عفوا يا أخوان
نسيت أقول إن اللون المطلوب
أبيض فقط
السلام عليكم ورحمة الله وبركاتهالجواب / أن السيارة لم يتم إستخراج لوحات لها ولم تسجل بإسم أحد من قبل أي أنها باقية تحت ملكية ( الوكالة ) بمعنى أن الذي يشتريها تستخرج له لوحات واستمارة جديدة وتسجل بإسمه ، وبذلك يبدأ سريان الضمان حتى لو بقيت في المعرض أو عند الشخص الذي يريد بيعها فيما بعد ولم يتم إستخدامها ، لذلك يكون هناك فارق في قيمة السيارة بمبلغ وقدره بين البطاقة الجمركية أو السيارة التي أستخرجت لها لوحات واستمارة ( حتى لو كانت أصفار ) .
أخباركم طيبين إن شاء الله ... دوم يا رب
بإذن واحد أحد .. راح أشتري أكورد 2013 ( اسبيشل أو فل مخمل ) ويفضل تكون بطاقة جمركية
واللي أبيه منكم يا أخوان اللي عنده أسم معرض أو موزع معتمد بالرياض ، ويكون سعره أقل من الوكالة فلا يبخل
علينا ... لأنه بصراحة الواحد وده يشتري من خارج الوكالة أرخص و أوفر
واللي يعطيني خبر له دعوه في ظهر الغيب ... شاكر و مقدر مقدماً الإجابــة .
وسلامتكم ... ي ا أ ح ل ى م ن ت د ى .
** كثير من الناس يسأل عن ... ما معنى ( بطاقة جمركية ) **
التعديل الأخير تم بواسطة nasser1430 ; 10-05-2013 الساعة 11:43 AM
عفوا يا أخوان
نسيت أقول إن اللون المطلوب
أبيض فقط
مبروك مقدمآ
عندك معارض النسيم معرض الفلاح عنده طلبك
ويفرق عن الوكاله بحدود 2000 ريال
مبروووك مقدما
فيه موزع هوندا اسمه العمودي تحصله على الدائري الشرقي بين مخرج 12 و11 اذا تعديت مخرج 12وانت متجه للمطار شمال خلك ماسك الخدمه تحصله على اليمين
واسعاره انقص من الوكاله
اتمنى اني افتدك واي خدمه انا حاضر
الله يبارك فيك أخوي ( القايله ) ... ويكتب الله فيه الخير
فعلاً الفلاح ... والله إنه رايح من تفكيري تماماً
الله يوفقك ..
الله يبارك فيك أخوي ( م ل ك 2008 ) ... ويكتب الله فيه الخير
وراح يكون ( معرض العمودي ) من ضمن الخيارات .
الله يوفقك ...
حي الله الشباب ... ما لكم بالطويلـــه ....
اليوم رحت لمعرض الفلاح وكم معرض ... لقيت أكورد 2013 بس استاندر والالوان ( ذهبي ، فضي ، أسود ) ... والاسبيشل لقيت ( ذهبي ، عنابي )
و لقيت استاندر ابيض عند ( السبر ) اللي في معارض النسيم وهو يعتبر موزع معتمد لعبدالله هاشم لكن المشكلة يقول قيمتها إرتفعت ألفين ريال
صارت بـ 88 ألف ... لا حول ولا قوة إلا بالله .... وكذلك لقيت عند معرض قريب من معرض الشوى اسبيشل أبيض أصفار لكن الطامه الكبرى
قال سعرها 99 ألف ريال .... طيب قلت له ليه ؟؟؟ بالوكالة يوم متوفره بـ 97 ألف ... قال الوكالة رفعوا الأسعار .
طفشت ورحت للبيت ... وبس .
الخلاصه ... اللي يعرف أحد عنده اسبيشل أو فل مخمل ... ومطلعها أقساط أخذها منه بسعر طيب ... وسلامتكم .
ارسل له رقم جوالي على الخاص ... ولا راح أنساه إن شاء الله ... وسلامتكم .
ابشر اخوي انا بحاول اساعدك
انت السيارة راح تاخذها كاش ولا تبيها تقسيط وأي فئة معزم عليها
ياهلا فيك اخوي طيب القيمة اللي معك كم واحد قريب لي راح لوكالة هوندا يشتري قطع غيار لسيارته ودخل يسال عن السيارات قاله الموظف موجوده سيارتين اللون لؤلؤي كلها فل مخمل
وكالة هوندا الرياض اللي بطريق خريص ياليت باسرع وقت تروح وتسالهم فيه موظف هناك شغال اسمه حمد المطيري تلقى مكتبه بنص الوكالة بالتحديد قدام الاكورد سبورت 2012
قل له انا معي المبلغ كاش وابي اخذ سيارة انا رحتلهم وبنفس اليوم استلمتها ويعلم الله اني بنفس يومها خذيت السيارة والله يعطيك خيرها ويكفيك شرها مقدما
جزاك الله كل خير أخوي ... رحت اليوم العصر للموظف اللي في هوندا ( خريص ) يقول ما فيه لون أبيض إلا بعد
إسبوعين إلى شهر وحجز بعد وما بقى إلا استاندر ذهبي بجنوط ( حاطينها الوكالة من عندهم و شكلها بايخ مره )
ويقول الموظف كل الفئات زايدة قيمتها 2000 ريال ... طيب ليه ؟؟
وبعدها رحت لمعارض النسيم .. وما فيه فـُـل مخمل أبداً في جميع المعارض ،،، ما فيه إلا أسبيشل ذهبي أو استاندر
الاسبيشل الذهبي بـ ( 97000 ريال ) بدون تأمين والاستاندر بـ ( 86000 ريال ) أما الاستاندر الأبيض بـ ( 87000 ريال )
وفيه معرض عنده أكورد ذهبي استاندر ( سوووح ) طالعه لوحاته بـ ( 82.500 ) منقول بإسمك ومن ضمنه التأمين
الخلاصه : بعد المطامر والمرمطه ... وش رأيكم بالذهبي ( اسبيشل أو استاندر ) ... هونت عن الأبيض :o
التعديل الأخير تم بواسطة nasser1430 ; 15-05-2013 الساعة 08:57 PM
مواقع النشر (المفضلة)