شباب لو غيرت الاطارات هل راح يروح الصوت؟؟؟

**راعي الهوندا 2006** · 03-11-2007, 12:04 AM

شباب مثل منتو عارفين سيارتي اكورد فل علية اطارات ميشلان فرنسية الاصلية بس و الله مزعجة صوت الشارع و احتكاكهم ف يالشارع كل عندي داخل السيارة . هل اخواني لو لرطب اطارات بريجستوت تورانز يروح الصوت ابي شباب احد مجرد هل في فرق كبير في الصوت او فرق بسيط ما ابي اخسر فلوسي و بعدين مثل المشكلة . ياليت ابي اجابة من عند مجرد الله لا يهينكم اخوكم راعي الهوندا 2006

**ل م س 3 3 4** · 03-11-2007, 12:58 AM

أخوي ،العضـو بيونيك مركب النوعيــه اللي تقول ويمدحها وله موضوع عن البرجيستون

**الهادف** · 03-11-2007, 12:38 PM

المشاركة الأصلية كتبت بواسطة ل م س 3 3 4

أخوي ،العضـو بيونيك مركب النوعيــه اللي تقول ويمدحها وله موضوع عن البرجيستون

الكفرات الي مركبهم B Unique غير عن الي يتكلم عنهم الأخ ..

فيه ثلاث نوعيات مشهورة ..

النوع الأول .. ما اقدراقول عليها اكثر من الي كتبه راعيها ..
http://www.hondaarabia.com/club/thread4892.html

---------------------------------------
النوع الثاني .. نوعية حلوة تتميز بالثبات الحلو ومنع الانزلاق والسعر المناسب .. ما عندي تفاصيل عنها وما جربتها ولكن على حسب المجربين ان يعيبها ازعاجها على الشارع وخشونتها على عيون القطط .. ولو تسأل مجرب يكون احسن ..

--------------------------------------------
النوع الثالث .. ما جربته ولكن المجربن يسمونه الاطار الصامت .. ما اعرف عنه معلومات كثيرة الا سعره المناسب ..

**o-k-r** · 03-11-2007, 01:01 AM

شوف اخوي

اي وكالة تركب حق السيارة كفرات اعرف انها حق 30000ألف وتتغير
بسبب الأصوات

ركب بريجستون ودربك خضر

**راعي الهوندا 2006** · 03-11-2007, 01:03 PM

شباب ابي التورانزو الي مركب يقول لي شنو شافة هل هدوء ملحوظ عن قبل اطارات المشيلان ؟؟؟؟

**BLK** · 03-11-2007, 01:39 PM

بحثت عن تورانزا

ما حصلت إلا مقاس 60/16/225 فقط !!!

و سعره 370 ريال

طبعاً ما انصح بتركيبه لأن الكفر عريض جداً

أما أدرينالين ب 450 ريال

و بوتنزا اظن كنسلوه من السوق ، لكن شفت واحد من الشباب مركب كفرات نفس مقاس الوكالة ب 360 للكفر

أنا مركب توي كفرات فاير ستون

و أكيييييييد هدووووء ملحوظ عن كفرات الوكالة

خصوصاً إذا كان العرض 215

راح تحب سيارتك أكثر

**BLK** · 03-11-2007, 01:44 PM

على فكرة سعر الفاير ستون 350 ريال

و هو أخو البرجستون

و مقاس الكفر حقي 55/16/215

**راعي الهوندا 2006** · 03-11-2007, 02:37 PM

راح تحب سيارتك أكثر

هذي الكلمة عجبتني و الله كرهت الاكورد بسبب الاطارات و ازعاج الشارع الي اسمع داخل السيارة اتمنى و الله احب السيارة و الله حرام توهه جديدة ....

