استفسار بخصوص القطع الاستهلاكيه ..

[ب ك د 5444]

السلام عليكم و رحمة الله و بركاته .. كيفكم يا شباب ان شاء الله كويسين ..

يا شباب ان سيارتي مشت 80 الف و زيادة شوي و حبيت اسال وش اغير من القطع الاستهلاكية و الزيوت لاني انا ما غيرت الا الفحمات فقط و الله يعطيكم الف عافية و يوفق اللي عنده اختبارات .:

[تألمت بس تعلمت]

اذا ماغيرت بواجي وزيت القير مع الفلتر على 60 الف
غيرهن مع فلتر البنزين

[THE SILVER ACCORD]

السلام عليكم و رحمة الله و بركاته .. كيفكم يا شباب ان شاء الله كويسين ..

يا شباب ان سيارتي مشت 80 الف و زيادة شوي و حبيت اسال وش اغير من القطع الاستهلاكية و الزيوت لاني انا ما غيرت الا الفحمات فقط و الله يعطيكم الف عافية و يوفق اللي عنده اختبارات .:

وعليكم السلام ورحمة الله وبركاته

الحمد لله بخير وأنت كيف حالك إن شاء الله بخير ؟

1) تغيير زيت القير + الفلتر الخارجي حق زيت القير .. كل 40 أو 60 ألف كيلو

2) تغيير فلتر البنزين كل 80 ألف كيلو

وأنصحك تغير فلتر هواء المكينه

3) بواجي الأكورد 2008-2012 أريديوم و غاليه لكنها تدوم وعمرها طويل أتوقع 100 ألف << ياليت تشوف كتالوج سيارتك فيه جدول صيانه يوضح لك متى تغير الأشياء الإستهلاكيه .. ويعلمك عن نوع ورقم البواجي المناسبه

ملاحظه :
بواجي الأكورد 2003-2007 عاديه وليست أريديوم .. وسعرها رخيص طقم أصلي بـ 60 ريال تقريبا
وتتغير كل 40 ألف كيلومتر

4) شيك على الكفرات ( مافيها شقوق أو تحبيل أو الخ... ) + شيك على ضغط هواء الكفرات


5) اذا عندك رجه بسبب ترصيص الكفرات .. سو لها ترصيص لاصق بـ 80 ريال تقريبا .. لكنه خله ينظف مكان التركيب قبل يلصق

لأن اذا كان فيه غبار ما راح يمسك زين ؛ ولا تغسل السياره لمده كم يوم .. عشان يمسك الترصيص الاصق بالجنوط

[أكــــــــــورد11]

وعليكم السلام ورحمة الله وبركاته

القطع المهمة فلتر البنزين وتفحص فلاتر الهواءوالمكيف يمكن تحتاج تنظيف اوتغيير
زيت القير كل 60 الف اول مره و40الف ثاني مره ...الخ
تغييرالفلتر الخارجي كل 100الف
افحص قربة الماء مع الراديتر وعاير مستوى الزيت في علبه الدركسون اهم شي مايتعدى الحد الاقصى وكذلك زيت الفرامل .

بالنسبه للبواجي التغيير كل 100الف واحد الاعضاء غيرها على 150 الف وباقي سليمه دليل ان عمرها طويل ..
انا الغيت فلتر الهواء نهائيااللي كله زيت وغير عملي من يوصل 20 الف والسياره ماتتنفس ودخول نسبه بسيطه من الهواء الى المحرك وكذلك يضعف عزمها
واستبدلته بفلتر afe زيتي ميزته دخول هواء اكثروعزم افضل تنظيفه بمنظف K&N اذا تراكم عليه الاوساخ ولايتنظف بالهواء وضمان مليون ميل ..

[تألمت بس تعلمت]

بخصوص البواجي انا غيرتها على 200 الف وبقي فيها عمر يعني توصلك 300 الف وانت تضحك بس غاليه مره على مااظن 600 وزود

[ب ك د 5444]

الله يعطيكم الف الف عافية يا سيلفر اكورد و تالمت بس تعلمت و مبارك عبدالله وما قصصرتوا