسافر

سعرها رخيص مقارنة بموديلها 2007 حصلتها بـ 20000 ألف ريال و على الفحص و يتحمله صاحبها

يعني لو بحط عليها 2000 ولا 3000 ألاف ريال بضبطها لكن لمبة التشيك والعة ما أدري ليه يمكن من الرجفة او شيء ثانياو كراسي المكينة لكن يبين بالفحص

و أنت تنصحني فيها بصراحة سعرها مغري و على الفحص يعني شاص و قير و ماكينة أبي رايك ..


و ممشاها 235000 ألف كيلو

انتظرك لإني بتواجه مع الرجال اليوم بالليل



:: :: ::

و لقيت اكورد 2006 على الفحص بدي وكالة لون لؤلؤي لكن الكبوت فيه دقة ورشه كامل و ماشية 400000 ألف كيلو

حادها بـ 24500 ألف

احس ممشاها مخرب عليها

أبي رايك بالاثنين بالممشى و الموديل و السعر

انتظرك أخوي المسافر

و اللي عندهـ تعليق أو معلومة أتمنى يفيدني

في انتظاركم

خلاصة الموضوع اخوي السيارة بصراحة سعرها مغري وانا لو مكانك بفكر فيها بجدية;);)

بس علشان تريح دماغك من كل الكلام خذها التوكيل وقلهم ابي اسوي صيانة دورية بياخذون منك السيارة وما بيخلون فيها شي الا ويقلون لك عليه وبعدها قرر انت اذا كنت بتصلح عندهم ولا برا بس الصيانه بتكلفك حوالي 700الى 800 ريال وبيعطوك كل الخرابات تراني شاري سيارة مثلها من اربع شهور وفاحصها وقالو مافيها الا العافية ودخلتها بعد كذا صيانة دورية طلع فيها خرابات تعادل 3000 او اكثر

أخي العزيز :
بالنسبة لمشاكل سيارتك هي تقريبا عيوب في صنع السياره وضعف في هذه القطع وهي كالتلي /

طلوع الايرباق : هذه مشكله كبيره وهي عيب في السياره غير مصنعي ومما يعني ان السياره صادمه بقوه لأن الايرباق ما يطلع الا من حادث خفيف فأنت ما تدري عن قوة الحادث
إلا اذا وراك صورة للحادث وتبين أنه لم يصل للرديتر فهنا أمر آخر .

ثقل الدركسون : هذا عيب من صناعة هوندا وتقريبا 99% من ملاك الاكورد 2003 -2007 عانوا منه . فما تقدر تحكم انه سوء استخدام ولكن تكلفت أصلاحه تقارب 1200

نزول عداد الار بي أم : بسبب كرآسي المكينه . وهو عيب مصنعي في الاكورد ينتج عنه رجه في السياره وهي على D وتزداد الرجه في حالة وجود المكيف شغال .

العكس : سوء استعمال أو مطب وخلافه فشوارعنا جدا نظيفه

عموما كنصيحه عامه طالما قالك الرجال 20 ألف فأبتعد عن السياره هذا مؤشر انها بتتعبك ... لأنه لو محافظ عليها وعارف انها بتخدم ما راح يبيعها بأقل من سعر السوق وخروج الايرباق آمر مخوف .

وآخير اسئل الله ان يكتب لك مافيه الخير .