**a_ya7ya** · 03-11-2007, 02:51 PM

السلام عليكم
انا مركب بريجستون بوتنزا جي3
الكفر هذا سبق وذكرت في موضوع سابق انه مررررررررررة ممتاز وثابت جدا على الطريق وفوق هذا مايمسح بسهولة( الا اذا انت راعي تسحيب هدات)... لكن يعيبه انه يابس شوي + صوت بس خفيف مش قوي... انا صارلي الحين سنة وسبع شهور من ركبته وماشي معاي زي الحلاوة.
بالنسبة للأديرنالين اذا حصلته بالسوق فلا تفوته لانه يجمع بين الاداء+والهداوء حسب كلام بريجستون... وهو ىخر ماتوصلت اليه الشركة من تطور.
انا كلمت الوكيل وحصلت مقاس 205/55/16... يفرق الارتفاع عن الوكالة بشيء يسيط كون الوكالة 60.
تحياتي

**B Unique** · 03-11-2007, 03:21 PM

ما شاء الله اشوف الشباب ما قصروا معك واعطوك المفيد

بس احب اقول لك اني جربت التورانزا وبكل صراحة يستاهل لقب الكفر الصامت
اذا كان اكثر شي يهمك الصوت .. ركب التورانزا وادعيلي

;)

صحيح ما جربته الا اسبوع وبعدها غيرته لان المقاس اللي ركبته كان كبير جداً وخلا الاكورد جيب
بس صراحة كان احلى تجربة وتحس انك تمشي على بطانية مو ازفلت << وش رايك بالوصف

**راعي الهوندا 2006** · 03-11-2007, 10:13 PM

الف الف الف شكر ليكم و الله هذ العشم فيكم و الله ما قصرتو بس خلاص بروح اغير الاطارات بركب تورانزو و الله المستعان .....

**Poki** · 05-11-2007, 10:23 AM

سلام يا شباب .. انا عضو جديد ومن محبي هوندا (الاكورد)

بصراحة ما قصرتوا أتحفتونا برأيكم .

أنا عندي نفس المشكلة الصوت يظهر عندي بين 90 كم الى 120 كم بعدها يبدأ يقل الصوت .
صارن الإطارات عندي لمدة سنة ونصف وعملت تغيير بموقع الاطارات قلت عسى أن يقل الصوت ولكن دون جدوى ، مع أنهن ما يعملن أي إهزاز ابداً .

**TAYH** · 05-11-2007, 04:56 PM

يااخوان ياليت تذكرون الصوت اللي يطلع من الكفر

لان عندي صوت يطلع بعد 90 ك ونوع الكفر اللي عندي بوتنزا سبورت

**B Unique** · 05-11-2007, 05:06 PM

يااخوان ياليت تذكرون الصوت اللي يطلع من الكفر

لان عندي صوت يطلع بعد 90 ك ونوع الكفر اللي عندي بوتنزا سبورت

اخوي الصوت اللي عندك سببه الكفرات اللي انت مركبها

مشكلة البوتنزا G3 بعد فترة من استخدامه يبدا يطلع صوت والسبب في النقشة اللي على اطراف الكفر . الفتحات فيها واسعة وهي اللي تخلي الكفر يطلع اصوات وصرير مع السرعة

لكن في البوتنزا ادرينالين الجديد تلافوا المشكلة هذي وصغروا الفتحات اللي كانت تسبب الاصوات في الموديل القديم . وعندك التورانزا بعد فتحات النقشة على اطرافه صغيرة وهذا من الاسباب اللي تعطيه الهدوء اللي يتميز فيه

فهمت علي ولا تبيني اشرح لك بالصور ؟

**TAYH** · 05-11-2007, 05:08 PM

^^^^^^^

مفهوم يالغالي

بس وش تنصحني فيه مع العلم ان الجنوط حقت 2005

**B Unique** · 05-11-2007, 05:14 PM

اذا كنت تهتم بالهدوء كثير ركب التورانزا
واذا كنت تهتم بالاداء والثبات ونقشة الكفر الرياضية ركب البوتنزا ادرينالين الجديد

**ل م س 3 3 4** · 05-11-2007, 06:49 PM

طيب واللي يبغا كفر ممتاز من كل النواحي(ثبات +هدوء)

**B Unique** · 05-11-2007, 07:03 PM

المشاركة الأصلية كتبت بواسطة ل م س 3 3 4

طيب واللي يبغا كفر ممتاز من كل النواحي(ثبات +هدوء)

والله ما ادري وش اقول لك
والمثل يقول : الزين ما يكمل !!

ممكن تركب البوتنزا ادرينالين وتكسب الثبات والهدوء النسبي لكن مو مثل هدوء التورانزا لان التورانزا اصلاً مصمم ليكون هادئ . وبتحصل اعلان عند الوكيل لمقطع من مجلة اجنبية للسيارات يسمونه فيها الكفر الصامت

اما اذا كان فيه شركة توفر لك الثبات والهدوء بمستوى ممتاز وفي كفر واحد .. بصراحة ما ادري
انا افتيك في البريدجيستون لاني مجربه واذا لقيت اللي تبيه عند شركة ثانية عطني خبر

**toOowWwt** · 05-11-2007, 07:37 PM

راعي الهوندا 2006

لو سمحت بعد ما تغير الكفرات وتجرب الجديده اعطينا رأيك ونصيحتك وجزيت خيرا

**أكورد 2.4** · 05-11-2007, 09:59 PM

أنا قبل أسبوع تقريبا غير الكفرات من ميشلان ( وكاله )

إلى تورانزا وقيمته 500 للكفر الواحد ( غالي شوي )

لكن فرق كبيييييير جدا عن قبل والحمد لله

وأقول لصاحب الموضوع توكل وإن شـاء الله الصوت بيروح وعلى ضمانتي

**الهادف** · 05-11-2007, 10:53 PM

المشاركة الأصلية كتبت بواسطة أكورد 2.4

أنا قبل أسبوع تقريبا غير الكفرات من ميشلان ( وكاله )

إلى تورانزا وقيمته 500 للكفر الواحد ( غالي شوي )

لكن فرق كبيييييير جدا عن قبل والحمد لله

وأقول لصاحب الموضوع توكل وإن شـاء الله الصوت بيروح وعلى ضمانتي

وش دعوة 500 ريال .. انا شفته مقاس 205\60\16 بـ 330 .. احس انك اخذته بسعر غالي اخوي ..

**أكورد 2.4** · 06-11-2007, 06:44 PM

المشاركة الأصلية كتبت بواسطة الهادف

وش دعوة 500 ريال .. انا شفته مقاس 205\60\16 بـ 330 .. احس انك اخذته بسعر غالي اخوي ..

يمكن النوع إللي أنا ركبته غالي
أو إن وكيل الـ بريجستون عندنا في الإمارات غالي
أو إنه إنضحك علي للمره الثانيه :d

على فكره هو سعره قبل التخفيض 555 درهم

**أكورد 2.4** · 06-11-2007, 10:11 PM

الهادف

**الهادف** · 07-11-2007, 01:34 PM

المشاركة الأصلية كتبت بواسطة أكورد 2.4

الهادف

بكرة الصباح باروح انا مع بن عمي حق نركب لسيارته كفرات ترنازا بـ 1280 ريال .. بواقع 320 ريال للكفر الواحد ..

سعره في الوكالة بـ 370 يطلع لكل الكفرات بـ 1480 ريال ..

روح اسأل عن سعره اخوي عن الموزعين وشوف كيف ..

**راعي الهوندا 2006** · 05-11-2007, 10:32 PM

الحمد الله تم التغير و اخذ بريجستون ترونزو الواحد بي 42 دينار اي 420 ريال و اللحمد الله ما خاب من استشار بصراحة فرق كبير في الصوت بس صوت الهواء الي في النوافذ طبعا طبيعي من تشتت الهواء بس صوت الارضية ما شاء الله و لا شي هدوءءءءءءءءءءءءء لكزس راكب مو هوندا بصراحة في فرق و ابي اخوي اكورد 2.4 يساعدني في المدح هل كلامي فيه مبالغة بحسب تجربتك و تجربتي صحيح هدوءءء و اكورد2.4 شاهد . الف الف الف شكر ليكم اخواني ما قصرتو